Marieneko auzipetuen kontrako zigorra 8.742 eurotara emendatu die Dei Auzitegiak
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.
Marieneako laborantza lurren alde egindako desobedientzia ekintza batengatik epaitu zituen Baionako Auzitegiak iazko maiatzean Ostia kolektiboko lau militante, zigor gisa 500 euroko isuna emanda, gibelapenarekin, eta Bouygues enpresari 5.000 euroko kalte ordainak ematera behartuta. Bouygues promotoreak epaiaren kontrako helegitea jarri zuen, auzipetuei 44.000 euroko kalte ordainak eskatzeko. Orain, Bouygues promotorearen eskaerak ontzat eman ez baditu ere, emendatu egin du zigorra Paueko Dei Auztegiak: Ostia kolektiboko lau auzipetuek 8.742 euro ordaindu beharko dizkiote Bouygues enpresari eta beste 2.000 euro ere abokatuen gastuentzat.
Gogorki salatu dute epaia: "Jazarpen judizial horren helburua da, argi eta garbi, militanteen eta haien sostenguak beldurtzea eta erresistentzia etsiaraztea". Ostiak elkartasun kutxa sortu du, "modu kolektiboan aurre egin ahal izateko kostuei".
Bouyguesek Kanboko Marienea lurretan eraikitzekoak dituen higiezinen harira, Ostiako zenbait militantek desobedientzia ekintza burutu zuten 2022ko abenduan, promotoreak Angelun duen agentzian sartu eta Marieneako proiektua irudikatzen duen maketa lurrez eta lastoz zikinduta. Lur horiek laborantzarako atxikiak izatea nahi du Ostia kolektiboak, baita beste egitura andanak ere –ELB, Lurzaindia, Kanboko Udaletxeko posizioko taldea, EHZ eta beste–.
Manifestazioa larunbatean
Larunbat honetan Marienean egingo duten barazki landaketara batzeko deialdia luzatu dute ELB, Lurzaindia eta Ostia sareak. Ez da barazkien landaketara mugatuko den zerbait izango, egun guztiko egitaraua antolatu dute. Goizeko 11:00etan, bi manifestazio abiatuko dituzte Kanbotik eta Itsasutik (Lapurdi), Marieneko lurren osotasuna bi herrien artean banandurik delako, eguerdian ekitaldi politikoa eta ondoren dute landaketa herrikoia eginen.
Marieneko lurrak "lekuko eta kalitatezko mozkinak" eman ditzakeela diote higiezinak eraikitzeko proiektuaren aurkakoek, eta hori, "ingurugiroa errespetatuz" eta "kontsumitzailekin harremanetan" landuta.
Gaur, maiatzak 15, San Ixidro da, Baserritarren Eguna. Egurra Ta Kandela baserritar ekintzak salatu du ekologikoan lan egiten duten laborariak landutako azalera handitzeko diru-laguntzatik kanpo utzi dituela Gipuzkoako Foru Aldundiak. Horregatik, 12:00etan Aldundiaren aurrean... [+]
Izenak, berez, ez du izana gordetzen. Papera ez da nahikoa, nahiz eta paperak denari eusten dion. Busti arte. Halaxe gertatu da Gipuzkoako Foru Aldundiko Lurralde Oreka Berdeko Departamenduarekin. Izan ere, izenak gorde beharko lukeen izanari uko egin dio; besteak beste, 2023ko... [+]
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Ekolurrak irailaren 23a, Europar Batasuneko Nekazaritza Ekologikoaren Eguna, aprobetxatu du tresna berria aurkezteko. Elikagai ekologikoak kontsumitzeko erraztasunak eman nahi dizkie herritarrei, Sareko bilatzailearekin: Araba, Bizkaia eta Gipuzkoako ekoizle ekologikoen 269... [+]
Haziak nola egin azaltzen duen jakintza praktikoa eta hazietan datzan ikuspegi politikoa. Biak uztartu dituzte Haziak liburuan Miguel Arribas Kelo-k eta Marc Badal-ek. Hamaika auzi baitaude jokoan hazi bakoitzean: biodibertsitatea vs estandarizazioa, autonomia vs menpekotasun... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.
2011n abiatu zuten Lekorneko Garroko Etxaldean laborantza biologikoko proiektua: “Lurrak Herriko Etxearenak ziren, eta bertako eta Herri Elkargoko hautetsiek sortu zuten proiektua”, azaldu du Argitxu Ithourria kideak. Laborantza biologikoa bultzatzeko helburuz abiatu... [+]
Nekazaritza eta abeltzaintza “errotik” aldatzeko trantsizio agroekologikoaren aldeko elkarretaratzea eginen dute, hilaren 16an, Gipuzkoako Foru Aldundiaren egoitzaren aurrean.
Miriam eta Igone Saldias ahizpek baserriari eta familiako proiektuari eusteko apustua egin dute. Berrobiko Soronea baserrian barazkiak ekoizten dituzte eredu ekologikoan, eta Tolosako Soronea dendan saltzen, modu zuzenean.
EHU buru duen ikerlan batek Osakidetzan bertako elikagai jasangarriak erabiltzeko beharrezko diren hamairu erronka eta 30 ekintza plan zehaztu ditu. “Elikagaien Erosketa Jasangarrirako Estrategia Osakidetzako Ospitaleetan, Euskal Osasun sisteman elikadura sistema... [+]