Koronabirusak eragindako infekzio baten ondoren, COVID19 iraunkorra diagnostikatu zioten langileari. Patologia horrek neke kronikoa eta sindrome depresibo erreaktibo larria eragin dizkio. Narriadura kognitibo moderatua ere badu; kontzentrazioan, prozesamendu abiaduran eta memorian eragina du.

Nekea, zorabioak, ezegonkortasuna, insomnioa, takikardia eta bestelako sintomak dauzka langileak, lanarekin bateraezinak direnak. Bestalde, ezkerreko hemiparesia du. Herrenka ibiltzen da, eta orientazio eta indar galera orokorrak pairatzen ditu.

Gauzak horrela, ELA sindikatuak lan osasuneko fundazioari bide emango dio kalte ordainak eskatzeko, eta enpresak prebentzio neurriak ez betetzeagatik prestazio errekargua exijitzeko.