Biodibertsitatearen galera eta klimaren aldaketa konpontzen lagundu behar luke Lurreko eremu zabalak berriro basati garatzen lagatzeak, hala defenditu du luzaz ekologiaren korronte nagusiak. Aldiz, zenbait zientzialarik aldarrikatu dute natura aberatsagoa zeneko mundu hartan gizakiak ere esku hartzen zuela aspalditik. ‘Wilderness’ ideiaren inguruko eztabaida mahairatu dute, berriro ere

Arabako Mendiak Aske plataformak Azazetako zentral eolikoaren aurkako alegazioak aurkeztu ditu, eta dagoeneko 23.833 sinadura bildu ditu Arkamu, Azazeta, Iturrieta eta Labrazako lau proiektuen aurka.

Ekologistak Martxan elkarteak (Espainian Ecologistas en Acción) 2021eko edizioko Bandera Beltzak izendatu ditu, Espainiako estatuan kostaldeari kalterik gehien eragiten dieten proiektuei. Euskal itsas hegiari dagokionez, Bizkaian bandera bana oparitu die Petronorri kutsaduragatik eta Bilboko superportuari bere anpliazioagatik, eta beste bana Gipuzkoan Zumaian Urola ibaia dragatzeari eta Irungo udalari Txingudiko hiritartze planagatik.

Uda guztian zehar eginen dituzte ibilaldiak: uztailaren 3an Iturrietako Mendiak, 24an Arkamu, abuztuaren 14an Labraza, irailaren 11n Azazeta, 25ean Cantoblanco eta urriaren 16an Arlaban. Manifestazio bat ere dute finkaturik urriaren 23rako, Gasteizen.

Rebelion por el Clima erakunde ekologisten koalizioko ehun bat ekintzailek ekainaren 21ean blokeatu egin dute Repsol multinazionalak Madrilgo Mostolesen hirian duen ikerketa zentroaren sarrera. Petrolio enpresa hori munduko krisi klimatikoaren arduradunetako bat gisa jo dute, eta erregai fosilen erauzketarekin, erretzearekin eta ekoizpenarekin lotutako jarduera guztiak geldiarazteko eskatu diote ekintza ikusgarri baten bidez. El Salto hedabidean argitaratu ditu argazkiak Minguitok.

Ingurumenaren Munduko Eguna dela eta, Gipuzkoako Ekologistak Martxan elkarteak urtero bezala 'Atila Saria' izendatu du Gipuzkoan ingurumena suntsitzen gehien ahalegindu direnen artean. 2021eko edizioan irabazlea Irungo Udala izan da, Bidasoa-Txingudiko estuarioaren gaineko hirigintza-presioa handitzeagatik, Txingudiko naturagune babestuaren kontserbazio-helburuak arriskuan jarriz.

1979ko ekainaren 3an hil zuen guardia zibil batek tiroz Gladys del Estal ekintzaile ekologista Tuteran, bilkura bakezale batean zela. Gaur, osteguna, Tuteran bertan omenaldia eskainiko dio Bardea Libre plataformak; eta larunbatean, Donostian gogoratuko dute Eguzki eta Gladys Gogoan taldeek.

Olatu artifizialak sortzeko azpiegitura Donostiako Antondegi mendian jartzearen aurkako sinadura bilketa abiatu dute sarean. Antondegi Berdea, olatuak itsasoan izeneko kanpaina abiatu dute orain zenbait aste hainbat eragilek.

Herbehereetako Lurraren Adiskideak talde ekologistak Shell petrolio-enpresa multinazionalaren aurkako epaiketa historikoa irabazi du. Auzitegiak klima aldaketaren errudun jo du, eta 2030erako isurketak %45 murriztera behartu du.

Itsas Enara eta Haritzalde elkarteek salatu dutenez, Gipuzkoako Foru Aldundiaren ardurapekoak diren obra batzuetan inguru horretako harizti bakarrenetakoa suntsitu dute.