ETB1eko magazin bat eten zuen zuzendaritzak, gonbidatuen mezuengatik
1994ko apirilaren 21ean,
ETB1eko magazin bat eten zuen zuzendaritzak, gonbidatuen mezuengatik. Joxerra Garziak aurkezten zuen hilean behin zuzenean emititzen zuten saioa, eta aldi hartan lau bertsolari gaztek hartu zuten parte: Maialen Lujanbio, Igor Elortza, Unai Iturriaga eta Jexux Mari Irazuk. Bertsolariek albiste kritiko moduko bat zuten prestatua, eta Iturriagak botatako “desinformazio gehiago orduero Euskadi Irratian” eta Irazuk dekoratu batean eginiko “Kalea gurea da. Ertzainik ez!” pintaketak zuzendaritzaren deia eragin zuten. Garziak saioa eten behar izan zuen, eta saioak sortutako kalapitaren erdian harrapatua geratu zen.
Iturria:
Urtzi Urkizu, ‘Kalea gurea da. Ertzainik ez!’, jarri zuen Jexux Mari Irazuk (Berria, 2024ko apirilak 19) + Urtzi Urkizu, Txoria hodei artean. ETB lehen eta gero (Berria, Jakin, Elkar).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
