Aldaketekin hasi dute ikasturtea Ipar Euskal Herriko ikasleek
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze klase berriak irekiko dituzte, besteak beste.
Amaitu dira udako oporrak Ipar Euskal Herriko haur eta gazteentzat. Irailaren 1ean hasi dituzte klaseak, azken bi ikasturteekin alderatuz gero aldaketa nabarmen batekin: ez dute COVID-19aren aurkako neurri berezirik bete beharko. Hiru ikasletik bik sare publikoan ikasiko du, eta hirutik batek euskaraz (murgiltze ereduan edo sail elebidunean), Naiz.eus atariak zehaztu duenez.
Seaskako ikastola eta kolegioei dagokienez, Peio Jorajuria presidenteak Euskadi Irratiari jakinarazi dio aurten iaz baino ehun ikasle gehiago izango dituztela Zuberoa, Nafarroa Beherea eta Lapurdin. “Desafio handia” dela aitortu du, baina erronkei aurre eginez segiko dutela; besteren artean baxoa eta brebeta azterketak euskaraz pasatzeko eskubidea lortzeko borrokan jarraituko dute. Halaber, Jorajuriak azaldu du Senperen (Lapurdi) kolegio berria irekitzeko lanetan hasi direla. 2023-2024 ikasturterako prest izatea aurreikusten dute.
Murgiltze eredua ikastetxe gehiagotan
Berritasunekin hasi dira murgiltze ereduan ere: Irisarrin, Larrainen eta Barkoxen murgiltze klase berriak izango dituzte. Irisarri (Nafarroa Beherea) izango da lehena euskarazko murgiltze klaseak eskainiko dituena lehen mailako ikasleentzat, orain arte ama eskolan soilik eskaintzen baitzen. Julie Pons eskolako zuzendariak Kazeta.eus hedabideari adierazi dio “garaipena” dela, “mobilizazio azkar baten erantzuna”, hain zuzen. “Eskola publikoaren aldaketaren hastapena” izatea espero du Ponsek.
Larrainen eta Barkoxen (Zuberoa) euskarazko eskaintza izango da ama eskoletan, eta murgiltze ereduan ikasiko dute estreinakoz herri horietako haurrek.
Ziburun lokal berriak, Beskoitzen kabitu ezinik
Ziburuko (Lapurdi) eskola publikoko ikasleak hiru eraikinetan banatuta zeuden, baina aurten denak bateratu dira Marinela eskolako lokal berrietan. Eneko Aldana auzapezaren hitzetan, aldaketa hori egin dute “Ziburuko eskola publikoari dinamika berria emateko”, azken urteetan ikasleak gutxiagotzen ari baitziren.
Bestalde, Beskoitzen (Lapurdi) ez dute ikasturtea nahi bezala hasi. Seaskako Beskoitze ikastolari Herriko Etxeak ez dio eman galdegiten zuena. Ikasleak urtez urte ugaritu direnez (2013an hiru haurrekin hasi ziren), tokia txiki geratu zaie, eta 54 ikaslek 400 metro koadroko eremuan ikasten segi beharko dute, hiru prefabrikatutan.
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
Herri txikiak bizirik dauden eremuak direla eta bizirik jarraitzeko herriari begiratuko dion eskola gakoa dela aldarrikatuko dute, aurten ere, Gipuzkoako Eskola Txikien Festan. Ekainaren 8an ospatuko dute, igandean, Ezkio-Itsason, landa guneko herri txikiak hezkuntzarako zein... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Udaberriko loreez zirriborroa neukan egina gaurko artikulurako, naturaren zikloei begira idaztea eta garaian garaikoa ekartzea gustatzen baitzait baina artikulugile daramadan denboran ikasi dut maiz gaia ezin duela norberak aukeratu, biziak ekartzen dituelako beste gai batzuk.
EHUk, aldiz, azaldu du ezinezkoa dela hitz emandako 40 plaza berriak eskaintzea, ez baitute horretarako baliabiderik. Plaza berrien kopurua pixkanaka areagotzeko asmoa erakutsi du EHUk.
Euskal hezkuntza sisteman haur zaurgarriak ondo integratzeko dekretua egin zuen Eusko Jaurlaritza Hezkuntza Sailak 2023ko maiatzean eta gaur haren balorazio oso kritikoa egiten du Ikastolen elkarteak: hark ez du balio izan segregazioa amaitzeko. Hainbat proposamen ere egin... [+]