Agroekologiako Egurra Ta Kandela kolektiboak mendia eta landa-eremua defendatzeko deia egin du
Apirilaren 17 Nekazarien Borroken Nazioarteko Eguna dela baliatuz eta “Egurra ta Kandela” izenpean, Gipuzkoako baserri agroekologiko batzuek dekalogo bat plazaratu dute. Hemen dago irakurgai eta atxikimendua emateko aukera dago berau sinatuta edo egurratakandela@gmail.com helbidera idatzita.
aurre egingo dieten hedabide independenteak
Dekalogo horretan, baserri agroekologiko horiek adierazi dute dagoeneko pairatzen ari direla klima aldaketaren ondorioak. Klima aldaketaren jatorria “gizakiok naturarekiko dugun harremanean” dagoela azaldu dute, haien hitzetan, natura “gure nahieran ustiatzeko dagoen plaza” moduan ikusten baitugu. “Baliabideen xahuketaren” ondorioz, “eskasia” pairatzen ari garela oroitarazi dute: gasolioa, gasa, mineralak... “Krisi ekosozialaren aurrean” egin behar dena “mundua ikusteko, pentsatzeko eta sentitzeko era” aldatzea dela diote: “Heldu behar dugu irudikatzera ongizate material gutxiagorekin, orain bezain ongi edo hobeto bizi ahal garela. Munduko mugak, eta bakoitzarenak, onartzea besterik ez zaigu gelditzen; onartu eta horiekin bizi eta lan egin”.
“Eten egin behar dugu mendia eta landa-eremuaren industrializazioa”
Azpiegitura “erraldoiek” krisia areagotu egiten dutela salatu dute eta “espazio naturalak behar-beharrezkoak ditugula egun geure burua elikatzeko eta babesteko, eta zer esanik ez ondorengoek, kontuan izanda klimaren aldaketaren lehen zantzuak baino ez ditugula ikusi”.
Horretarako, “politika eta estrategia eraginkorrak” bultzatzearen alde egin dute: “Pertsonek izan behar dute neurria eta ardatza; eta lortu beharko lukete komunitateek elikadurarako, osasunerako eta hezkuntzarako eskubideak ziurtatuta izatea”. Elikadurarako eskubidea ziurtatu ahal izateko, politika publikoek “ezinbestean jendea baserrietara eta lurrera bueltatzea” ahalbidetu behar dutela exigitu dute.
“Nekazaritza eta abeltzaintza agroekologikoak babestu eta bultzatu behar dira”
Nekazaritza eta abeltzaintza agroekologikoak babestu eta bultzatu behar direla defendatu dute, “eredu agroekologikoak bakarrik aukera ematen duelako lurrarekin, animaliekin eta pertsonekin bat eginez lan egin eta bizitzeko; beti ere natura errespetatuz”.
Horren aurrean, “tamaina handiko eta hiperteknologizatutako baserriak alboratu” behar direla diote eta “baserri txiki anitz –jarduerei eta saretzeari begira– asko bilatu”.
“Ez gara enpresariak, langile baserritarrak baizik”
“Gure herrikideak elikatzeko konpromisoa dugu” berretsi dute; “komunitatea eraldatzeko ekarpena egiten dugu, kide guztiok ongi bizitzeko”. “Baserriaren espazioek inguruko biodibertsitatearen laguntzailea eta parte izan behar dute” Egurra Ta Kandela kolektiboaren hitzetan, eta lan egiteko moduaz zera adierazi dute: “Teknologia eta makineria neurriz erabiliz, jakinda pertsonak izan behar duela baserriaren neurria”.
Baserria “munduan egoteko modu bat” dela azaldu dute: “Baserria, euskara eta kultura bereizi ezinak dira. Hirurek, beste batzuekin batera, osatzen dute lur eremu honetan pertsonek, belaunaldiz belaunaldi, eratu duten munduan egoteko modua”. Munduko beste nekazarien borrokekin eta Euskal Herriko beste borrokekin harremanetan egonda baserri mundutik ekarpenak egiteko nahia adierazi dute: natura-taldeak, langileak, kultura, euskara, feminismoa...
Amaitzeko, baserria, mendia eta landa-eremua defendatzeko deia egin dute: “Sinergiak eratu behar ditugu gure jendarteko bestelako taldeekin; izan ere, horien defentsan lan egitea komunitate osoaren defentsa egitea da”. Eta maiatzaren 16an 11:00etan BEC atarian egingo duten mobilizazioan parte hartzeko gonbidapena zabaldu dute.
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
HoBBea proiektua hiru elkarte hauek elkarlanean egina da: Biharko Lurraren Elkartea (BLE), Biolur eta Hazialdeko. Nekazari-okinaren figura indartu nahi dute HoBBea proiektuaren bidez, eta lurraldeko ogi ekologikoa kontsumitzearen balioak eta onurak ezagutarazi nahi dituzte... [+]
Hau idazten ari naizela, kanpaina bukatzear dugu. Datorren astelehenean jetzaldi batera pasako gara. Horrek esan nahi du hiru egunetik behin egingo dugula gazta, eta gaztek izango dituztela bospasei kilo. Uztailaren bigarren astean edo utzi egingo diogu gazta egiteari.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Maiatzaren 10ean Zestoako iraeta auzoan kokatuta dagoen amillubi proiektuan elkartu ziren elikadura burujabetzaren aldeko herritarrak eta laborariak. Udaberriko Festaren bigarren edizio honetan, goizean bi mahai-inguru antolatu zituzten eta entzulez bete zen amilibia baserri... [+]
Uda da sasoirik oparoena baratzean. bai, behintzat, udaberrian ereintza eta landaketa lanak egin badira. iazko uda ez dadila errepikatu desio dute elikagaiak lurrean eta zeruari begira lantzen dituzten laborariek. Izan ere, batez beste %45 uzta txikiagoa jaso zuten. Datu hori... [+]
Gaur, maiatzak 15, San Ixidro da, Baserritarren Eguna. Egurra Ta Kandela baserritar ekintzak salatu du ekologikoan lan egiten duten laborariak landutako azalera handitzeko diru-laguntzatik kanpo utzi dituela Gipuzkoako Foru Aldundiak. Horregatik, 12:00etan Aldundiaren aurrean... [+]
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Izenak, berez, ez du izana gordetzen. Papera ez da nahikoa, nahiz eta paperak denari eusten dion. Busti arte. Halaxe gertatu da Gipuzkoako Foru Aldundiko Lurralde Oreka Berdeko Departamenduarekin. Izan ere, izenak gorde beharko lukeen izanari uko egin dio; besteak beste, 2023ko... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
2020. urteko udaberrian lorategigintzak eta ortugintzak hartutako balioa gogoan, aisialdi aktibitate eta ingurune naturalarekin lotura gisa. Terraza eta etxeko loreontzietan hasitako ekintzak hiriko ortuen nekazaritzan jarraitu du, behin itxialdia bareturik. Historian zehar... [+]
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Euskal Herri mailan txikitik handira agroekologia sustatzen duten zenbait elkarte eta kooperatiba ataka larrian daude, finantziazio iturriak bertan behera geratu ostean. Erakunde publikoetatik, berriz, elikadura negozio gisa ikusten duten proiektuen aldeko apustu irmoa nabari... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]