ARGIA - Hegoafrika

Amaiera

Durban, uztailaren 15ean.

Aireportura noa. Horrenbestez hainbeste bizipen eta gogoetagai izan den herrialdea bere bidea egiten utziko dut. Horregatik, post honekin amaiera eman nahi nioke Afrikatik egunero izeneko atalari. Irakurleak zerbait berria ikasteko parada izan badu, asko poztuko nintzateke; hori izan da behintzat nire intentzioa.

Eskerrik asko irakurtzeaz gain, iruzkinak egin dituzuen guztioi. Plazer bat izan da banaka-banaka, denak irakurtzea.

Ongi izan eta beste bat arte.

Lander Arbelaitz

Zuluen lurraldean barrena (+ Diaporama)

Gora eta behera ibili naiz egun osoan. Literalki. Valley of Thousand Hills-en izan naiz, hau da, Mila Malden Bailaran. Kostako Durban hiri modernotik ordubete baino gutxixeagora, taxi elkarbanatuak konbinatuz iritsi naiz barnealdeko herri honetara. Ingurugiro zoragarrian, alde batera eta bestera erortzen diren penditzetan etxeak eraikiz osatutako herria da. Zuluak dira bertako biztanleak eta teknologia berriak hona ere iritsi diren arren, beren bizitzak ez du inolako zerikusirik hirian bizi den hegoafrikarrarenarekin.

Soweton barrena (Diaporama)

Batetik, azkenean hartu dut Soweton bildutako materialarekin diaporama egiteko tartea. Helburua, Sowetoz hainbeste hitz egiten entzun duen horri, mentalki irudikatzen laguntzea da.

Bestetik, aste honetan publikatu da paperean "Bakearen Irribarrea" erreportajea, webgunetik bertatik irakur dezakezue, edo bestela, PDFa irekitzeko aukera ere bada.

'Thank you South Africa'

Eskerrik asko Hegoafrika. Hala zioten kale-argiak iluminatzeko zintzilikatutako Sowetan egunkariaren lehen orriek. Herrialdearen sentimendu orokortua (hala esan badaiteke) ongi islatzen du titularrak.

Hegoafrikarren finala (Diaporama)

Hainbeste denbora honen zain, eta azkenea amaitu zaie Munduko Kopa hegoafrikarrei. Astelehenean berriz ere ikasleak eskolara itzuliko dira (sei asteko oporrak izan dituzte Munduko Kopagatik) eta langileak lantegietara. Munduko Kopa hau amets bat bezala izan da, eta horren lekuko gaur gauean finala ikusten bildu garen milaka pertsonak.

Zergatik niri?

Lehen aldia da futbol kronikak idazten ditudana. Zergatik tokatu zait Espainia munduko txapeldun egin den urtean? Zer izan nintzen lehengo bizitzan, hombrerak asmatu zituen diseinatzailea? Kalimotxoari kiwi zukua botatzea okurritu zitzaion tabernaria? Txankletekin galtzerdiak jantzi zituen lehen ingelesa? Zer egin dut nik hau merezi izateko?

Ez da mundial urterik izan aurten bezain txaketeroa izan naizenik. 7 talde ezberdinetako zale izan naiz eta hala ere galdu! Marka da eh? Baina utz ditzadan penak.

Kapitalaren kolorea

Bueno bukatzear dago. Hegoafrikak frogatu du fundamentuzko nazioa dela eta gai dela edozein ebento antolatzeko, baita mundu guztiaren begiradak gainean izanen dituen Munduko Txapelketa. Gaur (ez dezala Españak irabazi) kamerak desagertuko dira eta Hegoafrika zena geldituko da: populazioaren % 40 pobreziaren mugan bizi den nazioa, biolentziaz beterikoa, milaka errefuxiatu hartu eta baztertzen dituena, emakumeen kontrako biolentzia gora doana, kaletan lasai toki gutxitan ibil daitekeen nazioa.

Berotzen

Ari gaituzte. Marka guztiak hautsi behar omen dituzte finalarekin. Historikoa. Alemaniaren kontrakoak Telecincok inoizko % 80ko audientzia lortu baldin badu, (zifra ofizialduak dira hauek) hamalau miloi ikusletik goiti, iganderako olagarroaren laguntzaz harrapatuko duena orain bi urteko Eurokopako finalarena txiki txiki egin behar du, eta lehiaketa hartan Italiaren kontrako penaltien garaian izandako hamabost milioi eta erdikoa ere bai.

Suak sortutako kea

Keamogetswe Mothapo “Kea”-k 21 urte ditu eta Pretoria kanpoaldean dagoen Mabopane auzunean bizi dira anaia eta biak, aitonarekin. Ama orain hamar urte hil zitzaien eta aita beste auzune batean bizi da. Pronostiko guztien aurka, Kea ingeniaritza informatikoa ikasten ari da. Durbanera bi aste pasatzera etorria da, lehengusuaren etxera.

Berriz brontzea

Aski ezaguna da Alemanian brontze kolorea ez dutela maite. Hemengo hondartzetan behintzat nik ez dut Aleman brontzeaturik ikusten. Denek dute azala gorria, galtzerdi zuriak eta sandalia marroiak. Urtetako moda da, Alemania 3. gelditzea bihurtzen ari den bezalaxe. 2006ko postua errepikatu du Alemaniak, Uruguairi 3-2 irabazita.