Nekazaritza eta abeltzaintza “errotik” aldatzeko trantsizio agroekologikoaren aldeko elkarretaratzea eginen dute, hilaren 16an, Gipuzkoako Foru Aldundiaren egoitzaren aurrean.
Elikadura osasuntsua izateko eskubidea, betebehar “burokratikoak" eta merkataritza libreko itunen amaiera, elikagai sistemikoen debekua, nekazaritza eta abeltzaintza “errotik” aldatzeko trantsizio ekologikoa emateko premia, eta beste aldarrikatu dituzte Egurra ta Kandela baserritar ekintza kolektiboko kideek. Gipuzkoako baserritar agroekologikoez osaturiko kolektiboak elkarretaratzea eginen du, ostiralean, 12:30ean, Gipuzkoako Foru Aldundiaren egoitzaren aurrean, Donostian.
Gaur egungo eredu agroindustrialari kritika egin diote, eta besteak beste, nabarmendu dute merkataritza libreko itunek “gupidarik gabe” nekazarien arteko lehia sustatzen dutela, “azalera handiko” supermerkatuen eta elikagaien banaketa “oligopolioa” dela, eta nekazariek ez dutela erabakitzeko esku hartzerik.
Eredu agroindustrialari kritika egiteaz gain, Gipuzkoako instituzioen nekazaritza politikak ere kritikatu dituzte: “Gure proposamenak gutxiesten dituzten neurri berean, eredu industrialaren zutabeak dira”. Kolektiboko kideen arabera, erakundeek ezarritako “eskakizun burokratikoek” nekazariak itotzen dituzte eta familia eredua alboratzen dute: “Elikagai sintetikoen industria bultzatzen dute eta nekazaritza makro proiektuetan diru publikoa gastatzen dute”.
Larrialdi klimatikoarekiko kezka ere adierazi dute, eta horrek eragindako “ur eskasiak” eta “klima ezegonkortasunak” kalte “handiak” eragiten dizkietela.
Horregatik, uste dute agroekologia dela “desastre ekologikoari” irtenbidea eman, eta kapitalismoaren krisiari “hobekien” aurre egin dion eredua; “lan duina” eskaini, bertako kontsumoa sustatzeko zirkuituak sortu, ekoizle txikien kontsumo taldeetan edota kooperatibetan sareak josi eta baserritarren azokak indartuko dituena.
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.
2011n abiatu zuten Lekorneko Garroko Etxaldean laborantza biologikoko proiektua: “Lurrak Herriko Etxearenak ziren, eta bertako eta Herri Elkargoko hautetsiek sortu zuten proiektua”, azaldu du Argitxu Ithourria kideak. Laborantza biologikoa bultzatzeko helburuz abiatu... [+]
Miriam eta Igone Saldias ahizpek baserriari eta familiako proiektuari eusteko apustua egin dute. Berrobiko Soronea baserrian barazkiak ekoizten dituzte eredu ekologikoan, eta Tolosako Soronea dendan saltzen, modu zuzenean.
EHU buru duen ikerlan batek Osakidetzan bertako elikagai jasangarriak erabiltzeko beharrezko diren hamairu erronka eta 30 ekintza plan zehaztu ditu. “Elikagaien Erosketa Jasangarrirako Estrategia Osakidetzako Ospitaleetan, Euskal Osasun sisteman elikadura sistema... [+]