Idatzi honen bitartez, mendiko ura erabiltzen dugun baserri edota etxeetan bizitzen ari garen egoeraren berri eman nahi dugu, Uraren Euskal Agentziatik etxeetan jaso ditugun gutunen harira. Eskutitzak banaka ari dira iristen eta elkarrekiko desberdinak dira, nahiz eta funtsean gauza bera eskatzen zaigun, eta horrek nahasmena, beldurra eta konfiantza-eza sortu ditu.