Mugimenduarekiko instituzioen “errespetu falta” salatu eta sufritzen ari direnei elkartasuna adieraziko diete. Osasun neurriak errespetatuz, udal eta aldundien aurrean kontzentratzera deitu dute.

Jaurlaritzak konfinamendua arintzeko lehen faseari eginiko moldaketa eta murrizketek kritika ugari jaso dute, PSEko zenbait kiderena tartean. “Hobe da bermedun urratsak ematea, normaltasunik ez duen normaltasuna itzultzen ari dela saltzen saiatzea baino”, adierazi du Gipuzkoako PSEko idazkari nagusi Eneko Anduezak.

Nazio Batuen Erakundeko Segurtasun Batzordeak asteak daramatza ebazpen bat eztabaidatzen. AEBk ez dute ebazpenean Osasunaren Mundu Erakundeari aipamenik egitea nahi.

The Guardian egunkariak erakutsi du irudia: kilometro eta gehiagoko ilaran 1.000tik gora suitzar astebeteko janari errazioa jasotzeko zain. Ilarako erdiak egoera irregularrean daude Suitzan; gainerakoek paperak eskuratu berri dituzte, asiloa eskatu dute edo suitzarrak dira.

Arantxa Tapiaren hitzak atzetik jotako aizkorakada izan dira askorentzat. Deseskalatzearen fase honetan ez digute utziko beste herri batera mugitzen. Ez da harritzekoa haserrea eta amorrua. Engainatu gaituzte.

Administrazioeetako iturriek zabaldutako informazioen arabera, Hegoaldean 16 pertsona gehiago hil ditu koronabirusak, Euskal Autonomi Erkidegoan 15 eta Nafarroan 1. Iparraldetik heriotza gehiagoren berririk ez iristekotan, denetara Euskal Herrian maiatzaren 10a arte 1.916 pertsona hil ditu, 25.296 kutsatu eta 602 ospitaleratuta daude. Agintariek sendatutzat 17.734 gaixo eman dituzte orain arte.

Hildakoak honela banatzen dira lurraldeka: Araban 351 (+2), Bizkaian 790 (+12), Gipuzkoan 277 (+1), Nafarroan 488 (+1). Iparraldetik 2 zeuden kontabilizatuta denbora luzez; apirilaren 28an Baionako suprefetak eman zituen bertako ospitalean hildakoen xehetasunak eta horiek kontutan hartuta Berria egunkariak bere estatistikak eguneratu ditu Iparraldeko biktimak 10ean finkatuz (gehiago izan litezke).

Euskal herritarrok azken estatistiken arabera 3,17 milioi biztanle garenez, gure arteko hilkortasun tasa da milioi 1 biztanleko 604. Lurraldeka (bezperako datuak): Araba 1.052, Bizkaia 675, Gipuzkoa 381, Nafarroa 744.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.488 heriotza zeuzkan bezpera arte eta Madrilek 1.290.

Mundu mailan herrialde kaltetuenen zerrenda, berriz, honela dago kontatuz heriotzak miloi 1 biztanleko (bezperako datuekin): San Marino 1.208, Belgika 740, Andorra 621, Espainia 565, Italia 503, Erresuma Batua 465, Frantzia 403, Sint Marteen (San Martin uhartearen zati holandarra) 350, Suedia 319, Herbehereak 316, Irlanda 293...  Kopuru horiekin, Euskal Herria herrialde independente balitz munduko zerrendan laugarren legoke.

Biolentziatik ihesi hiru seme adingaberekin Euskal Herrira etorri, asilo politikoa eskatu eta ezetza jaso; konfinamendua gela bakarrean pasatu inongo diru-sarrerarik gabe eta lurrean lo eginez; etxetik kanporatu eta pandemia betean zerbitzu sozialek kale gorrian utzi; halabeharrez etxea okupatu udalak argia eta ura moztu duen auzoan; Udaltzaingoa baimenik gabe eta bortizki etxean sartu eta etxegabetze espedientea osatu. Hona familia baten bizipen lazgarria.

Koronabirusaren izurritea Ipar Euskal Herrian zein Biarnoan kontrolaturik dela jakinarazi du Eric Spitz prefetak, bideokonferentzia bidez.

Maiatzaren 11tik aurrera irekiko dituzte ateak ikastetxeek, progresiboki eta nahi duten familientzat. Seaskako lau kolegioetako zuzendariek ikastetxeen ateak irekitzeko “baliabide eskasak” salatu dituzte gutun bidez. Konfinamenduak eta deskonfinamenduaren antolaketak euskararen erabilpena kaltetzen dutela dio bere aldetik Biga Bai sare elebiduneko egiturak.

Astelehenetik aurrera Hego Euskal Herriko lau lurraldetan egoeraz aldatuko dira, Espainiako Gobernuak agindu duen fase banaketen arabera. Espainiako Gobernuak lehen fasean daudenei baimendutakoa murriztu du Eusko Jaurlaritzak. Aldaketa nagusiak bildu ditugu artikulu honetan.

Administrazioeetako iturriek zabaldutako informazioen arabera, Hegoaldean 16 pertsona gehiago hil ditu koronabirusak, Euskal Autonomi Erkidegoan 13 eta Nafarroan 3. Iparraldetik heriotza gehiagoren berririk ez iristekotan, denetara Euskal Herrian maiatzaren 9a arte 1.900 pertsona hil ditu, 25.153 kutsatu eta 603 ospitaleratuta daude. Agintariek sendatutzat 16.976 gaixo eman dituzte orain arte.

Hildakoak honela banatzen dira lurraldeka: Araban 349 (+0), Bizkaian 778 (+12), Gipuzkoan 276 (+1), Nafarroan 487 (+3). Iparraldetik 2 zeuden kontabilizatuta denbora luzez; apirilaren 28an Baionako suprefetak eman zituen bertako ospitalean hildakoen xehetasunak eta horiek kontutan hartuta Berria egunkariak bere estatistikak eguneratu ditu Iparraldeko biktimak 10ean finkatuz (gehiago izan litezke).

Euskal herritarrok azken estatistiken arabera 3,17 milioi biztanle garenez, gure arteko hilkortasun tasa da milioi 1 biztanleko 599.  Lurraldeka (bezperako datuak): Araba 1.052, Bizkaia 664, Gipuzkoa 380, Nafarroa 739.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.480 heriotza zeuzkan bezpera arte eta Madrilek 1.283. Mundu mailan herrialde kaltetuenen zerrenda, berriz, honela dago kontatuz heriotzak miloi 1 biztanleko (bezperako datuekin): San Marino 1.208, Belgika 735, Andorra 608, Espainia 562, Italia 500, Erresuma Batua 460, Frantzia 402, Sint Marteen (San Martin uhartearen zati holandarra) 327, Suedia 314, Herbehereak 313, Irlanda 289 ...  Kopuru horiekin, Euskal Herria herrialde independente balitz munduko zerrendan laugarren legoke.

Uztarria herri hedabideak zabaldu duenez, Azpeitiko udalak bere 15.000 herritarretako bakoitzari maskara berrerabilgarri bana emango dio, konfinamenduaren arintze faseetan horiek derrigorrezkoak edo gomendagarriak direne uneetan erabili ahal izan ditzan. Behin bakarrik erabili ostean botatzekoak izan ohi dira administrazioek herritarrei eskaintzen dizkieten maskara gehienak baina Azpeitiko udalak berrerabilgarrien aldeko apostua egin du.

Doris Casas, Cristian Rodríguez, Manuel Cantero eta Luis Álvarez osasun krisi bitartean Gasteizko etxegabeentzako ireki duten zentroan daude konfinatuta, Lakuako frontoian. Gure jendartearen sektore ikusezinduenetako bat krisia zer baldintzetan ari den bizitzen jakiteko asmoz hurbildu gara haiengana. Konfinamendu garaikoa ez ezik, hortik kanpoko beraien bizitza ere gurekin partekatu dute.

COVID-19ak eragin duen egoera gogorra munduko beste herri batzuk nola bizitzen ari diren jakiteko, hitzaldi zikloa abiatuko du Askapenak. Boterea nola berrantolatuko den eta internazionalismoak egin dezakeen ekarpena aztertuko dute hainbat gonbidaturen eskutik. Maiatzaren 9an izango da lehen saioa, Italiako Napoli Zero81ko bi kideren eskutik.

Administrazioeetako iturriek zabaldutako informazioen arabera, Hegoaldean 23 pertsona gehiago hil ditu koronabirusak, Euskal Autonomi Erkidegoan 7 eta Nafarroan 4. Iparraldetik heriotza gehiagoren berririk ez iristekotan, denetara Euskal Herrian maiatzaren 8a arte 1.884 pertsona hil ditu, 24.658 kutsatu eta 622 ospitaleratuta daude. Agintariek sendatutzat 16.441 gaixo eman dituzte orain arte.

Hildakoak honela banatzen dira lurraldeka: Araban 349 (+0), Bizkaian 766 (+5), Gipuzkoan 275 (+2), Nafarroan 484 (+4). Iparraldetik 2 zeuden kontabilizatuta denbora luzez; apirilaren 28an Baionako suprefetak eman zituen bertako ospitalean hildakoen xehetasunak eta horiek kontutan hartuta Berria egunkariak bere estatistikak eguneratu ditu Iparraldeko biktimak 10ean finkatuz (gehiago izan litezke).

Euskal herritarrok gutxi gora behera 3,2 milioi biztanle garenez, gure arteko hilkortasun tasa da milioi 1 biztanleko 588. Lurraldeka (bezperako datuak): Araba 1.052, Bizkaia 660, Gipuzkoa 377, Nafarroa 733.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.471 heriotza zeuzkan bezpera arte eta Madrilek 1.276. Mundu mailan herrialde kaltetuenen zerrenda, berriz, honela dago kontatuz heriotzak miloi 1 biztanleko (bezperako datuekin): San Marino 1.208, Belgika 726, Andorra 608, Espainia 558, Italia 495, Erresuma Batua 458, Frantzia 398, Sint Marteen (San Martin uhartearen zati holandarra) 327, Herbehereak 309, Suedia 201, Irlanda 284...  Kopuru horiekin, Euskal Herria herrialde independente balitz munduko zerrendan laugarren legoke.

Dagoeneko, behar larrian diren 100 lagun baino gehiagorengana iritsi da Bizkaiko mantero senegaldarren erresistentzia kutxa. Ezin dute kalean saldu eta askok ez du paperik –alegia, administrazioek iragarritako laguntzetatik kanpo geratu dira–. Orain arte, kale-saltzaile senegaldarrek eta ARGIAk elkarlanean dugun "Inor ez da ilegala" proiektuko diru zati bat etorkizunean sortu nahi duten kooperatibarako gorde dute. Garaiotan, baina, proiektutik lortutako diru-sarrera berriak erresistentzia kutxara bideratzea erabaki dute.

Koronabirusak eragin duen krisiari askotariko erantzunak eman dizkiete gobernuek, baina gehienek etxean geratzera derrigortu dituzte herritarrak. Zenbait gobernuk erabili duten hizkera belikoari jarraiki, “etsaia” kanpoan dago, eta norbere burua babesteko erarik eraginkorrena da etxean geratzea, “babespean”. Baina, zer gertatzen da etsaia birusa baino gosea denean? Kasu horietan, zein da gotorlekua, etxea ala diru apurren bat lortzeko kaleko jarduna? El Salvador, Bolivia eta Ekuatore Gineako zenbait pertsonekin hitz egin eta haien bizipenak jaso ditugu.

Errausketaren Aurkako Mugimenduak "10 Galdera Olano eta Asensiorentzat" izeneko agiriaren bitartez Zubietako erraustegiaren inguruko azalpenak eskatu dizkie Gipuzkoako Aldun Nagusiari eta Ingurumen diputatuari, azken honek iragarri ostean Madrilek Alarma Egoera ezabatu bezain laster abiaraziko dutela ofizialki errauste planta.

Alvaro Alavart Fernandez-Cavada Baionako Espainiako kontsulak bere etxeko langile biak kaleratu ditu eta ez die zerbitzarientzako etxean geratzeko aukerarik eman, Mediapartek argitaratu bezala. Hilabete daramate bizilagun baten etxean bizitzen. Kontsulak Hego Euskal Herrira egin zuen bidaia langile berriak jasotzeko, konfinamenduaren erdian.

Espainiako Estatuak Baionan duen kontsulak etxeko langileak kaleratu ditu pandemia betean

Moon of Alabama: "Ziurrenik uda bero eta hezeak COVID-19 kasu berrien kopurua murriztuko du. Baina uda ondoren udazkena iristen da eta ondoren negua, eta normalena litzateke sasoi horietan gaixotasuna gailur berri batera igotzea. Beldurra itzuliko da, distantzia sozialak berriro praktikatuko dira eta kalte ekonomikoa are gehiago handituko da. Izan genuen aukera gauzak bestela egiteko. Txinak denbora eman zigun neurri egokiak hartzeko. Han lortu dute –Hong Kong, Vietnam, Hego Korea eta Zeelanda Berrian bezala– gaixotasuna ia desagerraraztea beren lurralde barruan. Han orain abantaila hartu digute, guretzako gainditzen zaila".

Haserre daude sindikatuak, “berriro ere” hezkuntza komunitatearekin adostu gabeko plana aurkeztu duelako Eusko Jaurlaritzak, oraingoan ikasturte amaierari begira. Jaurlaritzak emandako osasun eta segurtasun irizpideak betetzeko, zein neurri hartuko dira? 15 ikasleko gelak izango badira, irakasle gehiago hartuko al da? Haurreskolak irekitzearen ordez zergatik ez da bestelako kontziliazio neurririk hartzen?

Dozenaka dira gauerako aterpe bat izateko zerbitzu sozialen menpe dauden gasteiztarrak. Koronabirusaren krisiaren aurrean errekurtsoak eta plazak areagotu egin dira inork ez dezan –krisi aurretik ez bezala– lo egin kale gorrian. Etxegabeen beharrei erantzutea da helburua, edo baztertuek inor ez kutsatzea? Krisi osteko politikek emango digute erantzuna.

Datorren astelehenetik aurrera, Frantziako Estatuan deskonfinamenduari ekingo zaiola adierazi du Estatuko lehen ministroak eta deskonfinamendua gradualki egingo dela gaineratu du, “geldo baina seguru”. Berde, laranja edo gorri, hainbat irizpideren arabera departamenduari zein kolore atxikitzen zaion, deseskalatzea azkarragoa edo geldoagoa izango da.

Autoen eta garraio publikoaren erabilera gutxitu da konfinamendu garaian, eta bizikletaren aldeko apustua gero eta herritar gehiagok egin du leku batetik bestera mugitzeko. Autoentzako ziren espazioak bidegorri bihurtu eta bizikletaren alokairua doan eskaini dute hiri ugaritan. Aukera baliatu behar dela dioten ahotsak asko dira, epe ertain eta luzera begira ere neurri horiek mantenduz eta indartuz bizikleta nagusitu dadin garraiobide gisa, berriro denak autoa hartzera itzuli ordez.

International Peace Bureau erakundeak, bakearen aldeko erakunde zaharrenak eta Nobel Saria jaso zuenak, gastu militarra nabarmen murrizteko eskaera aurkeztuko du Nazio Batuen hurrengo Batzar Nagusian, eta diru kopuru horiek bideratu daitezela osasun publiko zein  gizarte eta ingurumen beharrei erantzuna ematera. Kanpainarekin bat egin du hainbat euskal erakundek.

Arabako Aldundiak osasun-alarmaren hasieran adingabeen pisuetan ezarri ziren errefortzu guztiak ezabatu ditu, arreta egokia emateko, ikastetxeak itxi ziren unean. ELA, LAB, CCOO, ESK eta UGT sindikatuek salatu dute adingabeei eguneroko irteera eskubidea kentzen zaiela.

Une honetan hegazkin konpainietan modan dagoen hitza "bizliner" da, hegazkinak (ez nahitaez supersonikoak) horiek ordain ditzaketen pertsona-talde bereziei arreta emateko diseinatu eta antolatuak: politikariak, enpresariak, kirol-taldeak, etab. Hegazkin bat guk, plebeio xumeok, sekula erabili ahal izango ez duguna. Baina bizitza horrelakoa da: hegan egitea pribilegio bat izan da gure belaunaldiko askok gozatu duguna, baina ezerk ez du betiko irauten. Gutxienez, hemendik aurrera ez gara hegan egiteagatik errudun sentituko!