Multinazional gutxi batzuk berenganatzen ari dira munduko hazi guztien jabetza genetikoa. Erraldoi horien parean, jendea sare txikietan antolatzen ari da, tokiko hazien berreskuratzeko. Gai honi tiraka, hitzaldi honetan Niko Mendiboure Irisarriko baratzezainak Hazi sarean egiten ari diren lana aurkeztu du, eta Marc Badal luzaidarrak ARGIArekin argitaratu duen Haziak liburuaz xehetasunak eman ditu.