Haurrek hobeto ikasten dute irakurtzen eta idazten eskuz idatzita trebatzen badira
EHUren ikerketa batean, haur batzuk arkatza eta beste batzuk teklatua erabilita jarri dituzte idazten. Helburua zen jakitea ea irakurtzeko eta idazteko ikasketa-prozesuan alderik badagoen. Emaitza argia atera dute: haurrek eskuarekin egindako mugimenduen bidez ikasten dute hoberen.
Joana Acha EHUko ikertzaileak gidatu du ikerketa eta gomendio argia eman du emaitzak ikusita: irakurtzen eta idazten ikasteko eskuzko praktikak lehenetsi behar dira. Achak grafomotrizitateak duen garrantziari erreparatu nahi izan dio, alegia, irakurtzerakoan eta idazterakoan eskua asko edo gutxi mugitzeak nolako eragina duen aztertu nahi izan du. Gaur egun hainbat ikastetxetan irakurtzen eta idazten ikasteko baliabide informatikoak erabiltzen dituzte. Ordenagailuaren teklatua erabiltzen denean, hizkiaren forma ez da trazatzen eta, beraz, grafomotrizitatea baxua da. Eskuz, berriz, mugimendua handia da. Achak ondorioztatu du eskuarekin egindako mugimenduen bidez hobeto ikasi dutela ikerketan parte hartu duten haurrek.
5 eta 6 urteko 50 haur hartu dituzte, hain zuzen ere adin horretan hasten direlako irakurtzen eta idazten ikasten. Alfabeto georgiarreko eta armeniarreko bederatzi hizki, eta horiek konbinatuz asmatutako hamasei sasihitz irakatsi dizkiete. Erdiei eskuz egitea eskatu diete eta beste erdiak teklatuaren aurrean jarri dituzte. Hizkiak eta hitzak irakatsi ondoren, horiek identifikatzeko, idazteko eta ahoskatzeko gaitasuna neurtu dute. Talde batekoen eta bestekoen arteko alde handienak sasihitzetan antzeman dituzte; ordenagailuz ikasi duten ia guztiek hizkien sekuentziei lotutako ariketak gaizki egin dituzte.
Beste aldagai bat ere erabili dute ikerketan. Eskuz aritu direnen artean bi talde egin dituzte. Batzuk orri zurian aritu dira idazten, eta besteek berriz, markatutako gidak eduki dituzte haien gainean hizkiak idazten laguntzeko. Ordenagailuan aritu diren umeen artean ere bi talde egin dituzte. Batzuek beti tipografia bera erabili dute eta beste taldekoei tipografia bat baino gehiago erabilarazi diete. Arkatzez aritu direnek ordenagailuarekin aritu direnek baino emaitza hobeak lortu dituzte, eta orri zurian, libre, idatzi dutenek hobeto ikasi dute markatutako gidak erabili dituztenek baino.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
Herri txikiak bizirik dauden eremuak direla eta bizirik jarraitzeko herriari begiratuko dion eskola gakoa dela aldarrikatuko dute, aurten ere, Gipuzkoako Eskola Txikien Festan. Ekainaren 8an ospatuko dute, igandean, Ezkio-Itsason, landa guneko herri txikiak hezkuntzarako zein... [+]