Historiak ahaztu nahi dituen pertsonaiak dira. Fama txarrekoak, behe-munduetakoak, tranpatiak, labana errazekoak, lapurrak, gezurtiak. Hitz batean: gaizkileak. Prentsak famatu egin zituen batzuk. Jack Destripatzailea. Bostongo Itotzailea. Rostoveko Harakina. Baina hemen, beharbada Juan Díaz de Garayo Sakamantekas-en salbuespena alde batera utzita, ez dugu gehiegi hitz egin izan “gure” gaizkile historikoez, duela gutxi arte behintzat.