Azpeitiko 1. Instrukzio Epaitegiko epaileak bi delitu gehiago leporatu dizkie berriki Pujanaren hilketagatik ikerketapean dauden bi pertsonei: emakumea atxiki izana eta sexualki esplotatu izana. Hala bada, indarkeria matxista zantzuak lituzke kasuak. Emakumeen Mugimendu Demokratikoa elkarteak elkarretaratzea deitu du ostiralerako, 19:00etan, Donostiako Boulevardeko kioskoaren ondoan, hilketa gaitzesteko.