Istilu handiak izan ziren Derryn, Irlanda iparraldean
1969ko abuztuaren 12an,
Istilu handiak izan ziren Derryn, Irlanda iparraldean. Beste lekuetatik joandako unionistek nagusiki errepublikanoa zen Bogside auzoan egindako martxaren aurka oldartu ziren auzokideak. Polizia britainiarrak errepublikanoen aurka kargatu zuen eta istilu latzak hasi ziren orduan. Beste hiri abertzaleetan protestarako deialdiak egin ziren, Derry laguntzeko, baina unionistek matxinada orokorrerako seinaletzat hartu zuten deialdia. Poliziak tanke eta metrailetekin erantzun zuen, eta Belfasten, adibidez, bere etxean lo zegoen bederatzi urteko haur bat hil zuten. Kaleek su hartu zuten hurrengo egunetan, eta armada britainiarrak okupatu zituen bi hiriak. Gertaera hauek jotzen dira Irlanda iparraldeko Troubles delakoen hasieratzat.
Iturria:
Brian Feeney, A short story of the Troubles (The O’Brien Press).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
