Agin Rezola

Zergatik niri?

2010-07-12 01:31:00 | Agin Rezola

Lehen aldia da futbol kronikak idazten ditudana. Zergatik tokatu zait Espainia munduko txapeldun egin den urtean? Zer izan nintzen lehengo bizitzan, hombrerak asmatu zituen diseinatzailea? Kalimotxoari kiwi zukua botatzea okurritu zitzaion tabernaria? Txankletekin galtzerdiak jantzi zituen lehen ingelesa? Zer egin dut nik hau merezi izateko?

Ez da mundial urterik izan aurten bezain txaketeroa izan naizenik. 7 talde ezberdinetako zale izan naiz eta hala ere galdu! Marka da eh? Baina utz ditzadan penak.  (Guztia irakurri)

Berriz brontzea

2010-07-11 00:27:00 | Agin Rezola

Aski ezaguna da Alemanian brontze kolorea ez dutela maite. Hemengo hondartzetan behintzat nik ez dut Aleman brontzeaturik ikusten. Denek dute azala gorria, galtzerdi zuriak eta sandalia marroiak. Urtetako moda da, Alemania 3. gelditzea bihurtzen ari den bezalaxe. 2006ko postua errepikatu du Alemaniak, Uruguairi 3-2 irabazita.  (Guztia irakurri)

Okerragoa izan daiteke

2010-07-08 01:19:00 | Agin Rezola

Ni bezala, Alemania zalea bazara eta erabakitzen uzten ez diguten artean, anti espainola, ulertuko duzu zergatik jarri dudan krespoi beltza. Ospakizunetan ari diren espainolek uler dezaten: crespón negro (Argentinan bazen Crespo handi bat, izenez Hernán, baina hura ez zen beltza).  (Guztia irakurri)

Semaforo laranja

2010-07-07 00:02:00 | Agin Rezola

Herbeheretan ez dakit haragia asko egina edo Godín jango duten, baina atzo Uruguaytarrak afaldu zituzten. Ez nahi bezain errez ordea. 17. minutuan, Van Bronckhorstek Hulken enpastea baino gogorragoa zen jaurtiketa batekin sartu zuen lehen gola, baina berdinketa ere jaurtiketa gogor batekin lortu zuen Forlanek. Beti lanerako zegoen For lan.  (Guztia irakurri)

Kaixo Tarragonatik

2010-07-04 00:57:00 | Agin Rezola

Gaur Saloutik agurtuko zaituztet, hemen, saloudatu litzatekeena. Gaueko 22:30etatik aurrera dena zen bozina hotsa, oihuak... dena zen zarata azken finean. Ez zegoen aguantatzerik!!! Eta zarata ere ez.

Alemania 4-0 Argentina. Messi ez zen azaldu eta hori asko eskertu zuen Alemaniak. Frantseses Messi beacoup litzatekeena hain zuzen.

Espainia 1-0 Paraguay. Oso partidu arraroa izan zen, baina ez Espainiak ez irabazteko adina.  (Guztia irakurri)

Egunero ez da inauteri

2010-07-03 02:00:00 | Agin Rezola

Herbehereak 2-1 Brasil. Felipe Meloren partidu negargarriak kondenatu zuen Brasil. Kritikak entzunda, “Melo esperaba” dio berak.

Uruguay 1-1 Ghana. Ghana ez zen izan hain Ghana, beraz... ez zen tan-ganarik izan partiduan.  (Guztia irakurri)

Greba orokorra

2010-06-30 23:57:00 | Agin Rezola

Paraguay 0-0 Japonia. Jende asko ezkontzen den modura sailkatu zen Paraguay final laurdenetara: penaltyz.

Espainia 1-0 Portugal. Greba orokorraren aitzakiak balio dit ez idazteko?  (Guztia irakurri)

Ezustekorik gabe

2010-06-29 00:43:00 | Agin Rezola

San Joan hauetan azterketa soziologiko bat egin dut eta konturatu naiz, Mundialeko eliminatoriak eta mutil gehienon parrandak antzekoak direla: beti espero da ezustekoren bat gertatzea, baina une garrantzitsua iristen denean... edo zu, edo ni... betikoak joaten dira etxera.

Herbehereak 2-1 Eslovakia. Tulipanek 2 gol sartu zituzten, baina mugimendu azkarragoak dauden cofee shopak ikusi ditugu Amsterdamen.

Brasil 3-0 Txile. Brasilek Txile globo terrakeoan bezain estu hartu zuen.  (Guztia irakurri)