Errenteriako jaien hasiera lehertu zuten kalez jantzitako poliziek
1983ko uztailaren 21an,
Kalez jantzitako poliziek Errenteriako jaien hasiera lehertu zuten herritarrak jipoituz. Txupinazorako zain, 1.000 lagun inguru bilduta zeuden udaletxearen aurrean.
PSOEko alkate José María Gurruchagak iragarria zuen Espainiako bandera jarriko zuela udaletxean eta HBk protesta deitua zuen aurrean. Arratsaldetik kalez jantzitako 60 bat poliziak hartua zuten plazan lekua, eta txupinazorako minutu gutxi falta zirela, herritar ugari eta agenteak hika-mikan hasi zirenean azken hauek indiskriminatuki hasi ziren herritarrak jipoitzen. Herritarren artean izugarrizko haserrea eragin zuen makil eta grilleteekin adin guztietako oreretarrak jotzen zituzten polizien irudiak.
Alkateak polizien eta PSOEko zinegotzien konpainia hutsean bota zuen itxaferoa. Herriko danborrada askok desfilea bertan behera utzi zuten, eta desfilatu zutenek ibilbidea aldatu zuten udaletxe aurretik ez pasatzeko.
Egun hartan gertatutakoez sakontzeko, irakurri Oarsoaldeko Hitzan Ikerne Zaratek eginiko erreportajea: Indarrez ezarri zuten ikur arrotza.
Iturria:
Policías de paisano aterrorizan a la población en Renteria (Egin, 1983ko uztailak 22).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
