Gaurko atalean, lurrari beharrean, urari entzungo diogu. Sakanara etorri gara, Uharte Arakil herrira, Harri Herri Nekazaritza proiektura. Bertako kideak dira Jone Agirre eta Asier Ordoño. Hiritik landara etorriak dira biak, bizi eredu berri baten bila. Eta, baita lortu ere. Uraren aprobetxamendua oinarri hartuta, diseinu hidrologiko oso bat dute egina beren lursailean. Proiektu integrala landu dute: Baratzea, sendabelarrak, frutarbolak eta abereak dituzte. Sustraiak Habitat Designek diseinatutako teknika baten bidez, inguruak emandako urak aprobetxatzen dituzte landako gune ezberdinak ureztatzeko. Hara-hona ibili gara beren lurretan, uraren bideari jarraika.
Egonarria bideo-podcasta argia.eus eta bizibaratzea.eus webguneetan duzue ikus-entzungai, eta gure ohiko plataforma guztietan ere bai.
ARGIAren Fototeka martxan da
100.000 argazki jarri ditugu publiko lizentzia librean
1960ko hamarkadatik gaur egunera arteko 100.000 argazki baino gehiago bildu ditugu.