Gipuzkoako hiriburuko erdialdean, leku lasai, goxo eta euskaldun baten bila zebilenak, Easo kalean zeukan Alboka taberna. Aterpe ederra jende askorentzat, beti musika aukeraketa zainduarekin, kafe eta garagardo eskaintza bezalaxe. 1979an ireki zuten taberna, eta Jon Martinez Ona egungo jabeak pertsiana jaitsi du asteburuan, taberna nori pasatuko ezin itxita. “Harro eta pozik noa”, adierazi dio ARGIAri, azken asteotan bere komunitatearen maitasuna jaso ostean.