Herritar bakoitzari maskara berrerabilgarri bana emango dio Azpeitiko udalak
Uztarria herri hedabideak zabaldu duenez, Azpeitiko udalak bere 15.000 herritarretako bakoitzari maskara berrerabilgarri bana emango dio, konfinamenduaren arintze faseetan horiek derrigorrezkoak edo gomendagarriak direne uneetan erabili ahal izan ditzan. Behin bakarrik erabili ostean botatzekoak izan ohi dira administrazioek herritarrei eskaintzen dizkieten maskara gehienak baina Azpeitiko udalak berrerabilgarrien aldeko apostua egin du.
Covid-19a lehenik izurri eta ondoren pandemia bilakatu zenetik, hondakin sanitarioen pila izugarri hasi da mundu osoan zehar, horien kudeaketa bihurtzeraino administrazioentzako buruhaustea eta hondakinen kudeaketa hobe bat nahi dutenen amesgaiztoa. Osasun zerbitzuetako langileek erabili behar dituzten babes-janzki bereziez gain –eta alde batera utzita agintarien prebisio falta gatik askok beharrak eramanda darabiltzaten plastikozko poltsak brikolatutako hala-moduzko jantziak– herritarrei garraio publikoan bezala erosketetan eta, jende zaurgarrienaren artean kaleko irteeretan ere, usatu ditzaten banatutako maskara gehienak ere hala dira, behin erabilita botatzekoak. Hondakinen errausketa sustatzen dutenentzako Txinatik SARS-CoV-2 izeneko birusak ekarritako oparia.
Azpeitiko udalak, ordea, Azpeitiko Udalak 15.000 maskara berrerabilgarri erosi ditu, herritarren artean banatzeko. Herritar bakoitzari bana emango dio. Uztarria-ren esanetan, datorren asteazkenean –maiatzak 13– hasiko dira banaketa egiten: lehenengo 65 urtetik gorako azpeitiarrei emango dizkiete eta gero gainerako guztiei. Horretarako, hamabost postu jarriko omen dituzte herrian, eta herritar bakoitzak dagokionean eta dagokion lekura joan beharko du maskara jasotzera. Astelehenetik aurrera jakinaraziko dute bakoitzak noiz eta nora joan beharko duen.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]