ARGIA.eus

2021eko urriaren 16a

Euskal Herria > Gipuzkoa > Zubieta

2021-10-14 | Zero Zabor

EAM Errausketaren Aurkako Mugimenduak 2019an jarri zuen abian  Zubietako Erraustegiak sortutako kutsadurak neurtzeko kontrol herritara. Egunotan, urriaren bigarren asteburuan EAMeko boluntarioek 2021ko lagin bilketa egin dute, horien azterketa egingo duen ToxicoWatch fundazioarekin elkarlanean. Erakunde honek aztertuko ditu erraustegi inguruko goroldio, ur, lur, zuhaitzen hosto eta abar.

Zubieta kanaleko multimediak

Eduki hauek interesatzen zaizkizu? Kanal honen RSS jariora harpidetu zaitezke.

Zubieta
Iritziak
Sakonean
Herritar ugari batu da Zubietako erraustegirako martxara

"Etsitzeko motiboak izan arren, arazo honi aurre egiteko garaia da", nabarmendu dute martxoaren 27an martxaren antolatzaileek. Zubietako erraustegiaren ataritik agintariei planta geldiarazteko, hondakinak kudeatzeko sistemak Gipuzkoa osora zabaltzeko eta herritarren ongizatea errespetatzeko eskatu diete.


2021-03-23 | Zero Zabor
Zubietako erraustegira martxa egingo dute larunbatean Lasarte-Oriatik abiatuta

Errausketaren Aurkako Mugimenduak deituta, Zubietako erraustegiraino hurbiltzeko martxa burutuko da larunbatean, martxoak 27. Lasarte-Oriatik abiatuta joango dira agintariek Gipuzkoako Ingurumen Gunea bataiatu duten eremuraino.


2021-01-14 | Usurbilgo Noaua
Bermerik gabe lanean ari den erraustegia berehala ixtea eskatu du GuraSOSek

Sutea astelehenean hasi zela, jada hirugarren sutea dela eta guztira erraustegiaren bueltan izandako zazpigarren ezbeharra dela jakinarazi du GuraSOSek agerraldi bidez Donostian. Bermerik gabe lanean ari den erraustegia berehala geratzea exijitu dute.


2020-12-17 | ARGIA
Zubietako erraustegia industria segurtasun araudiari bizkarra emanda funtzionatzen ari dela salatu du GuraSOSek

GuraSOSek hainbat dokumentu helarazi dizkie zenbait hedabidera, frogatzeko Zubietako erraustegia arauz kanpo ari dela funtzionamenduan. GuraSOSek salaketa jarri du Fiskaltzan, erraustegiaren legeztatze tramitazioan aurkitutako delituengatik.


2020-12-08 | Usurbilgo Noaua
Hiru egun lehenago ukatutako baimena eman dio Eusko Jaurlaritzak erraustegiari

Zubietako erraustegiari, hondakinak erretzeaz gain energia sortzeko jarduna ahalbideratuko zuen baimen bat ukatu zion, ez zion berritu abenduaren 1ean Eusko Jaurlaritzak aipatu planta kudeatzen ari den Ekondakin enpresari. GuraSOSek lehenik, EHBilduk eta Elkarrekin Gipuzkoak gero erraustegiaren jarduna etetea eskatu dute egunotan. Jaurlaritzak azkenean abenduaren 1ean ukatutako baimena eman dio erraustegiari. 


2020-12-04 | Zero Zabor
Zubietako erraustegia baimen baten faltan ari da eta argindarrik ekoiztu barik

Gipuzkoako Ingurumen diputatu eta GHKko lehendakari Ignacio Asensiok aitortu duenez, Zubietako erraustegiak jarraitzen du argindarrik sortu gabe eta ofizialki abian jarrita dagoela adierazten duten baimen guztiak lotu gabe. Baina, gainerakoan, hondakinak erretzeko baimen probisionala indarrean dela eta labeak martxa normalean ari direla azpimarratu du.


2020-12-01 | Zero Zabor
Zubietako erraustegiaren kutsaduren kontrolerako bigarren ikerketa independentea abian jarri dute

Zubieta Lantzen elkarteak eta Errausketaren Aurkako Mugimenduak antolatuta, 2019an ekin zitzaion Gipuzkoako erraustegiak sortu ditzakeen kutsaduren kontrol independenteari, Herbeheretan gaiotan berezituta dagoen TowicoWatch fundazioaren laguntzarekin. Orain mugimenduak publiko egin ditu erraustegia martxan jarri aurretik bildutako laginen emaitzak eta adierazi du jada martxan dagoela bigarren ikerketa, erraustegia piztu zenetik lehenbizikoa.


2020-11-20 | Zero Zabor
Gipuzkoa azaro honetan hasiko da Zubietako erraustegiaren 2055a arteko zorra ordaintzen

Jose Ignacio Asensio foru diputatuak adierazi duenez, GHK Gipuzkoako Hondakinen Partzuergoak hilabete honetan sinatuko du Ekondakin enpresa talde pribatuarekin Zubietako erraustegiaren abiatze ofizialaren mugarria izango den agiria eta sinatze horretatik abiatuko da 35 urte iraungo duen ordainketa: 2055a arte gipuzkoarrek urtean 23 eta 31 milioi euro arteko faktura ordainduko dute, 1.085 milioi osatu arte.


2020-09-17 | Zero Zabor
Arkaitzerrekan lau egunez 2,2 milioi litro ur kutsatu isuri zituzten erraustegitik, Guardia Zibilaren arabera

Guardia Zibila Zubietako erraustegiko lau arduradun ikertzen ari da, maiatzean Arkaitzerrekan hainbat arrain amoniakoz kutsatuta hiltzearen erantzukizunak dagozkielakoan. Ikertzaileen arabera, Arkaitzerrekan gertatua ez zen une bateko isuri txikia izan: lau egunez luzatu zen eta amoniakoz kutsatutako 2.200.000 litro ur hustu zituzten erraustegitik Arkaitzerrekara.


2020-09-04 | Usurbilgo Noaua
Azken aldian ikusi gabeko ke zutabea Zubietako erraustegitik (bideoa)

Oraingoan Usurbilgo txoko anitzetatik ikusgarria izan zen, asteazken arratsaldean Zubietako erraustegia inguruko mendi aldean barrena isurtzen ari zen ke zutabea. Ofizialki "probaldi" fasean segitzen du, aste gutxi barru guztiz martxan jartzea da sustatzaileen asmoa.