Azkaingo AEK-ko ikasleen podkast saioa da:"gau eskolatik plazara, plazatik oihan-zolara, oihan-zolatik mazeletara, mazeletatik mendi-kaskora, mendi-kaskotik uhinetara… euskara zabaltzen ari gara."

Nagore Irazustabarrena historialariaren podcast berria da 'Oroimen Histerikoa'. Axier Lopez kazetariaren konpainian historiako pasarte edo bitxikeria bat ekarriko digu hamabost minutuko istorio batean bilduta.

'Ekoizpen Duina Kontsumo Herrikoia' sukaldaritza saioa da, Biolur Nekazaritza Ekologikoaren Aldeko Elkarteak bultzatu eta Hiru Damatxok ekoitzia. Saio hauek “Duina, baratza ekologikoen bideragarritasunaren lanketa kolektiboa” ikerketa proiektuan jasotako emaitzetan oinarrituta sortu dira. Elikadura osasutsua eta nekazaritza ekologikoa sustatu eta bizitza duinagoak garatzen laguntzeko.

Lurra eta Agujetak lurra lantzeak eta elikadura burujabetzak batu dituen hiru lagunen podcasta da, ikuspegi autogestionatu eta autonomo batetik hitz egingo dute lurraren kudeaketari zein elikaduraren ekoizpenari buruz. Anoetako Gaztetxeko estudioan grabatu eta hilean behin emititzen dute Arrosa Sarean.

2020ko etxeko konfinamenduko oasitik, umore kritikoz aktualitateari heldu zion saioa.

Basilika podcasting espazio bat da, honako interesetik abiatzen dena: pentsamendu konparatuan, hausnarketa kritikoan eta gaur egungo kultur ekoizpenaren forma desberdinen gaurkotasun-harremanetan arakatzea. Donostian eta Bilbon oinarrituta, kezka-talde heterogeneoa (artistak, idazleak, ikerlariak,  programatzaileak, zinegileak) eta egiteko moduak biltzen ditu, kultur dimentsioko podcast-programa espezifikoak eta aldizkakoak ekoizteko.