Gipuzkoa

Sabino Ormazabal hil da, mugimendu ekologistako eta giza eskubideen aldeko ekintzaile historikoa

2026-08-17

Astelehen goizean hil da Donostian Sabino Ormazabal Elola (1953). Militante ekologista eta antimilitarista, desobedientzia zibilaren eta indarkeria-ez aktiboaren bultzatzaile izan da bizitza osoan, baita horregatik espetxea sufritutakoa ere. Joxemi Zumalabe Fundazioko patronatuko kide, Bidea Helburu taldean eta Argituz giza eskubideen aldeko elkartean aritu da lanean, besteren artean. Egin eta Garan aritu zen kazetari lanetan, eta zenbait liburu eta dokumentalen egilea da, bakarka zein taldean.

Urubien atzetik

2026-08-13

Landa guneetako eta eremu urbanoetako urubien arteko ezberdintasunak ikertzeko helburuarekin, harrapari gautar honen jarraipena egin genuen lau urtez Aranzadi Zientzia Elkartean. Hirietan ere bizitzera moldatzeko gai dela erakutsi digu, hiriek ingurune berde eta basotu nahikoa baldin badute behintzat. Hemen harrapari horiek ikertzeko orduan izandako gora-beherak.

Kolpistak Irun bonbardatzen hasi zirenetik 90 urtera, egia historikoa berrezartzearen lana egiteke da oraindik

2026-08-12

1936ko abuztuaren 9an hasi zen lau astez luzatuko zen Irungo hiriaren suntsiketa kanpaina, Francoren agintepeko matxinoen eskutik. Abiazio alemaniar eta italiarraren lana ezinbestekoa izan zen, adituek gaur egun "gerla totalaren laborategi goiztiarra" deitzen duten sarraskia egiteko.

Inor ez ahanzturan, Amner Acuña gogoan

2026-08-11

Amner Acuñak duela zazpi urte utzi zuen atzean Nikaraguako San Juan del Rio Coco herria. Etorkizun hobea nahi zuen beretzat eta bereentzat: bilaketa horretan, besteak beste, Azpeitia eta Elgoibar izan ditu bizileku azken urteetan. Hemen bizi izan da bere senideekin, hemen egin ditu lagun berriak, eta nikaraguar komunitatearen parte izaten jarraitu du hemen ere. Beisbol jokalari profesionala izan zen bere herrialdean, eta bere pasioarekin jarraitu du Euskal Herrian.

Baina batez ere lanera... [+]

1350 piratak eta 202 baltsak abordatu dute Donostia

2026-08-11

Urtero legez, Donostiako Piratek hiria abordatu dute eta aurten Bagerak eta Ezkilak bota dute txupinazoa. Ehunka piratek abordatu dituzte donostiar kai eta badia.

Ertzaintzak hamalau lagun atxilotu ditu Gasteizen, Eibarren eta Arrasaten

2026-08-10

Autoritatearen aurkako atentatua egotzita atxilotu dituzte. Eusko Jaurlaritzako Segurtasun Sailak salatu du bederatzi ertzain eta bi udaltzain zauritu direla gertakari horietan. Gertatutakoaren berri ematean, atxilotuen jatorria azpimarratu du Segurtasun Sailak.

Zezenketak egiterik ez dutela nahi aldarrikatu dute beste behin Donostian

2026-08-10

Hirurehun bat lagunek parte hartu dute larunbatean Zezenketen Aurkako Gipuzkoako Plataformak antolatutako manifestazioan. Ohikoa den moduan, Aste Nagusia hasi baino ordubete lehenago egin dute Zezenak bizirik, zezenketarik ez, ez Donostian, ez inon! lelopean protesta ekintza, Bulebarreko kiosko aurretik abiatuta.

Zarauzko Euskaltzaleen Gazte Asanblada sortu dute

2026-08-07

"Euskararen aldeko borrokan lekukoa hartzeko" xedez jarri dute martxan egitasmoa hainbat lagunek, eta Zarautzen euskarak bizi duen egoerarekiko kezka agertu dute.

Lanean izandako bertze hiru heriotzaren berri eman du LABek

2026-08-07

Basogintzan lanean ari zen 44 urteko langile bat hil da asteazkenean Azkoitian, enbor bat gainera erorita. LABek jakinarazi duenez, azken asteotan bi garraiolari hil dira lanean; Idiazabalen bata, eta Oiartzunen bertzea. Sindikatuaren arabera, aurten dagoeneko 39 pertsona hil dira Euskal Herrian beharrean ari zirela.

Europako Batasunak migrazio politikak are gehiago gogortuko ditu

2026-08-05

Espainiako Gobernuak eskatuta, EBk ezohiko bilera egin du Ceutako (Espainia) migratzaileen krisiaren harira. Bileran 27 herrialde kideak ados agertu dira mugetako kontrolak "indartzearekin" eta migrazioak kontrolatzeko "neurriak" hartzearekin.

Elkanoren lehorreratzeak "indarkeria koloniala" zuritzen duela salatu dute

2026-08-03

Elkanori Ez ekimenak elkarretaratzea egin du asteartean Getarian (Gipuzkoa), antzerkiaren "izaera espainiarra, arrazista eta kolonialista" salatzeko. Elkanoren lehorreratzearen berrinterpretazioa baino hiru egun lehenago egingo dute, ekimenaren hitzetan, "espektakulua" baino lehen.

Donostiako Udalak ez dio debekua kenduko Kaleko Afari Solidarioak ekimenari, eta "abuzturako" iragarri du "alternatiba"

2026-07-30

Donostiako Udalaren debekua salatzeko mobilizazioa egin eta biharamunean, ortzegun eguerdian elkartu dira Kaleko Afari Solidarioak (KAS) ekimeneko kideak eta Donostiako Udaleko ordezkaritza, Jon Insausti alkatea tartean. Debekua kentzeko eskatu diote alkateari, pertsona zaurgarriengan “gorrotoa” ez sustatzeko eta herri ekimenak ez “kriminalizatzea”. Alkateak, berriz, "inklusiorako prozesu errealak" nabarmenduta, "abuzturako" iragarri du "alternatiba".

Turismo bidaiaren atzeko argazkia

2026-07-29

Udaberrian argitaratu du ARGIAk Turismoa. Desazkundera bidaia liburua, Donostiako Bizilagunekin taldeko Asier Basurtok idatzia. Liburua jendarteratzeko zer hobeto gaiaz tokian toki hitz egitea baino, turistifikazioaren gaia lantzen duten eragileekin solasean. Hala egin dugu, ordubeteko hizketaldi atseginak sortuta. Bilbon, Iruñean, Sopelan eta Gasteizen entzundakoak dira testura ekarritakoak. Erretratu bat da Euskal Herriko panoramarena, argazkien atzeko aldearena.

"Alkateak pobrezia Donostiatik periferiatara eraman nahi du, eta hiriaren irudia garbitu"

2026-07-28

Astelehen gauean jakinarazi dio Donostiako Udaltzaingoak Kaleko Afari Solidarioak egitasmoari ezingo duela kalean bizi direnei afariak banatzen jarraitu. Elkarteak prentsaurrekoa eskaini du eguerdian, eta ARGIA bertako kide Marta Azaterekin ere mintzatu da; kideak ohartarazi du gaur bertan hirurehun herritar inguru afaltzeko aukerarik gabe gera daitezkeela. Udalaren erabakia gaitzesteko, mobilizazio bat deitu dute asteazkeneko (uztailak 29) 20:00etarako.

Tximista belardian

2026-07-27

Suge gorputz kiribildu bat sumatzen da belar luzeen babesean. Argi-itzaletan ari da goxatzen, eguzkipean. Lasai dago; eroso, bere bizitokian. Baina amaitu da bakea. Gorputzak mugimendu txiki bat sentitu du sabel azpira itsatsia duen lur lehorrean. Pausuak nabaritu ditu. Gertu… gero eta gertuago… oso gertu. Gizakia da! Suge berdehoriak ez du arriskurik hartu nahi, ordea. Ziztu bizian mugitu da belar artean. Zast! Eta instant batean desagertu egin da. Aranzadiko ikertzailea geldi gelditu da. Mugimendu azkar bat sumatu du belar luzeen artean: tximista bat belardian.

"Bertsozale Elkarteko Lehendakaritza Euskal Herriaren ulerkera bat ematen dizun leku pribilegiatua da"

2026-07-22

Maite dut galdera bati erantzuteko denbora hartzen duen jendea; izaten da, normalean, zerbait esateko duena. Duela aste batzuk ezagutu nuen Xabi Igoa eta bere koadernoko apunteetan zer zegoen jakin nahi nuelako eskatu nion elkarrizketa. Baietz esan zidan, ze ongi! Orain badakit Aramaiotik Arrasatera zortzi kilometro besterik ez dagoela.

Euskal gastronomiaren Ja(ki)tea sariak banatu dituzte, lehen sektorea laudatu eta instituzioak interpelatuta

2026-07-22

Elkarteak hamazazpi urte betetzen dituenean, zortzigarrenez banatu dituzte sariak, eta bosgarrenez egin dute ekitaldia Adunako (Gipuzkoa) Zabala sagardotegian. Hamar saritu izan dira, horietako bat ARGIAren eta Bizi Baratzearen kolaboratzaile Mattin Jauregi partaide den proiektua, Bedaioko (Gipuzkoa) Balerdipeko Erleak; bertako ekoizle onenaren saria jaso dute. Sari nagusia, bestalde, kalitate eta produktu onenarena, Beasaingo (Gipuzkoa) Urkiola jatetxeak jaso du.

Jaien azken egunean "jazarpen poliziala" pairatu zutela salatu du Donostiako kaiko Karmengo jai batzordeak

2026-07-22

Karmengo jai batzordeak azaldu duenez, "Ertzaintzaren kolpeen ondorioz", lau kide "urgentziaz" artatu behar izan zituzten, eta "beste hainbestek kolpe handiak jaso" zituzten. Pertsona bat ere atxilotu zuten.

Eguzkik salatu du donostiarrek gero eta garestiago ordaintzen dutela hondakinen kudeaketa

2026-07-22

Talde ekologistak salatu duenez, Donostiako udalak jarraitzen du uko egiten hondakinen gaikako bilketa hobetzeari, eta horren ondorioz, donostiarrek gero eta gehiago ordaintzen dituzte hondakinen kudeaketa. Ondoren irakur daiteke horren harira eguzkik idatzitako artikulua.

Burujabetza eta erabakitzeko eskubidea aldarrikatu dituzte Bergaran

2026-07-20

EAJko eta EH Bilduko berrehun hautetsi baino gehiago elkartu dira Bergaran bi efemeride gogoratzeko: Foruen abolizioaren 150. urteurrena eta Bergarako Alkate Mugimenduaren 50. urteurrena. Orduan bezala, euskal herritarrek beren etorkizuna libreki erabakitzeko eskubidea dutela aldarrikatu, eta burujabetza ezinbertzeko tresna dela berretsi dute.

Euskal selekzioaren ofizialtasuna aldarrikatu dute milaka pertsonak

2026-07-20

Baionan, Iruñean, Gasteizen, Bilbon, Donostian, Eibarren eta beste zenbait udalerritan egin dira igandean euskal selekzioaren aldeko mobilizazioak, Espainiako eta Argentinako selekzioen arteko Munduko Txapelketako finala hasi baino lehen. Zizpa gaztetxeak deituta Baionan, euskal selekzioaren ofizialtasunaren aldeko plataformek eta euskal futbol talde nagusietako zaleen taldeek antolatuta Hego Euskal Herriko hiriburuetan, espainiar eta frantziar selekzioen "zuritze kanpaina basatia" salatu dute. Hainbat herritan, bestalde, istiluak izan dira, eta lau pertsona atxilotu dituzte.

Noiz uzten dio hiri batek bertan bizi direnen etxea izateari, bisitarientzako helmuga bihurtzeko?

2026-07-17

Higiezinen eta turismoaren desarautzea medio, Toscanako (Italia) hiriburuaren erdigune historikoa bizilagunez hustu da. El Salto hedabideak egindako erreportajearen arabera, Florentziako bizi maila nabarmen garestitu da azken urtetan, eta periferiako auzoetara ere kutsatzen ari da. Salviamo Firenze (Salbatu dezagun Florentzia) plataforma bizilagunak, negozio txikiak eta erakundeak mugiarazten ari da hiriaren turistifikazioa geldiarazteko.

Greba feminista orokorragatik auzipetutakoei babesa helarazi eta borrokan jarraituko dutela aldarrikatu dute

2026-07-16

Denon Bizitzak Erdigunean dinamikak elkarretaratzea egin du Donostiako epaitegiaren aurrean 2023ko greba feminista orokorrean desordena publikoa eragitea egotzita epaitu dituzten hiru pertsonei elkartasuna adierazteko. Salatu dute areagotzen ari direla mugimendu sozialen aurkako kriminalizazioa eta errepresioa. Elkarretaratzean datorren apirileko mobilizazio nazionalean parte hartzera dei egin dute, Zaintza herri konpromisoa lelopean, "zaintza sistema eraldatzeko".

Elkarretaratzea deitu dute ostiralerako Donostian, Israelek Global Dance Open finaletan parte hartzearen aurka

2026-07-16

Donostia Palestina eragileak eta BDZ mugimenduak ekitaldia ez babesteko exijitu diete erakundeei, baita antolatzaileei Israelgo Estatuaren ordezkaritza "lotsagarria" erretiratzeko ere. LAB sindikatuak, bere aldetik, Donostia Kulturako zuzendaritzari gogorarazi dio konpromisoa hartu zuela Palestinako genozidioa publikoki salatzen ez duen enpresa edo artista israeldarrik ez kontratatzeko, eta neurriak hartzea exijitu dio. Elkarretaratzea deitu du Palestinaren Elkartasunak ostiralerako 19:00etan Kursaal aurrean.

Bagera elkartea omenduko dute Donostiako Piratek

2026-07-16

35 urte beteko ditu Donostiako Euskaltzaleen Elkarteak, eta Piratek nabarmendu dutenez, inoiz baino beharrezkoagoa ikusten dute euskaltzaleak antolatzea, elkarrekin saretzea eta euskararen aldeko konpromisoa eguneroko praktikatik eraikitzea.

Euskal selekzioaren aldeko eskariak Hendaia eta Irun batu ditu, giza kate jendetsuan

2026-07-15

Uztailaren 14an, Espainiako eta Frantziako gizoneko futbol selekzioen arteko norgehiagoka baliatuta, eta Frantziako Estatuko jaiegun nazional ofizialean, kirol guztietan euskal selekzioa izatearen aldeko mobilizazioa egin dute ehunka lagunek, Irun eta Hendaia batzen dituen Etorbideko Zubian. "Hau da gure herria, hau da gure selekzioa, hauek gure koloreak", aldarrikatu dute.

Aiako txaleta eraisteko agindua berretsi du Espainiako Auzitegi Gorenak

2026-07-14

Baztertu egin du Garrastazu familiak eta Aiako Udalak EAEko Justizia Auzitegi Nagusiaren epaiari aurkeztutako helegitea. Hala ere, auzibidea ez da amaitu: EAEko Justizia Auzitegi Nagusiak izanen du azken hitza.

Hirien kontrola, salbuespen neurriak eta langileen miseria: 2030eko Munduko Koparen mehatxuak

2026-07-14

2030ean Espainiako Estatuan, Portugalen eta Marokon jokatuko da futboleko nazioarteko txapelketa. Hala, Jaurlaritzak bi egoitza proposatu zituen duela lau urte: Bilbo eta Donostia; baina FIFAren baldintza itogarriek atzera bota dute hasierako proposamena. Gaiak eztabaida politikoa piztu du, eta agerian utzi tokiko langileriak pairatu beharko lituzkeen kalteak.

Joseba Barandiaran omendu dute Donostian, duela 48 urte Poliziak tiroz erail zuena

2026-07-13

Gaur, 48 urte bete dira Joseba Barandiaran Urkola gaztea Espainiako Poliziak tiroz hil zuela. Haren omenez, ekitaldi xume bat egin dute San Bartolome kalean, Astigarragakoa erail zuten tokian. Han izan dira Barandiaranen senideekin batera, Donostiako EH Bilduko bozeramaile Juan Karlos Izagirre eta Markel Ormazabal zinegotzia. “Gogoratzea beharrezkoa delako, egia, justizia eta erreparazioaren bidean asko dago egiteko”, adierazi dute.

Euskal Selekzioaren ofizialtasuna aldarrikatzeko giza katea egingo dute uztailaren 14an Irun eta Hendaia arteko Avenida Zubian

2026-07-13

Uztailaren 14an, frantziarren besta egun nazionalean, Euskal Selekzioaren ofizialtasunaren aldeko giza katea deitu dute Zazpi Baietz, Gu ere Bai eta Gure Esku mugimenduek. «Atxikimenduak batzeko eta oztopo, inposizio zein debekuen gainetik jauzi bat emateko garaia» dela deritzote, eta «hemen zazpi lurraldez osatutako herri bat dagoela, hizkuntza eta kultura propioa duena, bere buruaz harro dagoena» munduari adierazteko Euskal Selekzioaren ikur eta elastikoekin hurbiltzeko deia luzatu dute.

Hondarribiko Udalak gaitzetsi egin ditu Jaizkibel mendian gertatutako sexu erasoak

2026-07-10

Asteartean Ertzaintzak gizonezko bat atxilotu zuen Hondarribian (Gipuzkoa), Santiago Bidea bakarka egiten ari ziren emakumezkoei sexu erasoak egitea leporatuta. Gutxienez zazpi kasu atzeman dituzte.

Guardia Zibilak 1976an hildako Josu Zabala Erasun biktima gisa aitortu du Espainiako Gobernuak

2026-07-09

Josu Zabala Erasuni "arrazoi politiko eta ideologikoengatik" jazarri zitzaizkiola adierazi du Espainiako Gobernuak, "bere memoria pertsonala, familiarra eta kolektiboa aitortzeko eta erreparazio morala lortzeko eta berreskuratzeko" eskubidea aitortuz. Duela 50 urte, 1976ko irailaren 8an, Eduardo Moreno Bergaretxe Pertur ETApm-ko kidearen desagerpena salatzeko Hondarribiko mobilizazioan tiroz hil zuen Guardia Zibilak.

"Donostiarren bizi kalitatea bermatuta egon arte, turismo sustapen oro eten egin behar da"

2026-07-09

EH Bilduk agerraldia egin du EAJren eta PSEren udal gobernuak turismoa “gobernatzeko” azaldu duen “utzikeria” salatzeko, “onartezintzat jotzen dugun egoera batera ekarri gaituelako”. Horren aurrean, udal taldeak duela gutxi aurkezturiko neurri sorta gogora ekarri du Markel Ormazabal zinegotziak.

Ertzaintzak barne ikerketa bat abiatu du Ermuan agente batek adin txikiko bati eraso egin ote dion argitzeko

2026-07-08

Eibarko ertzain etxeak abisu bat igorri zion joan den igandean Ertzaintzaren Barne Arazoetarako Unitateari.

Igeldoko giza zoologikoak 100 urte

2026-07-08

Donostia, 1926ko uztailaren 10a. 102 afrikar iritsi ziren hirira, uda hartan Igeldoko atrakzio parkean erakusgai jarriko zituztenak. Biharamunean, La Voz de Guipúzcoa egunkariak xehe jasoko zuen gertakariaren berri. Gehienak senegaldarrak ziren, baina sudandarrak ere bazeuden, eta urrira arte geratuko ziren “udatiar exotiko eta bitxi” haiek.

Aurreko hamarkadan irekitako Igeldoko parkeak zoologiko txiki bat bazeukan ordurako, eta bildumari gure espezieko ale batzuk gehitzea... [+]

Nafarroako Gobernuak alerta aktibatu du sute arriskuagatik

2026-07-07

Aste honetarako iragarrita dauden tenperatura altuengatik eta landarediaren lehortearengatik, suteak pizteko arriskua "oso altua" da. Eguzkipeko jarduerak eta suarekin harremana duten ekintzak ekiditea aholkatu du. Bestalde, azken egunetan Imarkoainen (Nafarroan) eta Antzuola eta Urretxu (Gipuzkoa) artean piztutako bi suteak egonkortuta daude.

Donostiako Udaltzaingoaren bi lanpostutan euskararen ezagutza meritu izatera pasatu dela salatu du LABek

2026-07-07

Donostiako Udaleko LAB sindikatuak jakinarazi duenez, Udaltzaingoaren bi lanpostutan euskararen ezagutza ezinbestekoa izatetik meritu izatera pasatu da. Egonkortze prozesuan, euskararen ezagutza ezinbestekotzat jotzea errekurritu zuten bi lanpostu horietarako, eta epaitegiak prozesua bertan behera utzi zuen. Udalak ere “atzera” egin duela salatu du LABek.

Zubietako makrokartzela berriko presoen eskubideak nabarmen urratu dituzte dagoeneko

2026-07-07

Akats teknikoek ezohiko tenperatura altuak eta oinarrizko produktuak erosteko txartelek edo telefonoek ez funtzionatzea eragin dute. Ekainean inauguratu zuten presondegi berria.

Donostiako Musikeneko harpa ikasleek jasaten zuten tratuaz ohartarazi zion zentroari irakasle batek 2023an, gutun bidez

2026-07-06

Irakasle batek gutun bidez salatu zuen harpa irakaslearen gutxienez hamalau ikaslek irainak eta arazo fisiko edo psikiatrikoak jasan zituztela, eta bik karrera utzi behar izan zutela, Eldiario.es-k argitaratu duenez. Gutunean hamalau testigantza jasotzen dira, horietatik hamaika egunkariak ekainean argitaratu zuen ikerketan ezagutarazi zituenetatik ezberdinak. Gutuna idatzi zuen irakaslearen esanetan, bere momentuan gutuna"ez zuten kontuan hartu".

Ia 65.000 migratzailek egin dute ezohiko erregularizaziorako eskaera Hego Euskal Herrian

2026-07-03

Apirilaren 16tik ekainaren 30era bitarte egin dituzte eskaerak. Bizkaian egon da eskaera gehien: 28.834. Erregularizatzea lortzekotan, bertzeak bertze lan egiteko baimena eta gizarte zerbitzuetarako sarbidea eskuratuko dituzte.

"Zergatik dituzte haiek guk baino eskubide gehiago?"

2026-07-03

Justizia euskararentzat, euskara guztiontzat lelopean elkarretaratzeak antolatu ditu ostegun eguerdian Euskalgintzaren Kontseiluak, euskarazko ikaseredua orokortu behar dela aldarrikatzeko. Ehunka pertsona bildu dira EHUko Donostiako, Bilboko eta Gasteizko campusetan, eta hezkuntza eta unibertsitate arloko eragile eta sindikatu nagusiek ere bat egin dute. Bertaratutako euskaltzaleei haien iritzia eskatu diegu.

Euskalgintzaren Kontseiluak salatu du “euskararen kontrako oldarraldiak hezkuntzara salto” egin izana

2026-07-02

Justizia euskararentzat, euskara guztiontzat lelopean elkarretaratzeak antolatu ditu ostegun eguerdian Kontseiluak, euskarazko ikaseredua orokortu behar dela aldarrikatzeko. Jendetza bildu da EHUko Donostiako, Bilboko eta Gasteizko campusetan, eta hezkuntza eta unibertsitate arloko eragile eta sindikatu nagusiek ere bat egin dute.

"Badirudi AA-k ondo ulertzen gaituela, baina benetan ulertzen ote gaitu?"

2026-07-02

Euskaltzaindiak euskañol hitza onartzea ondo ala txarto iruditzen zaigun eztabaidan ari garen bitartean, EHUko bulego batean, AAk hizkuntza ereduak modu naturalean nahasten ote dituen ikertzen ari da Maite Heredia Arribas.

Intimoaren babesean

2026-07-01

La Rate Timide eta Alai
Non: Mefsst! jaialdian, Zarauzko Hiruputzu Gaztetxean.
Noiz: Ekainaren 20an.

-----------------------

Arratsaldeko 17:00ak, udaberriko azken larunbata da, sargori dago eta Getarian aparkatzea ez da gauza erraza izan. Kotxeko aulkiak lepoaldean uzten duen hezetasun itsaskor hori ezin kenduta egin dut Getariako Gaztetxerako bidea. Gazte Asanbladak eta Graka Kolektiboak Itxiera festa antolatu dute 23 urtez aterpe izan duten espazioari agur esateko.

Hiru eguneko... [+]

Hiri-eredu kapitalistaren aurka mobilizatzeko deia, presente Donostiako kaleetan

2026-06-26

Donostiako Kontseilu Sozialistak manifestazio bat antolatu du larunbat honetarako, etxebizitzaren negozioaren aurka eta eskubide politikoen murrizketaren aurka.

Irungo jaietarako Henry Mendez kontratatzeagatik udalaren "hipokrisia" salatu du Itaiak

2026-06-26

Neska bat bortxatzeagatik kartzelara zigortua izan den Rafa Mir futbolaria publikoki babesteaz gain, Henry Mendez artista dominikarrak eskuin muturra hauspotzen duela salatu dute. Pintaketa matxistak ezabatzeagatik udalak Itaiako kideei 3.000 euroko isuna ezarri dien bitartean, diru publikoa "horrelako elementu bati" ematea leporatu diote agintari sozialistei. "Udalaren hipokrisiak ez du mugarik", salatu dute, PSOEk Madrilen Henry Mendezen kontzertuak bertan behera uzteko eskatu izan badu ere, Irunen "komeni zaienean zabalduko dute progresismoaren eta feminismoaren bandera".

Kalean bizi zen pertsona bat hil da Donostian

2026-06-26

Donostian kale egoeran zeuden lau pertsona hil dira azarotik hona.

Ez 2030eko Mundiala Donostian jokatzeari. Bai desazkunde turistikoari

2026-06-25

2024ko abenduan jakin genuen Donostia 2030eko Munduko Futbol Txapelketako egoitza izateko hautagaien artean sartu zutela, Marokok, Portugalek eta Espainiak antolatuko duten edizioan. Orduan, erakunde publikoetako ordezkariek ospatu egin zuten: munduko mapan kokatzea, kirol ikuskizuna herritarrei hurbiltzea, Donostiarentzat ustezko lorpen kolektiboa. FIFAk 2024ko ebaluazio-txostenean agerian utzi zuen Donostiak arazo larriak dituela ekitaldi honen baldintzak betetzeko. Aipatzen zen Donostiako... [+]

Musikeneko harpa irakasle baten aurkako hamaika salaketa jaso dituzte, tratu txarrak egitea leporatuta

2026-06-23

Hamaika salaketa bildu ditu ElDiario.es hedabideak; Musikene zentroko hamar ikaslerenak, eta Parisko kontserbatorio batean haren ikasle izandako beste batena. Ikasleenganako gehiegikeria fisikoak eta eraso psikologikoak salatu dituzte. Musikenek jakinarazi du "arretaz ikertuko" dituela salaketak.

Polemiken artean, sokamuturra egin dute Eibarko jaietan

2026-06-22

Jendetza bildu da plazan eta gehienbat gazteak izan dira parte hartu dutenak. Sokamuturraren aurka protesta egin dute hogei bat pertsonak, Eibarko Sokamuturra Ez taldeak deituta.

“Parte-hartzerik gabe ez dago herririk, ez kulturarik”

2026-06-21

Musikak gorputza dantzan jartzen diola dio, baina musikarik gabe ere, ez da geldirik egotekoa. Jubilatuen elkarteko bilera duela udaletxean eta segidan agertuko dela abisatu dit. 80 urtera arte dantza irakasle aritu da Marimi Ugalde (Elduain, 1940), 16 urte alkatetzan eta aurretik eskolan irakasle; eta oraindik ez du deskantsurako asmorik. Herrigintzak bizia ematen dio. Haitz bilobak ekarri ditu kamerak eta aurrez aurre eseri gara Ugalde eta biok ibai ondoko pasealekuan. Nik papera atera dut galdera sortarekin, baita berak ere, eskuan papera eta boligrafoa izatea gustatzen omen zaio. Paseoan dabiltzan herritar guztiak agurtzen ditu. Lehenengo galdera egin eta ia beste guztiak erantzun dizkit.

GIBaren diagnostiko berantiarren kopurua %60 arte igo da Araban, Bizkaian eta Gipuzkoan

2026-06-19

Eusko Jaurlaritzako Osasun Sailak zabaldutako datuen arabera, 2025ean 95 GIB kasu atzeman ziren, eta horietatik ia %80k batez bertze 39 urte dituzten gizonei eragiten die. HIESaren eta STIen inguruko estigmak diagnostikoa gibelatzen duela azaldu dute, eta, prebentzioa sustatzeko, "Praktikatu sex-carea" kanpaina abiarazi.

1.778 ikaslek eskatu dute unibertsitatera sartzeko probako euskara azterketa berrikusteko

2026-06-19

Behin betiko emaitzak datorren astelehenean argitaratuko dira. EHUko errektoreak azaldu du prozesu guztian “inpartzialtasuna eta neutraltasuna” bermatuko dituztela.

Herritarren nahiari "entzungor", Eibarko jaietan sokamuturra egingo dute

2026-06-19

Eibarko Udalak atzera bota du herritarrek aurkeztutako sokamuturraren aurkako mozioa. EAJk aurkeztutako mozioa onartu dute, datorren urteetarako sokamuturraren inguruko eztabaida herritarren eta alderdien artean eztabaidatzeko. Eibarko Sokamuturra Ez taldeak salatu du erabakia "herrian tauromakia sustatzeko estrategiaren parte" dela.

Euskal eskultura bizirik

2026-06-12

Eskultura irakurketaren performanzea eta 'Euskal eskultura bizirik' erakusketaren dokumentala sortu ditu Pagoarte euskal arte eta kulturaren erakundeak.

Bizirik dago eskultura Oiartzunen. Bizirik dago euskal eskultura, eta horren alde lan egiten dihardu Pagoarte elkarteak aspaldian. Iaz, 2025eko azaroan hain zuzen, Euskal eskultura bizirik egitasmoa antolatu zuen Oiartzunen.

Azaroko jardunaldietan, hiru astez, Oiartzundik zein Euskal Herri osotik bertaratutako zenbait... [+]

Xirula Mirula… itxiko zaigula (1991)

2026-06-10

“Musika da haurrak eta guk hitz egiten dugun hizkuntza amankomuna”. Halako esaldi borobilak bota zizkigun Imanol Urbietak, Xirula Mirula Musika Hezkuntzarako Saialekuaren atean kox-kox egin genuenean, 1991n.

Jolas garaia Martutenen (1978)

2026-06-03

Pareta zahar lizunduan margotutako futbolerako ate baten marra arrastoek, itxura eman dezakete eskolako patio batean ateratako argazkia dela. Baina ez. Martutene da, ekainaren 15ean ateak betiko itxiko dituen presondegia, Espainiako Estatuko espetxe-sareko eraikin “modernoena” izango omen den Zubietakoari txanda emateko.

"Alardea publikoa izan zen Borja Jauregi alkateak saldu zuen arte"

2026-05-27

Ez zaio asko galdetu behar Maria Jesus Berrotarani. Galdetu gabe kontatzen du, eta kontatzen duen guztia da entzuteko modukoa. Errealitateak fikzioa gaindi dezakeen seinale, bere burua eraiki du Artzu baserriko alabak. Hondarribiko lehen udaltzain emakumea izan zen.

Herri oso bat 100 egunez greban

2026-05-20

Lasarteko (Gipuzkoa) Michelin lantegian, duela 50 urte, 3.000 langile inguruk eten zuen bere lana, 100 egunez. Enpresak, 1.700.000 bat lanordu galduta, 67 langile kaleratu zituen behin-betiko –horietako inork ez zuen lanpostua errekuperatu–. Michelinek 175 milioi pezeta aurreztu zituen soldatetan, baina grebak iraun bitartean ekoitzi gabeko pneumatikoen balioa 4.500 milioi pezeta ingurukoa izan zen, langileek ondu zuten liburuan jasoa dagoenez. Hori baino gehiago, herri oso bat mobilizatu eta tentsionatu zuen grebak, Michelinen boterearen tentakuluak txoko guztietara iristen baitziren. Memoria ariketa herrikoia egin eta gogoeta pizteko, ibilaldi gidatua egin dute Lasarte-Oriako kaleetan, Gazte Asanbladak antolatutako freetour moduko batean.

"'Enarak’ da nire bizitza osoko lanaren marrazkiari falta zitzaion kolofoia"

2026-04-29

Nobela berria publikatu zuen iragan Durangoko Azokan, Enarak (Pamiela, 2025), eta liburua hartuta joan gatzaizkio galdezka. Ez, haatik, lana disekzionatzeko asmotan, Enarak-ez bezainbat, edo baino gehiago, honetaz eta hartaz jarduteko baizik. Bai jardun ere. Idazlearen ofizioaz, besteak beste.

"Torturaren helburua ez da bakarrik torturatua zigortzea, haren ingurua beldurrarazi eta diziplinatu nahi da"

2026-04-15

Herrian hartu gaitu Maddi Altuna Galfarsorok, Zumaiako Emakumeon* Etxean. Eskertu dugu bertako giro lasai eta goxoa, hizpidean hartuko dugun gaia garrantzitsua bezain delikatua baita: 2000-2015 bitartean euskal gazteria independentistaren aurka gauzatu zen errepresioa; eta horren oinarrian egondako subjektu-eraikuntza, egitura, eta mekanismoa.

"Txikitatik erakutsi behar zaie umeei ez ulertzea kitzikagarria dela"

2026-04-15

Fikziozko liburu batetik abiatutako 31 kritika jasotzen ditu Harkaitz Canoren Silueta eleberriak (Susa, 2025). Literaturatik abiatuta, hamaika gai ukitzen ditu; besteak beste, hizkuntza, feminismoa eta gatazka armatua. Idazleak eta biok Donostian jarri dugu hitzordua, eta, gida-orri itxirik gabe, gai batetik bestera aritu gara, literaturak jasotzen dituen errealitateez eta errealitatean gordetako literaturaz.

Irakurtzea, plazer iturri

2026-04-13

Ikasleekin bai irakurmena, bai irakurzaletasuna lantzeko estrategiez hitz egin dugu Oiartzungo Haurtzaro ikastolan, heziketa literarioaz, astero egiten dituzten irakurketa gomendioez eta eskolan dituzten proiektuez: Motxila ibiltaria, Bidaia koadernoa, Juul bozketa… Bost irakaslez osaturiko Irakurketa lantaldea arduratzen da dena koordinatu eta ideia berriak martxan jartzeaz.

"Gatazka ez da turisten eta bizilagunen artekoa"

2026-04-01

Turismoa ez da gaur goizeko kontua, baina mugak begien bistan ipini dira bereziki azken urteotan. Gaia aztertzeko eta gogoeta bultzatzeko liburua argitaratu berri du ARGIAk: Turismoa. Desazkundera bidaia. Donostiako Bizilagunekin plataformako kide da Asier Basurto. Euskal Herriko markoan kokatu du liburua. Ez da irakurgai akademiko bat, ezta datuen azterketa bat ere; oinarrizko azalpen bat da gaira sartu nahi duen ororentzat.

Betikoak

2026-03-18

Nerabe nintzela, ikasteaz gain euskaraz bizitzea erabaki nuenetik –erabakia izan badelako, eta politikoa–, bizitzaren esparru guztietan pairatu ditut hautu horrek dakarren zailtasun eta mespretxu saldoa. Oztopo horiek izen eta abizen berak izan dituzte atzean: Espainiako estamentu politiko eta juridiko guztiak, eta haien tokiko defendatzaileak. Nire herrian, Barakaldon, azken hamarkadetan bi gailendu dira nabarmen: PSOE eta CCOO. Oso ondo antolatuta, Espainiako Justizia ustela... [+]

"Bertsolari baten autore-zigilua nekez sostengatzen da irizpide ideologiko hutsetan"

2026-03-18

Kepa Matxain ezagutzen dugunok badakigu azken urteotan “tesigintza” izan duela jardun nagusi. Informalki eta gainetik entzun dizkiogu horri buruzko kontu-komeriak. Abenduan aurkeztu zuen, baina, eta lehen lausoa zena orain 500 orrialdeko PDF bat da. Besteak beste, bertsogintzarako kontzeptualizazio integral bat proposatzen du.

Lehen lerroan (1976)

2026-03-13

Goizeko hamarrak dira, eta errelebo txanda bakoitzean egin bezala, langileak asanbladan batzartu dira. Adi daude, lantegiaren nagusiek eta Martín Villa Harreman Sindikalen ministroak euren eskakizunen aurrean zer erantzun ote duten. Aurrerabiderik ez. Greban segi behar. Beste egun bat… eta horrela ehun arte.

"Itzulpengintza ere izan daiteke mailu bat"

2026-02-25

Hainbat sorkuntza-diziplina bateratzen ditu Eider Beobidek (Donostia, 2000). Rifqa (Katakrak, 2024) eta Lehen astinduak (Katakrak, 2025) liburuak itzuli ditu, eta horietan lehena zuzeneko emanaldietara eraman du Xalba Ramirez eta Peru Galbeterekin batera. Aurrez Intsumisoarena emanaldia sortua zuen, Maria Osesekin. Idatzi egiten du, argazkiak ateratzen ditu, eta, azken hilabeteetan, DJ Beroki legez ere aurkeztu zaigu. Lantoki duen Donostiako Gilda espazioan elkartu gara berarekin, horien guztien atzean dagoena ezagutzeko.

Burdinbideen oihartzun mutuaren lorratzari segika

2026-02-18

Duela 100 urte, 1926ko otsailaren 22an, inauguratu zen Urola bailarako (Gipuzkoa) herriak lotzen zituen burdinbidea. Eta 60 urte geroago, 1986ko uztailaren 12an, irten zen trena azkenekoz Azpeitiko geltokitik. Hilzorian zegoen ordurako, inbertsiorik apenas egin zen urte luzeetan, baina eskualdeko biztanleek ez zuten pentsatzen, edo ez zuten pentsatu nahi, bi urte geroago Eusko Jaurlaritzak betiko itxiko zuela, are gehiago agintariek hitz eman ostean aurki izango zela Urolako trena berriro martxan. Hitzok, baina, errepideek jan zituzten.

Eskualdean berebiziko garrantzia izan zuten trenbideek, baita burdin-fabrikek ere. Urola garaiko herrietan –Legazpin, Zumarragan, Urretxun– oraindik ere badira iragan industrial horren zenbait lekuko herdoildu, azpiegitura modernoagoek inguratuta. Abiadura handiko trenak, adibidez, 200 metro azpitik zeharkatuko ditu herriok; metafora ederra da, “aurrerabidea” deitzen diotenak inguruok nola moldatu dituen azaltzeko. Urolako burdinbidearen mendeurrena amua izan da, iraganari bezala etorkizunari begira jartzeko.

"Genetikak ez digu behin ere esango nor garen norbanako bezala edo herri bezala"

2026-02-11

Lehendik ere ezagutzen nuen Miren Iraeta, lagun komunak tarteko, baina Feministaldiko mahai-inguru batean entzun nuen arte ez nekien zertan egiten zuen lan. Txundituta utzi ninduen. Konplexutasunari uko egin gabe, xehe eta argi azaldu zigun zer diren arkeogenetika eta antzinako DNA, zertarako balio duten, eta –neurri berean garrantzitsua– zertarako ez.

Oso latza izan da

2026-02-11

Bizkarrean hartuta, auto funebrerik gabe, hiru kilometroz. Horrela eraman zuten Joxe Arregiren hilkutxa Zizurkilgo hilerrirako bide sigi-sagatsuan gora milaka lagunek, 1981eko otsailaren 16an. 10.000 zirela irakurri dugu denborak horitutako egunkarietan.

"Gastronomia ez da neutroa, eta horren kontzientzia izan behar dugu"

2026-02-04

Jatea zenbat gustatzen zaidan, eta kozinatzeko nolako zaletasuna dudan, alderantziz proportzionalak dira; bata asko eta bestea gutxi. Horregatik, Ane Galardi Fernandez de Agirre sukaldariaren Instagram kontua ezagutu nuenean –eguneroko errezeta erraz eta goxoak, sasoiko produktuekin– laster batean hasi nintzen jarraitzen. Gerora jakin nuen, berarentzat, janaria prestatzea baino askoz gehiago dela kozinatzea.

Oiartzuarrak, lehen intsumisoak

2026-01-28

Irun, 1793ko ekainaren 29a. Joakin Egia Narrosko markesak eskutitz bat bidali zuen Errenterian bildutako Gipuzkoako Batzar Nagusietara: “Jose Ignacio Sorondo, Oiartzungo Konpainiako kapitainak jakinarazi didanez, bere konpainiako soldaduek dagoeneko armak eskutan dituzte eta, gaur bi hilabeteko zerbitzua bete izanaren aitzakiaz aztoratuta zeudenez, ahalegin guztiak egin dituen arren, ez du lortu soldaduak lasaitzea eta errespetuari eustea. Nire izenean bihar arte geldirik egon daitezen... [+]

"Berriz jaioko banintz artzain izango nintzateke"

2026-01-21

Gezur txiki batek zabaldu zizkion bizibide berrirako ateak Fina Salegiri. Zinemaren tripetan ibili zen hamarkada luze bitan artaldea gobernatzen ikasitakoak eta bere ausardia lagun.

"Obra bere espazioan kokatzea da garrantzitsuena"

2026-01-14

Tik-tak, tik-tak. Hegan egiten du urteak, hegan urtarrilak, eta hegan datoz 37. Argia Sariak. Gorde data: urtarrilaren 30ean izango dira. Sei saridun, sei garaikur banatuko dira, sei eskultura berri-berri. Merezi du horretan azpimarra egitea. Estiloz itxuraldatuta, eta batez ere egilez aldatuta, estreinaldia izango dute Alaia Gaztelumendi artistaren oroigarriek. Bere obra, bere sorkuntza eta bera ezagutzeko, zer hobe bere lantegian kuku egitea baino.

Saldutako idealak, krisien deiadarrak

2025-12-31

Traiziorik ageri da Leonardo Da Vinciren koadro mitikoan, Azken afaria-n. Beñat eta Unai Gaztelumendiren komikian, bertsolari ohi eta aspaldiko lagunen arteko afaria da ageri dena, ziurrenik inoiz gehiago gertatuko ez den juntadizo horixe bera. Da Vinciren koadroan bezalaxe, lagunen afari horretan ere ageri dira traizioak. Mota askotakoak daude, baina okerrenak dira, betiko legez, norberak bere buruari eginiko etoikeriak. Geure buruen Judas gara, edo izango gara, denok.

"Ez zait interesatzen paperean zer nazionalitate jartzen duen, ni euskalduna naiz"

2025-12-30

Orain bi urteko kontua da. Behin eta berriz eta askotan bezala, ohar egin zigun irakurle zuhurrak, Anberesen den familia euskaldun baten berri emanez. 36ko Gerrak Oiartzundik Belgikara eraman zituen Regina Iragorri Iriarte eta Erramun Mitxelena Berrotaran, eta Anberesen osatu zuten familia. Haien seme laugarrena da Imanol. Anberestarra, gurasoen euskara goxo zahar fosildua du mingainean.

Eskualdegintza kooperatiboa

2025-12-24

Debagoienetik dator notizia: Goiena komunikazio taldeak 25 urte bete ditu. Kooperatiba 2000. urtean sortu zen arren, eskualdeko euskalgintzak lan oparoa egin du urte luzez. Pentsa, 1990ean Arrasate Telebista sortu zuen, lehen herri telebista. Goiena ulertu behar dugu euskaldeko euskalgintzaren garaipen handi bat bezala, gai izan dena komunikaziotik eta euskaratik eskualde bat egituratzeko. Eta artikulua segitu nezake gaur egungo egoera soziopolitikoan lekuko komunikabideek duten garrantzia... [+]

"LGTBIQ+ pertsonok beti egon gara herrian, eta orain ere bagaude; ez goaz Maspalomasera"

2025-12-24

Azpeitiko Udalak (Gipuzkoa), Eihera kooperatiba lagun, herriko LGTBIQ+ jendearen bizipenen diagnostikoa kaleratu zuen 2024an. Hor sortutako hazia hartu, eta herri mailako asanblada erein dute prozesuan parte hartutako zenbaiten eta herriko LGTBIQ+ kolektiboko jendearen artean, Astindu Armayuek. Lehen pausoak ematen dabiltza, eta urrian herri mailako jardunaldietan hartu zuten parte, memoria eta erreparazioa bezalako hitz potoloen inguruan hausnarrean. Hasi berri dira, baina beren herrian erreferenteak aitortu eta datozenentzako herri bizigarri bat sortzeko borrokan aritzeko gogoz daude. Garazi Arregi (Azpeitia, 1992) eta Anartz Izagirre (Azpeitia, 1994) bertako bi kiderekin izan da ARGIA.

Erantzuna

2025-12-17

Atzekoz aurrera gabiltza. Zestoan (Gipuzkoa), bost herritarrek indarkeria matxistaren biktima bat babestu dute. Erasotzaileak salaketa jarri die derrigortzea eta integritate moralaren aurkako delituak leporatuta. Salaketa epaiketara ailegatu egin da. Erasotzailea biktima bihurtu da, eta biktimari (bikotekide ohiari) elkartasuna adieraztea, salagarri. Sistema judizial patriarkala agerian. Herriaren eta mugimendu feministaren erantzuna, erraldoia: plaza bete zestoar eta bailarako herritar, ia 30... [+]

Pertsona normal bat Almandozen bisaiatik: kalamidade baten kontakizuna

2025-12-17

Sasoi betean dago Koldo Almandoz: bere azken telesaila, Zeru Ahoak, Donostiako Zinemaldian aurkeztu eta gero, pelikula berria grabatzen amaitu berri du, Azken agurra. “Pertsona xumeak” ekarriko ditu pantailara, pertsona “normalen” istorioa; “normal” gisa ulertzen bada hileta zibilen enpresa bat sortu duen gizon “enpresa-jabe” bat eta bere bekaduna, antropologia ikaslea bera. Kalamitate bat bestearekin lotuko dituzte, edonoren bizilaguna izan daitekeen pertsonaia pantailaratuta. 2026ko “momenturen batean” estreinatuko dute pelikula.

"Ikusi behar dugu hizkuntzak noiz jokatzen duen rol estrategikoa, eta noiz ez"

2025-12-17

Hitz egin ahala, Onintza Legorburuk hitzak eta zeinuak zirrimarratzen ditu koadernoan: boligrafoa eskuan, zehatz azaltzen ditu gauzak. Nik, bitartean, belarriekin egiten diot txalo. Maiatzean, behaketa eder baten bidez jaso zuen Señora sariketako kanporaketa bat, eta hala jakin nuen zertan zebilen. Euskal hiztun transfeminista eta antifaxista gisa ditugun kezka asko ekarri ditu hitzetara.

"Niretzat, musikak funtzionatu behar du argiak itzalita"

2025-12-10

Ez dut uste musikaririk egonen denik Euskal Herrian Koldo Otamendi, Kojo, ezagutzen ez duenik. Are gehiago, ez dakit musikaririk egonen ote den Otamendik elkarrizketatu ez duenik. Jotzen izan ezik, musikaren bueltako beste edozertan topa dezakezu andoaindarra Euskal Herriko edozein puntatan, baina beti egiten du buelta etxera, bere eskola izan den horretara: Andoaingo gaztetxera.

Gourmet hiria plastikozkoa da

2025-12-10

Donostiaren turistifikazioari zehatz erreparatzen dion lehen liburua italiar batek idatzi du, italiar baten begiradatik, eta italieraz. Italiarrentzat, jakina. Gidaliburu bat izan asmo du, baina ez turistentzat, baizik eta hango herri mugimenduarentzat. Liburuaren bokazioa da Donostian gizarteak izan duen antolatzeko eta borrokatzeko modua kontatzea Italian, han ere aktibatu daitezen.

"Injustizia dagoen bitartean borrokarako grina egon behar da"

2025-12-10

Bizitza osoa egin du politikan Bikilak (Errenteria, Gipuzkoa, 1945), horietako gehienak politikari profesional gisa, LKIn eta Zutiken. Aurretik ETAko militante ere izan zen, 1960ko hamarkadan. Gaur egun, EH Bildun dagoen Alternatiba alderdikoa da. Hau mundu petrala gurea! (Hankaz gora jartzeko ahaleginetan) liburu mardula idatzi du aurten, XX. eta XXI. mendeetan ezkerrak munduan eta Euskal Herrian izan dituen une eta gai garrantzitsu ugariren bueltan.

Etengabe esperimentatzen, lurrari begira beti

2025-12-10

Sagastietako bioaniztasunaz informazioa biltzeko telefono dei bat egin dugu. “Elgoibarko Lizagasar sagardotegiko Asierrekin hitz egin behar duzue”, diosku bestaldekoak, “gaiaz interesa du eta badauzka jarriak txorientzako egurrezko habiak, sagastietan gauza diferenteak probatzen dabil... izango du zer kontatua”. Deitu diogu, bada. Dei laburra behar luke, Elgoibarren hitzordua lotzeko beste. Ia ordu erdiz aritu zaigu Asier Lizarralde hizketan, txoriak direla, hontzak direla, saguzarrak, mantangorriak, sitsak, sagar-harrak, erleak, erromeroa, sabia… “Lurrari gehiago begiratu behar diogu, ahaztua izan dugu urteetan”, esan digu. Eskegi eta Dani gure argazkilariari mezua: “Ostegunean Elgoibarrera joateko prest? Emankorra izango da goiza”.

Ez da eten

2025-12-04

Eusko Jaurlaritzak Giza Eskubideen René Cassin 2025 Saria emango dio Francesca Albaneseri, Nazio Batuen Palestinako Lurralde Okupatuetarako errelatore bereziari. Albanese ezaguna da gurean, besteak beste, uztailean publikoki salatu zuelako hainbat enpresa multinazional Palestinako genozidiotik “etekin ekonomikoa” lortzen ari zirela. Horietako bat Beasaingo CAF zen, kritika eta salaketa ororen aurrean Jaurlaritza behin eta berriz haren defentsan agertu den enpresa... [+]

"Birziklapen erabatekoa behar dugu: ez utzi jendeari luzaro botere-posizioan egoten"

2025-12-04

Azaroan aurkeztutako Dena zulo bera zen liburuaz (Susa, 2025) hitz egiteko geratua nengoen Eider Rodriguezekin, baina audio-mezua bota zidan hitzorduaren aurreko gauean: “Nazkatuta nago liburuaz hitz egiteaz; ahituta nago diskurtsiboki”. Zita mantendu dugu, beraz, eta eguazten haizetsu batez batu gara lantoki duen EHUren Ibaetako campus ondoko tabernan, baina gaia aldatuta: “Hitz egin dezagun beste edozertaz.”

Jarraipena eta elkar-dependentzia: galesera hiztun dentsitate baxu, ertain eta altuko komunitateen dinamika

2025-11-29

Arnasguneek hizkuntza gutxituen biziberritzean duten garrantzia izan zen urriaren 16an eta 17an Azpeitian egin zen nazioarteko konferentziaren ardatza. UEMAk, Soziolinguistika Klusterrak, Udako Euskal Unibertsitateak (UEU) eta Europako Coppieters fundazioak antolatutako konferentziak 250 lagun inguru elkartu zituen Soreasu antzokian. Soziolinguista, hizkuntzalari, irakasle eta erakunde publikoetako ordezkariekin batera, nazioarteko zein Euskal Herriko hainbat eragilek zuzenean entzun zituzten... [+]

Orbanen egia

2025-11-28

Astigarragan motibazio politikoak eragindako indarkeria egoera gordinak bizi izan dira eta guztiek ondorio bera izan dute, sufrimendu eta min sakona herritarren artean. Garaiak aldatuz joan dira urteak aurrera joan ahala – 1936ko gerra, diktadura, trantsizioa, demokrazia, baina indarkeriazko gertakari guztiak ezaugarri berberak partekatu dituzte, giza eskubideen urraketa larriak.

Justizia, erreparazioa eta egiarako eskubidea oinarri hartuta, iaz Astigarragako Udalak Orri zuriak... [+]

Garbiketa

2025-11-26

Frankisten omenez jarritakoa kendu dute Elgoibarren. Espazio publikotik faxismoarekiko edozelango lotura ezabatzeak guztion pozerako beharko luke. Baina ez da hala. Batzuk, EAEn frankismoa amaitu zenetik agintean direnak, kexu dira. Eta gainera, gurutzea 2025. urtean eraitsi da, gauez eta aurpegia estalita. Harritzekoa bada ere, oraindik ere klandestinoa baita inposatutakoa kentzea. Aspaldi bota behar ziren ikur horiek guztiak, festa giroan eta erakunde publikoen babesarekin. Faxistak eta... [+]

"Abortatzeko eskubidea kendu ahal digute, baina ezin dituzte 526 landare-espezie abortibo deuseztatu"

2025-11-19

Urriaren 14an Tabakalerako erakusketa-aretoko ateak itxita daude, baina barruan jende pila bat dabil jo eta su lanean, Marlene McCartyren Sasi guztien gainetik erakusketaren azken xehetasunak prestatzen. Marrazkiak ez ezik, landareak ere egongo dira bertan, bizirik. Joan-etorrien eta azken orduko erabakien erdian, konplizitatez betetako tarte batean mintzatu gara artista estatubatuarrarekin.

"Trantsizioari buruzko galderak sortu zitzaizkidan, eta pelikularen bitartez saiatu naiz erantzuten"

2025-11-19

Hamar urteko ikerketa du atzetik Irati Gorostidiren (Eguesibar, Nafarroa, 1988) lehen pelikulak, Aro Berria-k. Gurasoen pausoei jarraiki ekin zion ikerketari, eta hamarkada bat geroago, bukatutzat eman du lana: laburmetrai bat, dokumental bat eta pelikula egin ostean. Trantsizio garaian kokatuta, langile batzorde bateko kideak ditu protagonista, borrokaren norabideak atsekabetuta komunitate tantriko batera alde egitea erabakitzen dutenak. Eszena esplizituak eta gai korapilatsuak josi ditu bere opera priman.

Lehen eta azken zianotipoak

2025-11-12

Kent (Ingalaterra), 1843. Soilik irudi fotografikoz ilustratutako lehen liburua argitaratu zen. Photographs of British Algae: Cyanotype Impressions (Britainiar algen argazkiak: zianotipo inpresioak) izenburua zeukan eta Anna Atkins (1799-1871) botanikari eta argazkilaria zen egilea. Horrenbestez, Atkins lehen emakume argazkilaritzat jotzen da, eta bere lana, lehen argazki-liburutzat.

Aitarengandik hartu zuen Atkinsek bokazioa eta esperimentatzeko eta berritzeko grina. John George Children... [+]

Konoak

2025-11-12

Saihesbide bat hasi dira egiten Zarautz irteeran, industrialdera herritik pasa gabe joateko. Han ireki berri dituzte Mercadona eta Lidl. Lurrazal egokia etorkizunean McAuto bat, Aldi bat, Carrefour Express bat, bi gasolindegi berri eta bolatoki bat irekitzeko. Zerbait esatearren.

Trenbidean oinezkoen pasabideak berritzeko obrak orain gutxi bukatu zituzten. Amalur parkearen azpian parking bat egiteko zurrumurruak zabaldu dira, itsas pasealekua metro erdi igo nahi dute olatu handiei... [+]

Beethoven naturala

2025-11-12

Eraikuntza kolektibo bat, iraganetik sortua

2025-10-29

Zazpi aktorek eta ekipo tekniko zabal batek hartu dute parte Axut eta Artedrama konpainien elkarlaneko proiektuan. Luhusoko lehen emankizunaren ondotik, Donostian egon dira. Bilbon dira segidan, eta Baionan gero. Bira luze bat dute desio.

Aline Etxeberri eta Maialen Diaz aktoreekin, eta Harkaitz Cano gidoigilearekin egin du hitzordua ARGIAk, ostiral goizez, Donostiako lau emanaldietako lehenaren biharamunean. Eguzkipean jazo da denbora mugarik gabeko solasa.

"6-7 urterekin, Donostian, gizon batek bina duro eman zizkigun kalean euskaraz hitz egiteagatik"

2025-10-22

Etxean hartu gaitu Miren Egaña Goya irakasle eta hizkuntzalariak, egongelan: parean dugu Zurriola hondartza. Grabagailua martxan jarri, eta galderarik egin aurretik hasi zait kontu-kontari; bi ordu joan zaizkigu konturatu orduko. Txundituta geratu naiz: hamaika bizitza kabitzen dira bizitza batean, eta Egañak zorrotz bezain umoretsu azaltzen ditu denak. Jarraian, pusketatxo bat.

"Artaldekeria eta antiartaldekeria dependentzia bera dira"

2025-10-16

Kevinen fan egin eta hilabete gutxira jakin nuen nor zen Aimar Uribesalgo. Antza, nik Beranduegi podkastean entzuten nuen surfista izena zuen gaztea, Aimar izatera itzultzen zen mikrofonoak itzaltzearekin batera. Telefono dei batean ezagutu genuen elkar duela lau urte eta, bere hitzetan, telekolega gara ordudanik.

Ziaboga, korronte nagusiak eraman ez dezan

2025-09-24

Aurrerantzean, Gipuzkoako klub batean jokatu nahi duen 8-12 urteko umeak ez du derrigorrez Eskola Kirolean parte hartu beharrik izango, EAEko Auzitegi Nagusiak hala ebatzita. Multikirol ereduaren kontrako errekurtsoa jarri duen familiaren hitzetan, ez da bidezkoa erakundeek inoren seme-alabek denbora librea zertan pasa behar duten “inposatzea”.

Epaileek hartutako erabakiaren abaroan hainbat pertsonak salatu du gauza bera, umeak nahi duen kirola aukeratzeko “askatasuna” aldarrikatzearekin bat. Eta agian ez ziren termino horietan mintzatuko, baina programaren helburu hezitzaile eta integratzaileak defendatzen dituzten ikastetxe, udal, klub, federazio edota instituzioek ere uste dute ezinbestekoa dela Eskola Kirola egungo beharretara egokitzea.

Epaia heldu da Gipuzkoako Diputazioak, eragileekin elkarlanean, urte eta erdi zeramanean Eskola Kirola zaharberritzeko prozesuan murgilduta, lehiari –errendimenduari– lotuagoak dauden kirol elkarteek –futbolekoek bereziki– duten erakarpen ahalmenaren aurrean, “umeen ongizatea” ardatz izango duen eredu motibagarria garatzeko. Abiatu berri den ikasturtea giltzarria izango da.

Zergatik?

2025-09-17

'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an

--------------------------------------------------------

Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak egiteko eraiki zen plaza baten barruan zuriz jantzitako torero batek nola toreatzen gintuen ikusteko. Beraz, antitaurinismoaren izenean edo, besterik gabe, jendea eta tradizioak desmitifikatzearren, Zestoara etortzea... [+]

Irun ez da Iran

2025-09-17

Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez baita inoiz zehazten, hitzetara ekartzen. Topiko kaxkar bat, gehienez ere.

Orokortzea beti da arriskutsua, baina, gaia beste esparru batera eramanda, orokorrean maite ditut lau hankako txakurrak; hanka biko jabe asko... [+]

"Laguntasuna iruditzen zait sekulako potentzialitatea daukan harreman mota, Akaso horizontalagoa delako"

2025-09-10

Amonarena zen etxean bizi da Irati Zubia duela urte batzuk, lagunekin. Donostiako atari zaharren usaina dauka atariak. Zaintza existitzen ez den mundu batean izan nahiko luke zaintzaile eta eskarmenturik ez zaio falta: irribarre zabalaz hartu nau etxean Aste Nagusi betean, sofa urdina eta zentzumenak prest. 14 ditu abuztuak, “93 egingo lituzke gaur amonak”, esan dit.

Euskal. Jai.

2025-09-10

Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta kantatuko dugu euskal hori?

Testuingurua nik emango dizuet: Zarautzen, irailaren 9an, urtero ospatzen dugu euskal jaia. Orain dela 100 urte baino gehiago sortu zen eguna: Zarautza etortzen ziren markes eta kondeen udako... [+]

Urretxuko Kantu Afariak 30 urte

2025-05-30

Urretxuko Santa Anastasia jaietako kantu afariak 30 urte bete zituen 2024an. Hori dela eta, Gattiken ikus-entzunezko enpresak dokumentala egin du, antolatzaileek eskatuta. 30 urte hauetako irudiak eta elkarrizketak jaso dituzte eta antolatzaileei, parte hartzaileei eta urte hauetako gonbidatuetako batzuei elkarrizketak egin dizkiete.

Usurbil, herri zaintzailea

2025-04-11

Dokumentalak Usurbilen, azken urteetan, zaintza eredu berri bat eraikitzeko egindako lanketa eta eraldaketa erakusten ditu: horretan jardun duten edo oraindik ere ari diren herritarrak eta eragileak dira protagonistak. Zaintza behar desberdinak dituzten hiru herritarren lekukotzak ere jasotzen dira: Egurtzeko zaintzadun etxebizitzen auzunean bizi den Andoni Aizpeolea, etxean arreta jasotzen duen Maria Galvez eta Txirikordako bizilagun Iñaki Rivero. Halaber, ekosistemaren parte diren... [+]

Hiru, hiru

2025-03-07

Iraurgi Saski Baloi taldearen 50 urteko ibilbidea jasotzen duen dokumentala da. Iraurgi 1974an sortu zen Azpeitiko eta Azkoitiko saskibaloi goseari erantzunez. 50 urteko ibilian, talde apala izatetik 400 jokalari elkartzen dituen talde indartsua izatera pasa da. Harrobia lantzeaz gain, emakumezkoetan Espainiako maila nagusira iritsi da eta gizonezkoetan Urrezko LEB ligan aritu da hiru urtez.

Zuzendaria: Txetxu Urbieta
Ekoizpena: Iñigo Eraso, Debora de Dios, Naiara Olaya
Argazki... [+]

Souvenir, komeria estralurtarra

2024-12-28

Horman Poster kolektiboaren sormen lana da "Souvenir, komeria estralurtarra" antzezlana. 2022ko Azaroaren 13an Azpeitiko 40. Euskal Antzerki Topaketetan egindako emanaldia, Azpeitiko Kulturaz Kooperatibak grabatuta.

Euskararen historia soziala Elgoibarren (1950-1990)

2024-12-20

Euskararen egoera erabat okertu zen gerra aurretik gerra ostera Elgoibarren. Garai hartako debekuek eta zapalkuntzek euskarari bidea zeharo oztopatu arren, zenbait herritarrek euskarari eusteko zirrikituak bilatu zituzten. Elgoibarko Udalak eta Badihardugu Euskara Elkarteak euskalgintzaren gerraosteko memoria jaso eta zabaltzeko asmoz abiatutako proiektuaren barruan egin da bideo hau.1950etik 1990era bitartean euskara eta euskal kultura bultzatzen jardun zutenen testigantzak jaso eta... [+]

Nora garamatza Getariako zimarroi haztegiak?

2024-12-19

Azaroaren 14an Getarian zimarroi haztegiaren inguruan eginiko mahai ingurua da honakoa. Tomas Otamendi, Lorea Flores, Leo Belaustegi eta Leandro Azkuek hartu zuten parte Mirene Begiristainek gidatuta.

Fermin Muguruza, 40 urteko ibilbidea

2024-12-14

Baleak Elkarteak antolatu eta Kanaldudek bideoz grabatuta Fermin Muguruzaren solasaldia duzue honakoa. Bere 40 urteko ibilbidearen errepaso sakona egiten du bertan.

Xirrikituak zabaltzen: Zumaiako euskararen historia 1940tik 1980ra

2024-12-06

Euskara eta Zumaia betitik egon dira lotuta. Nola iritsi da euskara guganaino? Nola lortu zuen frankismoan irautea? Lau hamarkada horietako gorabeherak ezagutuko ditugu ikus-entzunezko honetan. Azken urteetan bildutako materialarekin eta aurretik Ahotsak proiektuan jasotako lekukotasunekin osatu da ikus-entzunezkoa, eta argazki eta dokumentu zaharrekin jantzi da. Dokumentaziorako ezinbestekoa izan da Imanol Azkueren laguntza, eta Esti Curiel aktore zumaiarrak jarri dio kontakizunari... [+]

Orri zuriak betetzen

2024-10-31

1936ko gerrako eta frankismo garaiko Astigarragako hainbat biktimaren testigantzak jasotzen ditu dokumentalak. Iraganean, Astigarragan, motibazio politikoak eragindako indarkeria egoera gordinak bizi izan dira eta guztiek ondorio bera izan dute, sufrimendu eta min sakona. Garaiak aldatuz joan dira urteak aurrera joan ahala, baina indarkeriazko gertakari guztiak ezaugarri berberak partekatu dituzte, giza eskubideen urraketa. Biktimen errekonozimenduan eta erreparazioan bidea egiten jarraitzeko... [+]

3x01: Zidernaut | Alkoholik gabeko edariak ekoizten

2024-10-23

Hirugarren denboraldiari hasiera indartsua emateko proiektu berezia ezagutzera joan gara Mattin Jauregirekin batera. Txarli Gesteira edari ekoizlearen upategian egon gara. Duela 15 urte ekin zion garagardoa eta sagardoa egiteari, horrela sartu zen fermentazioaren munduan eta 2019tik Zidernaut proiektua dauka martxan. Gaur egun, alkoholik gabeko edariak ekoizten ditu.

3x03: Ixe, ixe, hiriburue!

2024-10-01

Joan den astean New York hiriak 400 urte bete zituela esan genuen, eta aste honetan mendeurrena ospatzen ari den beste herri bat izango dugu hizpide: Azkoitia. New York baino txikixeagoa eta gertuago geratzen zaiguna, baina garrantzia historiko handikoa. Eta AEB-etako hiria baino hiru mende zaharragoa.

Honako abestiak erabili ditugu aste honetan:

Anari - 'Efemerideak'

Segabathor - 'Andramaixek'

Exkerra anai arrebak -... [+]

Goiko: Aro baten bukaera

2024-09-13

Zesta puntaren historiak eman duen jokalari onenetariko baten, Iñaki Goikoetxearen, ibilbidea errepasatzen duen dokumentala. 27 urteko ibilbide profesionalaren ostean eta Jai Alairen ikur bilakatuta, Winter Series txapelketaren 3. edizioarekin batera erretiroa hartu zuen pilotari zumaiarra ezagutzeko aukera da.

EiTBk zabaldu du lana.

Ekoizpen-urtea: 2024
Iraupena 01:04:56
Zuzendaria Gorka Bilbao
Ekoizlea Berde Produkzioak

Azken dantza maisua

2024-06-14

Sinopsia: "Molde zaharreko azken dantza maisua genuen Xabier Sarriegi Olano 'Paxatxo', bera izan baitzen duela 400 urteko erakusteko modua bizirik mantendu duen azken maisua. 2021ean bere heriotzak Beasain izoztu zuen. Ez herria bakarrik, baita bere lanari esker azken 40 urteetan aurrera jarraitu duen ohitura ere. Aldaketa garaia da, plazan emakumeak aterako dira dantzan lehen aldiz, baina mendeetako ohituraren gidaritza nork hartuko duen erabaki behar da. Tradizioa, genero... [+]

Iribar, atezaina

2024-06-09

2023. urtean, 80 urte bete ditu munduko atezainik onenetarikoak. Haren erretratu intimo eta sentitua egitearekin batera, hezur-haragizko pertsonarengan sakonduko du dokumental honek.

Iribarrekin batera, Athleticen aritu diren hainbat jokalarik hartu dute parte filmean: hala nola, Javier Clemente, Julen Guerrero, Daniel Ruiz-Bazán, Peio Agirreoa eta Andoni Zubizarreta. Horiekin batera agertuko dira ere gaur egun Athleticen atezain diren Mariasun Quiñones, Unai Simon eta Alex... [+]

Harro Irunen 23. Korrikari hasiera emanda

2024-03-14

Jendetza batu da Irungo San Juan plazan 23. Korrikari hasiera eman eta Baionaraino helduko den testigua abian jartzeko. Ane Elordi eta Beñat Altzagaren hitzen ostean Bidasoa eskualdeko AEK-ko kideek hartu dute lekukoa eta dagoeneko eskuz esku dabil Euskal Herrian zehar.

CAF enpresak Israelekin dituen harreman ekonomikoak salatzeko manifestazioa egin da Ordizian

2024-01-24

Palestinarekin Elkartasunak deituta, manifestazioa egin da Ordizian, Palestinako erresistentziari elkartasuna adierazteko, Israelen genozidioa salatzeko eta Mendebaldeko gobernu eta enpresa ezberdinek Israelekin dituzten harreman politiko, ekonomiko eta militarrak salatzeko.

Gerra Zibila Euskadin

2024-01-05

Erasoaldi frankistaren hasieratik, 1937ko urrian Asturias erori zen arte; bitarte horretan Durango eta Gernikako bonbardaketak gertatu ziren. Tarte hori, 1936an piztutako gerraren amaiera Euskal Herrian, lantzen du 1996an Baleuko etxeak ETBrentzat egindako lan honek.

Esperimentu soziala Zumaian: zaintzak neurtu, neurriak hartzeko

2023-11-27

'Zaintzen duen Zumaia irudikatzen ari gara' prozesuaren barruan esperimentu sozial bat egin zuten irailean hainbat herritarrekin, hauxe da emaitza.

Ez Donk Amaitu

2023-11-24

1980ko hamarkadako Arrasatera bidaia bat proposatzen du Ez Donk Amaitu lanak, honako bidelagun hauekin: Andoni Zubiaga (SS-77), Txerra Bolinaga (RIP), Amaia Garcia (Diputacion Coral), Edurne Landaluze (Diputacion Coral), Gotzon Hermosilla (Izu Giroa fanzinea), Haritz Artola (Unidad Alavesa), Andoni Iñurritegi 'Pottoko' (Never Surrender) eta Ane Garai (Perlata).

Kastellanuek

2023-10-06

Francoren diktadura garaian bizitza hobearen bila Azpeitira joan ziren migratzaileen testigantzak –bereziki Extremaduratik– jasotzen ditu dokumentalak.

Azpeitiko Udalak sareratu du lana.

Gidoia eta zuzendaritza: Jon Maia Soria
Argazki-zuzendaria: Juantxo Sardon Altuna
Kamera-operadoreak: Juantxo Sardon, Iñaki Urreizti, Ibai Alzueta
Audio-teknikaria: Anartz Beobide
Muntaketa: Mikel Fuentes
Soinu-postprodukzioa: Iosu Gonzalez
Irudi-postprodukzioa: Mikel... [+]

Lehen saiakera

2023-06-30

Irun eta Hendaia arteko mugak suposatzen dituen eskubide urraketen erretratua egin dute Mondragon Unibertsitateko ikus-entzunezko komunikazio hiru ikaslek. Azken bi urteetan bederatzi pertsonaren heriotza eragin du mugak, gizarte bezala beste aldera ez begiratzeko dugun premia larria azpimarratuta.

Lan dokumentala Ndank Ndank elkartearekin elkarlanean egin da eta Amets Arzallusen bertsoen bidez kontatzen da. Filmean Abdoulaye Sarrek parte-hartze berezia dauka. Abdoulaye Gipuzkoako SOS... [+]

Lugorria #4: Verde Prato

2023-06-19

Verde Prato musikaria elkarrizketatu dute Gedar Langile Kazetaren Lugorria programan. Bere ibilbide artistikoaz, egungo artista ereduaz, folkloreaz eta tradizioaz eta haiek berritzeaz, eta gehiagoz aritu da.

Harro gaude, Francis

2023-06-02

Vicente Badillo Francis Errenteriako 32 urteko gaztearen hilketatik abiatuta, Euskal Herriko LGTBI mugimenduaren genealogia,gaur egungo borroka eta aldarrikapenak jaso nahi ditu ETBko Ur Handitan saioak ondutako dokumentalak.

Francisen hilketa Euskal Herriko 'Stonewall' gisa aldarrikatu izan du LGTBI mugimenduak: 1979ko ekainaren 10ean, Espainiako Poliziaren agente batek tiroz hil zuen Vicente Badillo, Errenterian trabesti gisa ikuskizunak egin zituen 32 urteko gaztea. Hilketa hark... [+]

3. Oñatiko finala

2023-06-01

Oñatin egin da hirugarren Señora Sariketaren finala eta Maider Arregik jantzi du pamela. Arregirekin batera, oholtzara igo ziren Eli Pagola, Maddi Ane Txoperena, Janire Agirrezabalaga, Iruri Altzerreka eta Eli Zaldua.

Behin finala igarota, ARGIAko platoan bildu dira Aner Peritz, Leire Vargas, Oihana Arana eta Haizea Arana eta saioa goitik behera aztertu eta beste zenbait meloi irekitzeko baliatu dute BTN Señora Editionen azken saioa.

Irure Txiki Baserriko esperientzia

2023-05-31

Ogiaren txanda izan da aste honetako Egonarria saioan eta Errezilgo Irure Txiki baserriko proiektua ezagutu dugu Edurne Agirreren eskutik. Bertan, baratzegintzan aritzeaz gain, ogia eta gozogintzako produktuak ere egiten dituzte.

Baserriloreak proiektuaren esperientzia

2023-05-24

Azkoitiko Arrumarrate baserrian dute 'Baserriloreak' proiektua martxan Koldo Ormaza eta Joey Albertek- Lore freskoak eta lehorrak ekoizten dituzte, modu ekologikoan eta ahalik eta karbono aztarna txikiena utziz. Ezagutu proiektua eta ikusi zeinen lore politak ekarri dizkiguten.

Ahaztu aurretik: Martuteneko ihesaldia

2023-05-19

ETB1eko Ur Handitan saioak Joseba Sarrionandia eta Iñaki Pikabea ETAko presoek Martuteneko espetxetik ihes egin zuteneko pasarteaz egindako lana.

1985eko uztailaren 7an Martuteneko espetxetik ihes egin zuten Joseba Sarrionandia eta Iñaki Pikabea presoek, Imanol Larzabalek emandako kontzertua profitatuz haren bozgorailuen barruan ezkutatuta. Pikabea bi urtera atxilotu zuten berriz, baina Sarri kanpoan bizi izan da orduz geroztik,

Uhinak - Txalaparta Urretxu-Zumarragan

2023-03-31

Urretxun eta Zumarragan txalaparta nola berreskuratu zen azaltzen duen dokumentala, bertan aritu ziren protagonisten ahotik. Instrumentu hau duela 40 urte heldu zen bi herriotara eta egun ekitaldi guztietan txalapartaren soinua entzun daiteke. "Uhin baten modukoa da. Ez dugu txalaparta eskolarik, baina instrumentu hau toki guztietan azaltzen da. Gurea egin dugu. Herri gutxitan du horrenbesteko indarra. 40 urte daramatza Urretxu eta Zumarragan: gu joango gara eta beste batzuk etorriko... [+]

Krisi energetikoa eta aterabide arduratsuak

2023-03-20

Aitziber Sarobe biologoak eta Oier Etxebarria Goienerreko kideak Azpeitiko Soreasu antzokian eskainitako hitzaldia da, 101 Arrazoi egitasmoak antolatuta.

Zumarragako Ezpatadantza

2023-03-10

Zumarragako Irrintzi dantza taldeak eta Antxiñako Ama txistulari taldeak, 2017an euren 50. urteurrenean ezpata-dantzaren inguruko dokumentala publikatu dute. Endika Alzelai (Antxiñako Ama txistulari taldea), Luis Mari Arrieta (Irrintzi dantza taldea) eta Joanes Jaka (Antxiñako Ama eta Irrintzi) izan dira bidelagun Zumarragako udalak ekonomikoki sostengatu duen proiektuan.

Kilometroak jaiak 'Euskaldunon Egunkaria'-ren itxiera oroituko du Oreretan

2023-02-02

Urte osoko festa izango da Kilometroak aurten. Urriaren 1ean izango da Gipuzkoako ikastolen jai nagusia, ‘Erriola’ lelopean. Ekintza nagusiez gain, bestelako ekitaldiak ere antolatu dituzte urte osoan zehar. Bi mugarri izango ditu egitarauak: Egunkaria-ren itxiera oroitzeko, ekitaldi sorta otsailaren 20tik 24ra, eta, euskara batuaren sustatzaileak omentzeko, giza katea martxoaren 24an.

'Milimetroak: Batasunaren bidea' antolatu dute Euskaltzaindiarekin elkarlanean, eta... [+]

Armairuaren zirrikitutik (Lasarte-Oriako euskalgintza 1966-2016)

2023-01-20

Herritar talde baten testigantzak bilduta, euskarak eta euskalgintzak azken 50 urteetan Lasarte-Orian izan duten ibilbidea biltzen du lanak.

Produkzioa: Lasarte-Oriako Udala
Zuzendaritza eta errealizazioa: Eduardo Galardi, Isa F. de Agirre
Grabaketa: Pixel
Edizioa: Isa F. de Agirre

Arrasateko Gaztetxeak XXX, hiru hamarkada luze

2022-12-16

Arrasateko gaztetxearen 30. urteurrenaren harira egindako dokumentala, eraikin autogestionatuaren ibilbidean parte hartu duten hainbat belaunalditako kideen testigantzekin.

XXX lantaldea dira Manex Agirre, Peru Altube, Iraitz Etxaburu, Lide Galdos, Maria Murillo eta Inesa Ugalde.

"Zuenak ez digu balio, hezkuntza gure neurrira" lelopean, kalera atera da Ikama

2022-12-15

Ikama ikasle antolakundeak Hego Euskal Herriko hiriburuetan mobilizazioak egin ditu gaurkoan. Hezkuntza sisteman aldaketak eskatu dituzte heziketa feminista, euskalduna, inklusiboa eta ekologista bermatzeko.

Hernani Burujabe, eraldaketarako pausoa

2022-11-25

Bira Produkzioak eta Hiritik At kooperatibek Hernani Burujabe egitasmoari buruz egindako dokumentala: 2022ko urriaren 1ean proiektatu zen lehen aldiz egitasmoaren lehen urteurrenean. Hernani Burujaberen asmoa, eskala lokaletik lurralde burujabetza eraikitzeko trantsizio prozesu integrala aktibatzea da. Dokumentalak gaur arteko ibilbidea jaso du, bi plano uztartu dituzte: Hernaniko lurraldean jazotzen ari denaren kronika eta hau gidatzen duen paradigma politikoaren azalpena.

Behobia (Ehun urte hesiak iraultzen)

2022-11-18

Behobia-Donostia lasterketa bat da, baina ez edozein lasterketa. 2019an 100 urte bete ziren lehen aldiz ospatu zenetik. Denbora horretan, aldaketa zein abentura mordoxka bat bizi izan ditu hainbat eta hainbatentzat, urteko zita den honek. Behobia-Donostiaren historian, eta bertan, modu ezberdinetan parte hartu dutenen istorioetan murgildu gara helmuga baino, bidea balioan jartzen duen kirol ekitaldi honek suposatzen duena azaldu asmoz.

Elkarrizketatuak: Jesus Egimendia, Alazne Mujika,... [+]

Oñatin bizi nahi dut

2022-11-11

Oñatiko herriak bizi duen etxebizitzaren problematika gizarteratzeko egindako dokumentala da honakoa. Arazoa bizi duten hainbat kolektiboren parte diren pertsona eta etxe-jabe batzuen testigantzak jasoz, problematikaren nondik norakoen argazkia osatu da. Dokumentalaren helburua etxebizitzaren arazoa gizarteratzeaz gain, etxebizitza-ereduaren inguruko lanketa eta proposamenak jaso eta egitea ere bada.

2022ko urtarrilean egindako lana.
Off ahotsa: Nahia Barrena
Irudia: Mikel Ezkerro

Artikutza, ur eta lur

2022-09-29

Goizueta aldamenean bailara txiki bezain zirraragarri bat aurkitzen da, 1919tik Donostiako Udalaren jabegoa dena. Penintsulako leku euritsuenetakoa, errekasto eta baso zaharrek hartuta daukate inguru guztia. Iraganean meategi, txondor eta burdinolez josita egon arren, naturaren berreskurapenaren paradigman bilakatu da azken mendean. Naturak bere lekua hartu du, giza jardueraren arrasto oro goroldioz estaliz. Artikutzaz ari gara, euskal historiako memoria leku garrantzitsu bat.

'Gure Heroiak' liburuaren aurkezpena Getarian

2022-09-05

Axier Lopez ARGIAko kazetaria idatzitako 'Gure Heroiak' liburua aurzketu zuten Getarian irailaren 1ean. Aurkezpeneko mahai-inguruaren bueltan izan ziren Idoia Arrieta Getariako historialaria eta Luciana Alfaro Euskal Herriko emakume migratu eta arrazializatuen sareko kidea, Gari Berasaluze kazetaria moderatzaile zutela.

Gure heroiak ARGIAren azokan duzue eskuragarri.

Atxorrotxeko gaztelua, denboraren talaiatik

2022-06-02

Gipuzkoako azken bailararen goiburuan, mendi tontor baten gainean, Atxorrotxeko gazteluaren aztarnak aurkitzen dira, orain ermita batek estaltzen dituenak, aintzinako talaia baten lekuan. Arrano kabi baten antzera, lekuaren garaierak nagusitasuna ematen dio. Bertatik kontrolatzen du, bertatik zaintzen du bidea. Gutxik dakite Gipuzkoa 1200eko konkistaren ondorioz sortu zela, eta bere jatorrian hiru eremu naturalek, Nafarroako hiru tenentziak osatzen zutela: Ipuzkoa, Donostialdea eta Aizorrotz... [+]

Arantzazu, harriz herri

2022-05-13

Bere historia guztian zehar, Arantzazu Euskal Herriko memoria leku garrantzitsu bat izan da. Bere oinarriak, harriz harri, artearen eta kulturaren gain eraiki dituena eta, batez ere, herriarekiko konpromisoa erakutsi duena. Jorge Oteizaren apostoluak basilikan instalatu zireneko 50 urte bete direnean, Arantzazu erreferentziazko leku bilakatu zeneko garaira bidaiatzen du dokumentalak: artea eta euskara, kurtura oro har, euskaldunen babesleku bilakatu zireneko garaira, hain zuzen... [+]

Beloaga, memoriaren behatokia

2022-04-29

Arkaleko haitzetan eraikia, Oiartzunen, Beloagako gaztelua ezezaguna zen herritarrentzat orain dela urte gutxi batzuk arte. Inguruko historialari eta laguntzaile talde bat izan zen eraikina ahanzturatik berreskuratu zuena, gaztelua estaltzen zuten sastrakak kenduz eta berreraikuntza proiektu bat abian jarriz. Agerian gelditu dena, Erdi Aroko gaztelu bat baino askoz ere gehiago da: gure historiaren kontakizuna da, Nafarroa independentearena. 1200eko konkistaren arrastoak dira, baita erromesen... [+]

Josu Zabala gogoratu dute Etxarri Aranatzen, eta bere heriotzari buruzko egia osoa eskatu

2022-03-28

25 urte pasa dira Josu Zabala ETAko kidea hilik agertu zela Itziarren. 25 urte hauetan Espainiako Estatuak ezkutuan duen egiaren bila ibili dira bere familia eta ingurukoak. Atzo Etxarrin Egiari Zor Fundazioak ekitaldia egin zuen herriko plazan, hilik agertu zen ETAko militanteari benetan zer gertatu zitzaion argitu dezaten eskatuz.

'Gaur' erakusketa | Dapa 29

2022-03-21

1966an sortu zen GAUR taldea, Donostiako Barandiaran galerian egindako erakusketa kolektiboarekin. Talde hartan ibilitako artista batzuen lanak ibilbide luzea egin du harrezkero, herri mugimenduen irudi izatetik hasi eta arropetarako diseinu izateraino. Erabat finkatu eta barreiatu den iruditeri horren gainean egin du ikerketa Ane Lekuonak, eta gu bere eskutik ibili gara gaur ezagutzen dugun Euskal Herrian barrena, izan zitekeena eta izan ez zena gogoan.

Hemen duzue Azpeitiako Dinamoak... [+]

Album (Formol Laborategia) | Dapa 28

2022-03-17

Formol Laborategia 2019an eratu zuten Edurne Azkarate, Mikel Ibarguren eta Intza Alkainek, egungo euskal kulturak planteatzen dituen hainbat erronkei heltzeko asmoz: gazteriari buruz hausnartzea eta ahotsa ematea, publiko berriak sortzea, poetika eta estetika berriak arakatu eta lantzea... Zer egiten du ostruka batek arrainontzi baten barnean? Derrigorrezkoa al da belaunaldi bat hiltzea hura omendu ahal izateko? Galdera serioak airera bota eta umorez erantzun dituzte 'Album'... [+]

Aralar, mundua leku den lurra

2022-03-11

Aralarko ondare natural eta kulturalaren leiho izateaz haratago, hausnarketa eta gogoetarako bide ematen duen pelikula da. Adituen adierazpenek eta mundu oniriko bateko pasarteek, Nafarroa eta Gipuzkoaren mugan dagoen mendilerro honen balioa ezagutzera ematearekin batera, kontserbaziorako deia egiten dute.

On Produkzioak eta Landarlan Ingurumen Elkarteak lankidetzan egindako filma

Iraupena:85 min
Ekoizpen urtea:2018
Zuzendariak: Garazi Auzmendi, Iban Toledo, Aloña Jauregi eta Ion... [+]