Esango nuke arraia gutxik dastatu duzuela. Arrainak, asko. Arrainen artean, hezurdun eskeletoa dutenez gain (osteiktioak), badira kartilagozko hezurdura dutenak ere (elasmobrankioak): marrazoak eta arraiak. Arrainetan ez bezala, disko formako gorputz-forma zapala nahikoa izan ohi da denak talde berean sartzeko: alta, Bizkaiko Golkoan 30 espezie daude; kantauriar kostaldean zazpi. Ugariena arraia-gastaka, gastaka edo tramana da eta duela 150 milioi urtetik (Jurasikotik) dago gure herrian.