"Pandemiaren bukaera begi bistan dago", Munduko Osasun Erakundearen arabera
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
"Oraindik ez gara iritsi, baina pandemiaren amaiera begi bistan dago", adierazi du Tedros Adhanom Ghebreyesus Munduko Osasun Erakundearen (MOE) zuzendari nagusiak. COVID-19 epidemiaren hastapenaz geroztik, hau da, 2020ko martxotik izandako heriotza kopuru ttipiena erregistratu zuten joan den astean.
Bukaerara heltzeko, arrisku taldeen txertaketa, aldagai berrien kontrola eta osasun sistemen hobetzea ezinbestekotzat jo ditu Tedros Adhanom Ghebreyesusek. Horrez gain, herrien arteko harremanetan, frogak eta zaintza neurriak garrantzitsutzat dauzka oraindik ere.
The Lancet aldizkaria, kudeaketan gaizki egin denari so
Paraleloki, COVID-19aren kudeaketari buruzko txostena plazaratu du The Lancet aldizkariak eta ondorioak zabaldu dira nazioarteko komunikabideetan: "desinformazioak" eta "herrialdeen arteko lankidetza ezak" egoera zaildu dute. Astiroegi jardun izana eta pertsona zaurgarriak behar bezala zaindu ez izana deitoratzen dituzte txostenean, zehaztuz heriotza asko saihesten ahalko zirela. Txostenaren egileen arabera, MOEk COVID-19a berandu izendatu zuen pandemia, eta berandu aitortu zuen birusa aire bidez kutsatzen zela.
Munduko 28 adituren iritziak eta analisiak jaso dituzte txostena egiteko.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.