ETAk Yoyes hil zuen Ordizian, ETA m-ko buruzagia izandakoa
1986ko irailaren 10ean,
ETAk Yoyes hil zuen Ordizian, ETA m-ko buruzagia izandakoa. Dolores Gonzalez Katarain zuen izena eta Argalaren hilketaren ostean, gaindituta, erakundea uztea erabaki zuen 1979an, Komando Bereziak adar militarrean integratuta irabazten ari ziren boterearekin deseroso. 1980an Mexikora joan zen eta 1985ean Euskal Herrira itzuli, diskrezioz itzuli ere. Prentsa espainiarrak, baina, aireratu zuen bere itzulera, ETA ahuldu asmoz birgizarteraketaren sinbolo bilakatuta. ETAren inguruan Yoyesen aurkako iritzia gailentzen ari zen, irtenbide pertsonala hartzeagatik traidoretzat hartuta, eta bere adiskide Txomin Iturbe ETA barnean indarra galtzen ari zela baliatuta bere aurkako ekintza prestatu zuten. Ordiziako euskal jaietan hil zuten tiroz, bere semearen aurrean.
Iturria:
Iturria: Emilio Lopez Adan, Borroka armatua Euskadin. 1967-2011. Bigarren liburukia, 1981-1990 (Maiatz).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
