Behauzeko (Nafarroa Beherea) Isakenia etxaldean hazia da Amaia Elichiry laboraria, eta umetatik izan du laborari munduarekin lotura estua. “Gurasoak ahuntz hazleak ziren, laborantza biologikoan, eta nik ere gaztetatik izan nahi nuen laborari, baina landareak eta fruituak nituen biziki gustuko”, azaldu du. Hazparnen bi urteko formazioa egin zuen baratzegintza biologikoan, eta segidan bi urtez Garroa etxaldean aritu da baratzean lanean, bere burua lan horretan benetan ikusten ote zuen... [+]