Seme-alaben garapenean haurreskoletako hezitzaileek duten “ezinbesteko papera” azpimarratu eta euren lana eta inplikazioa goraipatu nahi izan du Donostiako Kattalin haurreskolako guraso talde batek. Haurreskolak Partzuergoko langileak greban diren honetan, negoziatzeko prest egon dadila eskatu diote Eusko Jaurlaritzari, “negoziazio horren azken helburua haurrek jasoko duten kalitatezko arreta bermatzea” dela sinetsita.

Enrique Echeburúa EHUko Psikologia Klinikoko katedradunak eta Cristina Guerricaechevarria psikologoak, sexu abusuak pairatu dituzten haurrekin eta familiarekin izandako prozesu terapeutikoak aztertu dituzte Abuso sexual en la infancia. Nuevas perspectivas clínicas y forenses (Sexu abusuak haurtzaroan. Ikuspegi kliniko eta forentse berriak) liburuan. Horrez gain, liburuak atal bat eskaintzen dio adingabeen abusatzaileekin egindako esku-hartze terapeutikoari, eta benetako kasu... [+]

Naiz hedabideak jakitera eman duenez, Iruñeko Udalak hiru haur eskolatara mugatuko du euskarazko eskaintza 2021-2022 ikasturtean. Navarra Suma buru duen udal taldeak Izartegi eta Goizeder haur eskoletan soilik eskainiko du euskarazko lerroa 0-3 adin tartearentzako. Eta lehen aldiz Printzearen Harresi haur eskolan euskarazko lerro bat zabalduko dute 0-1 urte bitartekoentzako, tartean ingelesezko eta gaztelerazko jarduerak sartuta. Oso urrun dago planteamendu hau, Haur Eskolak Euskaraz... [+]

Haurrentzako festetan, gustuko duten printzesaz janztea eta printzesa hori antzeztuko duen aktore heldu batek festa girotzea ez da arraroa AEBetan. Halakoak antolatzeaz arduratzen zen Kitty Wolf argazkilaria, eta ikusi ostean printzesaz mozorrotu nahi zuen mutil bati errieta egiten ziotela, “Mutilak ere printzesa izan daitezke” proiektua jarri du martxan, euren printzesa kuttunaz jantzitako mutikoen erretratuak sareratuz. Irain ugari jaso ditu ekimenak, babes mezu asko ere bai.

2021ean ere, milaka errefuxiatuk harrapatuta eta pilatuta jarraitzen dute Greziako Lesbos irlan, Europako kanpalekurik handienean. Bertako haurrei jostailuak oparitu asmoz, Zaporeak elkarteak eta Donostiako Morlans auzoko bizilagunek ekimena jarri dute martxan: auzo elkarteko lokalera jostailuak eraman ditzakezu, Lesbosko umeek haiekin jolasteko.

Herriz herri eta etxez etxe adinekoen bizipenak jaso eta garai batean etxeko txikienen belarriak gozatzen zituzten kantu, kontu, jolas eta ipuinen bilduma osatu dute interneten. "Talo, talo txin", "Katu mixi marrau", "Senda, senda mina" eta beste hamaika kontu jasotzen ditu Xaldun Kortin, Jolastu gurekin! egitasmoak, 0-6 urte arteko haurrekin aritzeko pentsatuak.

Haurrek Olentzerori autoa, panpina, mahai-jolasa eta beste eskatuko dioten garaiotan, umeen aukera horiek zenbateraino dauden baldintzatuta ulertzen lagundu dezake duela hilabete batzuk argitaratutako ikerketak: 4 urterekin jada genero rolak guztiz barneratuta dituzte.

Bizkaiko Foru Aldundiko lau goi-funtzionario epaituko dituzte Irune Costumerori Gurasoen Alienazio Sindromea leporatuta alabaren tutoretza kentzeagatik eta horrek eragin dien min psikologikoagatik. Nazio Batuen Erakundeak Espainiari azalpenak eskatu berri dizkio egoera hau onartzeagatik. Bitartean, alabak tratu txarrak ematen dizkion aitarekin bizitzen jarraitzen du. Hona hemen Irune Costumeroren testigantza gordina.

“Hiru seme-alaba ditut eta horietako bati bihotzeko ebakuntza arriskutsua egin ziotenean, haurrei heriotza azaltzeko liburuen bila hasi nintzen. Aurkitu nuen guztia erlijioari lotuta zegoen, eta beti izan dut hori buruan, harik eta iaz argi ikusi nuen arte: Lezon dudan kafetegian ospatzen dugun Gau beltzarentzat pertsonaia bat asmatu behar genuela erabaki eta pertsonaia hori liburu baterako baliatzea, dena bat izan zen: zergatik ez egin heriotzari buruzko ipuina Gau beltzari tiraka?... [+]

Ikerketa berri batek azaleratu du biberoi bidez elikatzen diren umeek milioika mikroplastiko irensten dituztela egunean eta bilioika nanoplastiko litro bakoitzeko. Uste zena baino askoz gehiago da hori eta zerikusia du biberoiak esterilizatzeko eta formula-esnea prestatzeko moduekin. “Pentsatzen genuena baino askoz larriagoa da arazoa eta haurren osasunari nola eragiten dion aztertu beharko genuke”.