Abdelkader pastorala egingo dute uda honetan Urrüstoi-Larrabilen eta hiru emankizun izango dira: uztailaren 25ean, abuztuaren 1ean eta abuztuaren 8an. Lau auzo eta herrietako 90 bat lagunek urtarrilean ekin zieten prestaketei, Covid19 pandemiak ez baitu pastoralaren antolaketa erraztu. Dena den, Jean Louis Davant herritarren obra taularatzen ari dira, Battitt Berogain errenjetaren zuzendaritzapean. Kanaldude Espeize-Undüreineko etxalde batean egin den mustraka batean izan da arizale batzuen lekukotasunen bila.