AEBk mundu mailako su-etenaren aldeko bozketa blokatu dute NBEn
Nazio Batuen Erakundeko Segurtasun Batzordeak asteak daramatza ebazpen bat eztabaidatzen. AEBk ez dute ebazpenean Osasunaren Mundu Erakundeari aipamenik egitea nahi.
Aste batzuk dira Nazio Batuen Erakundeko (NBE) idazkari nagusi António Guterresek mundu mailako su-eten baten aldeko adierazpena egin zuela, koronabirusaren testuinguruan. The Guardian-ek argitaratu duenez, NBEko Segurtasun Batzordeko herrialdeak erakundearen adierazpen bateratua eztabaidatzen ari dira ordutik.
Osasunaren Mundu Erakundearen ekimenak babestera deitzen zuen ebazpenaren hasierako proposamenak, eta AEBk ez du horrelakorik onartu nahi. Trumpek publikoki kritikatu du OMEk pandemia kudeatzeko orduan egin duen lana. Txinak, aldiz, osasun erakundea aipatu beharra defendatzen du. Errusiak klausula bat gehitzea nahi du, produktu medikuei eragiten dieten zigorrak altxatzea eskatuz. Irani eta Venezuelari eragiten diete zigor horiek, besteak beste.
AEBen aldeko bozka lortzeko, negoziatzaileek proposatu zuten OMEri aipamen zuzena egin ordez "osasun-agentzia espezializatuak" adiera erabiltzea. The Guardian-en iturri diplomatikoen arabera, ostegunean AEBen onespena zegoela ematen zuen, baina ostiral goizean jarrera aldatu eta berriz ere ezezko posizioan da Trumpen administrazioa. Negoziazioek jarraitu egingo dute hurrengo astean.
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Hegoafrikaren izenean, sei abokatu aritu dira elkarren artean ongi harilkaturiko alegatua osatzen urtarrilaren 11ko goizean, Nazioarteko Justizia Auzitegian, Israelek Gazan buruturiko erasoek genozidio izaera dutela frogatu nahian. Gazako sarraskiari buruzko datu anitz, zenbait... [+]
Bi hilabeteko erasoetan ia 20.000 palestinar hil ondoren, Israel ez dago Gazako erasoan amore emateko prest eta Zisjordania ere gero eta gogorrago kolpatzen ari da. Israeli egindako su-eten eskaerak gero eta gehiago dira, baina AEBek esan dute Israelek behar duen denbora hartuko... [+]