ARGIA.eus

2021eko apirilaren 18a

Kultura > Arte eszenikoak > Dantza > Euskal dantza tradizionala

2021-01-12 | ARGIA

2015-2020 bitartean egindako ikerketan 449 euskal dantza tradizional ondare immaterial gisa katalogatu dituzte Araba, Bizkai eta Gipuzkoako 111 herritan. Sarean kontsultatu daiteke dagoeneko katalogoaren zati bat. Lapurdin, Nafarroan, Nafarroa Beherean eta Zuberoan ere ari dira katalogatze-lanetan.

Euskal dantza tradizionala kanaleko multimediak
Oier Araolaza, dantzari eta antropologoa
"Mutilen eta nesken dantzak bereiztea duela ehun urteko sorkuntza kontzeptuala izan zen"

“Genero-identitatea euskal dantza tradizionalaren eraikuntzan” doktorego-tesia aurkeztear da Oier Araolaza dantzari eta antropologo eibartarra. Gaur arte dantzetan iraun duten estereotipo bitarrak noiz, nola eta zein asmorekin sortu zituzten aztertu du. Gero eta gehiago dira rol horietatik aske den dantzaren aldeko apustua egiten ari direnak, baina oraindik bada lanik.

 


2020-03-18 | ARGIA
Itxialdian herri dantzak ikasteko, Dantzan-en tutorialak: fandangoa, branlea, arin-arina...

"Dantza ekitaldiak, emanaldiak, eskolak eta entseguak bertan behera geratu dira, eta beraz, nork bere etxean dantzan egitea da geratzen zaigun azken aukera". Alderantziz ere gerta daiteke, norbaitek baliatzea bakarraldi luze hau orain arte ausartu gabeko ahaleginean hasteko. Dantzan aldizkaria hasi da Interneten jartzen hainbat dantza ezagunen tutorialak.


Euskal dantza eta musikaren etxea 2022rako nahi lukete lortu Uztaritzen

Herri Soinuk Uztaritzen egin gogo zuen egoitza zabalago bilakatu da, euskal dantza eta musikaren baliabide gune baten egitasmoa bilakatuz. Lurraldeko gaurko egoeraren azterketa egin dute.


2019-12-20 | dantzan.eus
Ez dago aurreskurik sokarik gabe

Sinbolo kultural eta koreografikoekin despistatuta dago euskal egitura politiko eta kulturala. Eta ziur aski Lehendakaria bera ―eta Lehendakariaren protokolo zuzendaritza― dago galduen. Bizirik diren EAEko Lehendakariak batu dira Gernikan abenduaren 15ean, erbestean Lehendakari izan zirenak omentzeko, lehen Eusko Jaurlaritza erbestera behin betiko irten zeneko 80. urteurrena eta Leizaola Lehendakaria erbestetik bueltatu zeneko 40. urteurrena gogoan hartuta. Soka bereko... [+]


Tokirik ez euskal dantzarentzat Donostian?

Ez da urte-bukaera samurra izaten ari Goizaldi Euskal Dantzari Taldeko (Donostia, Gipuzkoa) kideentzat. Urte osoan entseatzeko tokirik gabe gelditzeko mehatxuak jaso ostean, pasa den abenduaren 11n sarraila aldatuta topatu zuten hamarkada luzez erabili duten lokalean, Easo kaleko 45. zenbakian, Francisco Escudero Kontserbatorioaren sotoan.


2019-12-12 | dantzan.eus
Egoitzatik kanporatua izan da Donostiako Goizaldi dantzari taldea berriz ere

70 urtez bere egoitza izan den lokaletik kanporatu dute Donostiako Goizaldi dantzari taldea. Easo kalean, Francisco Escudero Musika Kontserbatorioak darabilen eraikin berean dago Goizaldi dantza taldearen lokala. Bart sarrailak aldatuta aurkitu dituzte Goizaldiko dantzariek.


2019-11-27 | dantzan.eus
Altzürüküko gazteek emango dituzte 2020ko maskaradak

Otsailaren 2an hasi eta apirilaren 19an bukatuko dira 2020ko maskaradak, Altzürüküko gazteek emanak.


2019-11-04 | dantzan.eus
Nola eragiten du erraldoien egiturak dantzan?

Erraldoiak dantzan aritzeak dantzagarriak izatea eragiten du, eta horrek Euskal Herriko erraldoiak barrutik nolakoak diren azaltzera garamatza, gure gainean dagoen hiru metro baino gehiagoko figurarekin elkarreragiteko aukera ematen digun sistema nolakoa den azaltzera.


Soka Dantzaren tutoriala
MULTIMEDIA - ekitaldia

Urriaren 12ko ARGIAren mendeurren festan Soka Dantza egingo dugu 13:00etan Donostiako Plaza Berrian. Aiert Beobide eta Amaiur Luluagak gidatuko dute dantza eta ARGIA zaleok zati txiki bat besterik ez dugu egin behar. Hemen duzue tutoriala, ikusi eta ikasi.


2019-09-16 | dantzan.eus
Mutil-dantza parekideak ez direnak gero eta urriago dira Baztanen

Mutil-dantzetan bazterketarik gabe dantzatzeko ohitura gero eta ohikoagoa da, nahiz eta oraindik izaten diren zenbait unetan emakumerik gabeko mutil-dantzak antolatzeko ahaleginak. Baztango plaza gehienetan neskek zein mutilek dantzatzen dituzte mutil-dantzak azken urteetan. Elizondoko jaietan ere emakume eta gizonek dantzatzen dituzte mutil-dantzak plazan, baina gizon-talde batek elizako jardinetan emakumerik gabeko dantzaldiak antolatu dituzte oraindik.