COVID19ren aurkako hamalau milioi txerto inguru iraungi dira Espainiako estatuan 2020ko abenduaren 27an txertaketa kanpaina hasi zenetik aurtengo azaroaren 14ra arte. Gehien iraungi diren dosiak Pfizer-enak dira, Europar Batasuneko hornitzailerik handiena. Hala aitortu du Sendagaien Espainiako Agentziak (AEMPS gaztelaniazko sigletan), The Objetive atari digitalak egindako gardentasun-eskaerari erantzunez.

Zehazki, 13.870.197 txerto iraungi dira: Pfizer-en 8.226.142 , Modernaren 2.007.220, Novavaxen 1.842.170, Astrazenecaren 1.170.390 eta Janssenen 624.275.

AEMPS-k ez du informatu zaborretara joango diren dosi horiek zenbat kostatu diren. The Objetive-k kalkulatu du 218 milioi euro inguru direla.