ARGIA.eus

2022ko ekainaren 28a
ekitaldia
Janbattit Dirassar omendu dute Ziburuko 3. Euskal Liburu eta Disko Azokan
2022-06-08
Erreproduzitu bideoa
Janbattit Dirassar omendu dute Ziburuko 3. Euskal Liburu eta Disko Azokan

2022ko ekainaren 4an Ziburun egin den hirugarren Liburu eta Disko Azokaren hasiera ekitaldia da honakoa. Bertan Jamattitt Dirassar omendu dute euskaraz eginiko kazetaritza lanagatik eta literaturan utzitako lau liburuengatik (Hegiko Bordatik (1995), Bihotzeko mina (1997), Bele xuriak (2013), Herria irakurtuz, 100 lekukotasun (2018)).

Saria jasotzerakoan ez zuen hitza okupatu nahi izan, arrazoitzat emanik belaunaldi gazteari, hots, ondoan zeukan Amaiur Epher idazle gazteari lekua uzteko xedea. Baina, hala ere, ezin isilik egon; iraganeko mina ezin izan zuen gorde: “Bi hitz erranen ditut, eta frantsesez erranen ditut, ez bainekien nola itzuli... eta ez itzuli nahi ere, hitz itsusia baita! Hitz hori Anti da: Anti-basque. Haurra ginelarik eskolan jasan duguna da Anti-basque. Debekatzen ziguten gain-gainetik euskaraz hitz bat erratea. Behar da oroitarazi nondik ibiliak garen, nondik ibilaraziak gaituzten. Euskara arrunt debekatua baitzen eskolan; hitz bakarra erraten bagenuen euskaraz, zigortuak ginen. Barkatu bi hitz frantsesez erran izana, baina ez nituen euskarara itzuli nahi”.

Egilea(k):
ARGIA
Erlazionatutako bideoak
ekitaldi gehiago