Sortuko zuzendaritza talde berria hautatuko dute urtarrilaren 24an, Irungo Ficoban egingo den alderdiaren IV. Kongresuko amaierako ekitaldian. Talde hori gidatzeko, Sortuko Nazio Kontseiluak Xabi Iraola igeldotarra proposatuko du. Kongresuan zehar eztabaidatu den Herri gogoa ponentziak, azken hamabost urteetako bilakaeraz eta egungo egoeraz gogoeta egin eta "askotariko dinamika erreal eta eraginkorretan eragitea" du helburu.