Urtez urte gehitzen doaz libertimenduak; aurtengoan Markina-Xemeingoa eta Arrosadiakoa (Iruñea) batu dira zerrendara. Hamaika (11 zehazki) libertimenduren berri jakin dugu; otsailean eta martxoan izango dira Nafarroa Beherea, Lapurdi, Nafarroa, Gipuzkoa eta Bizkaian barrena. Bolant-dantzariak eta zirtzilak, koko-zuriak eta koko-beltzak... izango dira protagonistak. Dantza, antzerkia, musika eta bertsoa uztartuko dira ziria, kritika soziala, umorea eta algara eskutik hartuta.