ARGIA.eus

Itzulpen automatikoa / Machine translation

Erreproduzitu bideoa
Web Telebistak > Dapa
SO (Amorante & Los Sara Fontán) | Dapa 34
2023-06-19

Nahaste-borrastea. Astoaren arrantzak elkarrizketa mozten dizu batzuetan, izorratu beharrean solasaldia aberastuz. Antzeko zerbait gertatzen da Iban Urizar, Sara Fontán eta Edi Pou a.k.a. Amorante & Los Sara Fontán lau horma artean batzen dituzunean. Sartuko dizkizute perkusioak, tronpetak, txintxarriak, soinu testurak, sampler-ak, bibolinak, mugikorreko bideoak... Nahastuko dizkizute bizi gaituen munduaren zaratak, "Maritxu nora zoaz" eta New Orleanseko doinuak. Jerarkiarik gabe, jolasa ardatz hartuta. Sortuko dizute nahaste-borraste handi bat.

Azpeitiko Dinamoan eta Kataluniako Convent-Strava espazioetan egin zuten sormen egonaldi bana, eta Sanagustin kulturgunean aurkeztu zuten, pasa den maiatzean, nahaste-borraste handi eta zoragarri hau.

?Informazio gehiago Dinamoaren webgunean aurkituko duzue: https://dinamoa.eus/dapa/