Guardia Zibilak ETAko bi kide hil zituen Hernanin, granada bat botata etxebizitza barrura

Duela
40
urte
Polizia operazio erraldoia Hernanin. Punto y Hora

1984ko ekainaren 15an,

Hernani borroka eremu bilakatu zen. Goizaldean Guardia Zibilak ETAren Adarra komandoa-ren aurkako operazioa abiatu zuen, beste kide batzuek torturatuta, zein etxebizitzatan lokalizatu jakin ostean.

Galindoren aginduetara, Poliziak eraikina inguratu eta parean zuten etxetik ere tiro egiten zieten. Tiroketa handia hasi zen, beren etxebizitzatik tiroka erantzun baitzieten Juan Luis Lekuona Elorriaga Katu eta Agustín Arregi Perurena Txuria-k. Azkenik, barrura granada bat bota zieten eta kiskalita hil zituzten bi ekintzaileak.

Kalean, tiroketa entzun ostean, herritarrek aurre egin zieten guardia zibilei, eta bi gorpuak guztiz erreta ateratzen ikustean asaldura zabaldu zen Hernanin, istiluak eraginez. Arregiren hilkutxa Hernaniko udaletxeko osoko bilkuran jarri zuten eta hilerrian Poliziak berriro kargatu zuen bertaratutakoen aurka.

Kortatuk Hernani 15-VI-84 abestia egin zuen gertaera hau oinarri hartuta.

Nafarroa kaleko etxebizitza horretan hil zituzten ETAko bi kideak. Punto y Hora
Horrela geratu zen etxebizitza barrutik. Punto y Hora
Zauritua izan zen guardia zibil batek paretan hori idatzi zuen. Punto y Hora
Hildako Arregi eta Lekuona Punto y Hora
 Punto y Hora
Hernaniko jaiak tentsio handiz bizitu zituzten. Irudian, udaletxean pankarta bat eta ikurrina jaitsita dolu gisa. Punto y Hora
Garai hartako Punto y Horaren azala.

Iturria:

Joseba Zabalza, Gogoan hartzeko izenak. (Euskal Memoria Fundazioa).

Urte hau historian: < >
Berrienetik Zaharrenetik

Hilabete honetako urteurrenak:
|
Berrienetik Zaharrenetik

Duela
100
urte
Duela
270
urte
Duela
825
urte