Martxoaren 6an egingo du Euskal Herriko Emakumeen Mundu Martxak V. Nazioarteko Ekintzaren amaiera ekitaldia, Irun eta Hendaia artean. Azaldu dutenez, "planteamenduan hainbat aldaketa egin ondoren, mugen eta transnazionalen kontrako mobilizazioa deitzea" erabaki dute. Alarma-egoeraren segurtasun neurriak beteko dituztela nabarmendu dute eta joateko asmoa dutenei aurrez izena emateko eskatu diete eta autobaimenerako inprimakia bidaliko diete.

Joan den urtean bertan behera utzi behar izan zuten,eta aurten osasun neurrietara egokitutako jaialdia prestatzen ari dira. Uztailaren 2, 3, eta 4an izango da. Lekurik ez dute zehaztu oraindik.

Bilboko zortzi ikastetxek karpa jartzeko eskaera egin diote Udalari. Pandemia dela-eta, herri ugaritan karpez hornitzen ari dira ikastetxeak, egun euritsuetan ere aire zabalean aritzeko; Eusko Jaurlaritzak finantzatzen dizkie gainera udalei karpa hauek. Baina Bilboko Udalak ezetz esan die eskaera guztiei, ez du karparik nahi ikastetxeetan. “Argi dago hezkuntza komunitatearen eskaerak ez direla Udal honen lehentasun”, kritikatu dute BIGE Gurasoen elkartetik.

COVID-19aren aurkako txertoa, Kuban bertan diseinatu eta fabrikatua, doan emango zaie bisitari guztiei.

Espainiako Estatuak azken hamarkadetan nozitu duen hondamendi ekonomiko handienaren erdian bertan desberdintasun ekonomikoak gora egiten ari dira. Oxfamek Davoseko foroaren testuinguruan argitaratutako txostenak erakusten du 2020 urtean Espainiako Estatuko mila milioidunen kopuruak gora egin zuela 26 izateraino eta hauen ondarea %33 igo zela urte bakar batean. Txanponaren beste aldean, bere lana edo negozioak galdu edo narriatzen ikusi duten pertsona ugari daude. Eta lehendik ere oso zabaldua... [+]

Aurten, otsailaren 16an genuen astearte ihauteri. Aspaldiko usaia dugu ihauteriak ospatzekoa gure gizartean. Sinbolikoki, ekitaldi artistiko erritualizatuari esker, garai horretan gain azpiz ezartzen dira bata eta bestearen rol sozialak, epaitzen eta kondenatzen dira justizia arruntak hunkitzen ez dituenak, autokritika zorrotz bezain alegera egiteko parada ezin hobea dugu ere. Toki frankotan, suaren bidez garbitzen dira urteko nahigabeak eta izadiaren iratzartzearekin batean, hatsa berriz... [+]

Kuba COVID-19aren kontra prestatzen ari den lau txertoetatik aurreratuena, 'Soberana 02' izenekoa, martxoaren 1ean sartuko da proba klinikoen 3. fasean, produktua merkaturatu aurretik bete beharreko azkenean. Biocubafarma dagoeneko hasi da txerto hori era masiboan ekoizten.

Covid-19aren aurkako txertaketa hasi zenetik hona baztertuta sentitu direla salatu du anbulantzietako langileen gehiengoak. Elkarretaratzea egin dute asteartean Lakuan, ELA, LAB, UGT, CCOO, USO eta CNT sindikatuek deituta. Ekitaldia amaitu eta gero, grebarako deia zabaldu dute martxoaren 5erako.

Errusiako Unibertsitateko ikertzaileek azaldu dutenez, genetikoki determinatuta dago zelulek COVID19aren aurrean immunitatez erantzuteko duten gaitasuna. Zeluletan immunitatea sortzearen arduradunak diren antigeno leukozitario molekulak (HLA-I) sei dira, eta haien osaketa bakana da gizaki bakoitzean, eta aurrekoengandik jasotzen da. "Gure ikerketan frogatu dugu HLA zehatza duten norbanakoek arrisku handiagoa dutela COVID-19 larri pasatzeko. Era berean, badira genotipo 'indartsu'... [+]