Bartzelonako Unibertsitateko ikerlariek hauteman dituzte SARS-CoV-2 birusaren arrastoak Bartzelonako estoldetan 2019ko martxoan jasotako laginetan. Aurkikuntza berretsiko balitz, esan nahiko luke pandemia deklaratu baino urte bete lehenago iritsia zela birusa Kataluniara eta auzitan jarriko luke dena Wuhango azokan hasi zela dioen tesia.

Hasteko hamalau herrirentzako bakarrik izanen dira mugak irekita, eta hamabost egun guztiz berrikusiko dute herrien zerrenda.

Baionako suprefektura aitzinean elkartuko dira berriz ere ekainaren 30 honetan. LAB eta CGT sindikatuek deitu dute mobilizaziora eta 12:00tan manifestazioa egingo dute San Leon ospitalera arte.

Olatukoopeko kide den Beñat Irasuegik hitzartze hau egin zuen ekainaren 26an Usurbilen, ekonomia sozial eraldatzaileko erakundeen Saretze Egunean. "Normaltasun berria hauxe izango da: indibidualizazio gehiago eta sumisio gehiago. Prest zaudete normaltasun berria onartzeko?" galdetuz hasi zuen hitzartzea.

STEILAS, LAB, ELA, CCOO eta UGT sindikatuek Jaurlaritzako Hezkuntza sailari eskatu diote murrizketak alboratzeko, "hezkuntza publikoa indartzeko beharrezkoak diren baliabideak jartzeko" eta langileen ordezkariekin "benetako negoziaketa" bideratzeko.

Nafarroako adinekoen eta ezgaituen egoitzetan ez dago COVID-19 kasurik joan den larunbatetik, Nafarroako Gobernuko Gizarte Eskubideen Kontseilaritzak jakinarazi duenez. Une honetan bi pertsona besterik ez dago ospitalean, adinekoentzako zentroetatik etorrita.

Abenduaren 5etik 8ra egingo da Durangoko Azoka. Koronabirusa elkarri kutsatzea eragozteko neurriek markatuko dute aurtengo edizioa, beharbada Azokak inoiz ezagutu duen bereziena. Kulturgintzan bizi den larrialdi egoerak markatuko du, baina antolatzaileek baikortasunari eutsi nahi diote.

Koronabirus proban positibo eman dute Angeluko ikastolako bi haurrek. Seaskak protokoloa martxan jarri du eta Angelukoaz gain Baiona eta Biarrizko ikastola bana ixtea ebatzi dute neurri kautelar gisa. Angeluko ikastolako anaiek harremanak izan zituzten beste bi herrietako ikastoletako guraso eta ikasleekin.

Joan den asteburuan bi mugarri gainditu ditu COVID-19 pandemiak: mundu osoan dagoeneko milioi erdi hil du eta 10 milioitik gora kutsatu. Horiek dira munduko estatuetako agintariek berretsitako kasuen datuak, ziurra baita askoz gehiago direla testeatu barik SARS-Cov-2 birusa daukaten edo eduki duten jendeak.

"Ikastetxe publikoetako zuzendariek eta familiek argi dugu konfinamentuak sortutako beharrei erantzuteko baliabide berriak beharko direla ikastetxeetan datorren ikasturtean, eta hala eskatu diogu Hezkuntza sailari behin eta berriro azken hilabeteetan". Aldiz, Hezkuntza Sailak ikastetxeetara bidali duen hurrengo ikasturteko baliabide zerrendan murrizketak egin dituela salatu dute EHIGEk (gurasoen elkarteak) eta Heize-k (zuzendaritzen federazioak).