Dokumentalak Usurbilen, azken urteetan, zaintza eredu berri bat eraikitzeko egindako lanketa eta eraldaketa erakusten ditu: horretan jardun duten edo oraindik ere ari diren herritarrak eta eragileak dira protagonistak. Zaintza behar desberdinak dituzten hiru herritarren lekukotzak ere jasotzen dira: Egurtzeko zaintzadun etxebizitzen auzunean bizi den Andoni Aizpeolea, etxean arreta jasotzen duen Maria Galvez eta Txirikordako bizilagun Iñaki Rivero. Halaber, ekosistemaren parte diren profesionalen lekukotzak jaso dituzte, besteak beste, etxeko arretan lan egiten duten zaintzaile profesionalak, Eguneko Arretako arduraduna, zaintza behar duten pertsonen garraioaz arduratzen den langilea eta Usurbilgo Udaleko Gizarte Zerbitzuetako langileak.
Ikus-entzunezkoa 2025eko martxoaren 29an estreinatu zen.
Irudia, soinua eta edizioa: Raul Lopez, Laida Aranburu, Esther Escudero eta Ruben Sainz
Gidoia eta koordinazioa: Usurbilgo Udala eta Matia
