Berdea, laranja eta gorria, deseskalatzearen koloreak Frantziako Estatuan

  • Datorren astelehenetik aurrera, Frantziako Estatuan deskonfinamenduari ekingo zaiola adierazi du Estatuko lehen ministroak eta deskonfinamendua gradualki egingo dela gaineratu du, “geldo baina seguru”. Berde, laranja edo gorri, hainbat irizpideren arabera departamenduari zein kolore atxikitzen zaion, deseskalatzea azkarragoa edo geldoagoa izango da.


2020ko maiatzaren 07an - 17:00
Argazkia: Eitb

“Berri ona da lurralde guztian baimendu dezakegula deskonfinamendua. Berri ez hain ona berriz, hainbat departamendutan emaitzak ez direla aurreikusitakoak”, onartu du lehen ministroak. Departamendu bakoitzak zein kolore duen erabakitzeko, irizpide batzuk hartuko dira kontuan, birusaren zirkulazioari, lekuko ospitaleek duten gaitasunari eta testak egiteko ahalmenari lotuta. Horren arabera, kalera ateratzeko baimenak murrizketa txikiagoak edo handiagoak izango ditu.

Berde mantenduz gero, ekainean kafetegi eta jatetxeak ireki ahalko dira agian

Datozen hiru asteetan berde mantentzeko gai diren departamenduetan, “ekaina hasieran etapa berri bat abiatu ahalko dute eta beharbada bigarren hezkuntzako eskolak, kafetegiak eta jatetxeak ireki ahalko dituzte”. Berde mantentzeak esan nahi du ospitaleak gai direla dauden beharrei erantzuteko eta testak egiteko prestatuta dagoela lurraldea, besteak beste.

Gorrian, parke eta lorategiak itxirik

Gorri kolorea duten departamenduetan, nahiz eta deskonfinamendua abiatu, murrizketa gogorragoak izango dituzte eta adibidez, ezingo dira ikastetxeak, parkeak eta lorategiak zabaldu. Gorri egoteak esan nahi du birusa oraindik aktiboki ari dela zirkulatzen eta ospitaleetan ez dela behar adina arindu presioa. Asteazken gauean, oraindik 27 ziren gorri kolorea zuten departamenduak.

Irizpideak erdizka betetzen dituzten departamenduek laranja kolorea dute.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude