Gipuzkoako Debabarreneko Erakunde Sanitario Integratuko (ESI) zuzendaritzako bi kidek, Iratxe Ocerinek eta Ana Bereziartuak, dimisioa aurkeztu dute, ARGIAk baieztatu duenez. Mendaroko Ospitaleko zuzendari medikua da Ocerin eta Eibarko ospitaleko erizaintzako zuzendaria da Bereziartua. Biek COVID-en aurkako txertoa jaso ostean utzi dute kargua, polemikaren erdian.