Bizi soziala berriro hasten denean jakingo dugu
Zientzia politika publiko bihurtzen den modua kalkulu politiko eta ekonomikoek gidatzen dute, baita politikariek, alderdiek eta aholkulariek dituzten konpromiso moral eta ideologikoek ere”. Hala zioen Jana Bacevic soziologoak 2020ko apirilean The Guardian-en.
Denok ikusi ahal izan dugu zertan dautzan konpromiso moral eta ideologiko horiek: desgastea ze administraziok edo gobernuk pairatu; oposizioa neutralizatzen ahalegindu; zerbait egiten ari delako plantak egin... Hitz bitan, jesarlekua zaindu, “zientzia” berba ahoan barra-barra ibilita ere.
Beldurra izan zen hasieran, gaixotasunari eta kudeatzen ez genekien egoera ezezagunari. Nekeak jarraitu zion gero. Azkenik, haserrea hasi da zabaltzen, euren betebeharretan huts egiten jarraitzeko asmo tinkoa erakutsi diguten agintariekiko haserrea.
"Ditxosozko pasea zirrikitu eta bidezidorra baino ez da trataera medikoetan azken hitza pazienteak daukala dioen legea urratzeko. Aurrekari benetan arriskutsua"
Aztikerren COVID-19aren kontrako neurriak. EAEko herritarren iritziak eta pertzepzioak inkesta irakur dezala kontseilariak “teklak” aurkitzeko. Seguruenik ez zuten espero herritarrok zientzialariei adiago egotea euren berritsukeriari baino. Zeren eta euren ardura nagusia, zentzu-izpi ñimiño bat duen edonork esango liekeen bezala, osasun arazo baten aurrean, osasun sistema sendotzea baita.
Hainbesteko kezka daukate gure osasunarekin, ezen lehenbiziko neurria arretarik ez ematea izan baitzen. House doktorearen estilora “izorra zaitezte, gaixotxook” esatea falta izan zuen Sagarduik. Honen ostean, neurri murriztaile eta amorragarri gehiago. Euren inkonpetentzia estaltzeko ahalegin traketsa, baina beste kolpe bat gure osasun mentalean. Aurten inoizko suizidio tasarik handiena izan da Estatuan, baina ba al zenekiten hazkunderik handiena EAEn izan dela? Urkulluk bai.
Eta utzidazue pare bat berba esaten COVID paseaz. Txertoen kontrako lagun batzuk badauzkat. Luze eztabaidatu izan dugu. Ez gara sekula ados jarriko eta jakin badakigu. Baina benetan oker daudela uste arren, behartzea eta xantaia ez direla bidea askoz sakonago nago sinistuta. Eta are garrantzitsuagoa, ditxosozko pasea zirrikitu eta bidezidorra baino ez da trataera medikoetan azken hitza pazienteak daukala dioen legea urratzeko. Aurrekari benetan arriskutsua.
Omikron aldaera Gabonetako opari moduan ikus genezakeen, immunitatea areagotzeko bitarteko moduan, urtero harrapatzen ditugun beste koronabirusen antzeko bihurtzeko pausoa. Infekzio tasa itzelezkoa da, bai, baina gehienetan koadro oso leunekin. Areago txertoa edo botika prebentibo hori hartuta bagaude. Eta egon bagaude, xantaiarik gabe.
Honek guztiak ez du esan nahi tentuz ibili behar ez garenik, neurri eraginkorrekin, ahal dela. Baina batez ere adierazten du agintariek euren lana bete behar dutela. Zer uste zuten esaten ari zirela talde immunitateaz hitz egitean edo gaitzarekin batera bizitzen ikasi behar genuela ziotenean? Bide horretan inor ez zela gaixotuko?
Triunfalismoa ez da komenigarria, baina errealitatea ezkutatzeak eta herritarrak beldurtzen ahalegintzeak itzelezko kutsapen datuekin, aurreko egoeran bageunde eta ondorioak berdinak balira bezala, helburu politiko ondo ilunei erantzuten diela pentsarazi diezaioke edonori. Edo, bestela eta besterik gabe, agintekerian eroso daudela.
BMJ aldizkari medikoan argitaratutako Pandemiaren amaiera ez dute telebistatik emango artikuluan diotenez, pandemiaren bukaera ez dute adierazleek jakinaraziko, ez baikara sekula zerora helduko. Bizi soziala berriro hasten denean jakingo dugu amaieraz.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
“Hauxe titulu bitxia” erranen du aspaldian leitzen nauen ARGIAko irakurleak. Jakingo du halaber Stanley Kubrick zinegilearen azken filmaren zale amorratua naizela. Horrek hura esplika dezake. Funtsean, begiak zabal itxita begiratzen diogu munduari, bereziki Gazako... [+]
Badirudi Europar Batasuna eskalada beliko betean sartu dela. Munduaren ordena geopolitikoa kolokan dabil eta Europak bertan zuen pribilegiozko lekua galtzeko arriskua ikusi du. Autonomia estrategikoaren lemapean, beste neurri askoren artean, industria armamentistikoa... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]