Berriki, Amikuzeko ikastolak 50 urte bete ditu [1971-2021]. Karia horretara, ikasle ohi batzuek gaur egungo eta atzoko erakasle, langile eta buraso batzuk elkarrizketatu dituzte haien garaiko testuingurua, gogoetak, eztabaidak, lorpenak eta huts egiteak kontatzeko. 23 lekukotasun bildurik eta elkarri josirik, dokumental honek Ipar Euskal Herriko bigarren ikastolaren historia ezagutzeko parada eskaintzen du. Baina Amikuzetik haratago, lekukotasun horiek ikastola guzien historiaz zerbait kontatzen dute: hastapenetan aldarrikapena eta herrian errotzea, bere hezkuntza sistemaren asmatzea eta egitura hauen saretzea, botere publikoen akuilatzea eta euskararen erabilpenaren eta geroaren inguruko kezka… Uste baino gaurkotasun eta unibertsaltasun gehiago baitu hizkuntzen aldeko borrokak.
Kanaldude
