Uztailaren 8an eman ditu Jaurlaritzaren Osasun sailak EAEn COVID-19az kutsatutakoei buruzko azken datuak (uztailaren 1etik 7ra artekoak). Bertan agertu behar litzateke islatuta Ordiziko fokuaren bilakaera. Hauek aztertuta eta azkena argitaratu diren beste hainbat informazio kontuan hartuta, galdera asko geratzen dira airean, ordea.

Adur Ezenarro Ordiziako alkateak adierazi duenez, mila herritar inguru zeuden uztailaren 8an etxean isolamenduan PCR probaren emaitzak jasotzeko zain, eta hurrengo egunetan kopuru horrek gora egingo du, aste osoan zehar jarraituko baitute PCR probak egiten. Nola emango dute herritar horiek botoa? 9:00etan bildu da Hauteskunde Batzordea Ordiziako egoera aztertzeko, eta erabaki dute kutsatuek ezingo dutela bozkatu eta prebentzioz berrogeialdian daudenek bozkatu ahalko dutela bozka etxetik... [+]

Ordiziako fokua ari da eragina izaten Goierriko gainerako herrietan ere. Berriak argitaratu duen informazioaren arabera, trenak egiten dituen enpresa entzutetsuak erabaki du aldi baterako "aurreko fase batera atzera egitea" eta hainbat neurri hartu ditu COVID-19a kutsatzea saihesteko.

Nekane Murga Eusko Jaurlaritzako Osasun sailburuak jakinarazi ditu Ordizian gaurdanik leku publikoetan koronabirusaren hedatzea oztopatzeko erabiliko diren neurriak. Ostatuetako bezero kopuruak mugatu eta horiei bezala elkarte gastronomikoei iluntzeko itxiera aurreratzeaz gain, leku publiko guztietan edozein herritarrek jantzita eraman beharko du beti maskara. Asteartetik ari zen neurri hori eskatzen herriko alkatea.

Uztailaren 7 arratsaldean Zumarragako ospitalean bildu ziren Ordizia, Beasain, Lazkao eta Idiazabalgo alkateak, Jaurlaritzako Osasun eta Segurtasun saileko kideekin. Nekane Murga Osasun sailburuak bileraren ostean adierazi du 1.700 PCR proba egin dituztela eta ordura arte aztertutako 1.000 probetan 35 pertsona atzeman dituztela kutsatuta. Baztertu egin du konfinamendua berriz ezartzea baina hainbat neurri indartuko dituzte, gaur iristea espero den instrukzio batean. Adur Ezenarro alkateak... [+]

Osasun sailburuak jakinarazi duenez, hamalau koronabirus kasu berri daude Ordizian, joan den asteburuan Etxezarreta kalean atzemandako fokuaren harira. Guztira 30 pertsona daude kaltetuta.

Asteartera arte egindako probetan bi bizilagunek eman dute positibo gutxienez. 900 proba egin dituzte, baina 91ren emaitza da jakina orain arte. Hainbeste testen artean pare bat positibo aurkitzea “ohikoa” dela jakinarazi dio Osasungintza Publikoak Udalari. Ekainaren 27tik aurrera Ordiziako Etxezarreta kalean ibili diren ehunka lagun bertaratu dira proba egitera.

Osakidetzak ohartarazi duenez, Ordiziako hainbat lagunek emaitza positiboa eman dute PCR frogetan. Sorburua Etxezarreta kaleko ostalaritza-gunean aurki daitekeela susmatzen dute, eta joan den larunbatetik inguru horretan egon diren pertsona guztiei udalerriko osasun zentrora hurbiltzeko deia luzatu diete, bertan hitzordua har dezaten.

Andres Urdaneta “ebanjelizatzaile eta konkistatzaile, bi aldiz gaizkilearen omenez” Ordiziako sarreran dagoen estatua kentzeko eskaera zabaldu dute Argentinako Indymedian. Horretarako, Ordiziako alkate Adur Ezenarrori (EH Bildu) eskutitz irekia luzatu diote.

Nekazariek salatu dute koronabirusa dela-eta hainbat azoka itxi dituztela, ez, aldiz, saltoki handiak. Irekita dauden azoketako batzuek bildu ditugu albiste honetan. Azokei eusteko, koronabirusa hedatzea saihesteko neurriak hartu dituzte udalek.