Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean, Kantabriako enpresa batentzat lan egiteko, baina duela hiru urtetik gure kontura ari gara lanean”, azaldu du Ibargurenek. Gaur egun bera da proiektuko kide bakarra.