A Coruñako (Galizia) Poetas Di(n)versos jardunaldietan entzun genuen, Reshma Rameshen aldamenean. Bakoitzak ordu erdiko errezitaldi bat eskaini zigun, Reshmak kannadaz eta ingelesez, eta Yaminik bere zazpigarren hizkuntzan, galegoz; hurrengo urtean argitaratzekoa duen poema-bildumaren zati bat izan zen han aditutakoa. Elkarrekin bi otordu egin, eta grabagailua noiz itzali asmatu ezina. Hori da Yamini elkarrizketatzea.