Mundu mailan 1,5°C-ko beroketa gainditzeak zein inplikazio izanen dituen, zein zailtasun berri topatuko ditugun, eta zein ibilbide hartzen ahalko diren maila horren azpira itzultzeko. Horixe jaso du Nazio Batuen Ingurumenerako Programak argitaratu berri duen txosten batek. Argi da ez dela erraza izanen eta erabaki hartzaileek gehiegi itxaron izana garesti suertatuko dela. Are garestiago litzateke, ordea, gehiago itxarotea.