Latza izan behar da PSNko militante edo boto emaile izatea, eternitatean galdutako arima galduak kate astuna daraman legez, hura ere beti UPN –NS orain– boterera aupatzera kondenatua. Latza idazkari nagusiaren Sisiforen jarduna, etengabe harria mendi tontorrera garraiatuz, goian denean harria askatu eta behin eta berriro nola erortzen den ikusteko.

Hori da igande honetan El Confidencial hedabideak zabaldu duena eta apurka han-hemenka hedatzen ari dena, besteak beste Cadena Ser-ek ere zabaldu du eta. Maria Chivite, PSNko lehendakari gaia asteazkenetik aurrera bilduko da Geroa Bai, Podemos eta Izquierda-Ezkerrarekin.

Datorren asteazken, ostegun eta ostiralean bilduko da Maria Chivite, Geroa Bai, Podemos eta Izquierda-Ezkerrako ordezkariekin. EH Bildu baztertu du, iragarria zuen bezala. Nafarroako Gobernua lortzeko aukerak arakatuko dituzte eta, itxura guztien arabera, erabakia  hemengo PSN eta beste hiru indarren menpe balego, ez dirudi zailtasun handirik izango lituzketenik akordioa lortzeko. Joan den legealdian ere aukera horren aldeko defentsa behin baino gehiagotan egin dute PSNk eta Geroa Baik.

Oraingoan gehitze efektua guztiz bete da eta Navarra Sumak 19 parlamentario lortu ditu. UPNk lehen 15 zituen eta PPk 2. Beraz, blokeak 3 gehiago lortu ditu. PSNk ere igoera handia izan du 7 eserlekutik 11ra igaroz. Emaitza txarrak aldaketaren alderdietan izan dira. Geroa Bai 9 eserlekuak errepikatu ditu, EH Bilduk ere lehengo 8ak lortu ditu, eta galerarik handiena Podemosena da, 7 eserlekutik 2ra. Izquierda-Ezkerra ere 2 parlamentariotik 1era pasatuko litzateke.

María Chivite PSNko presidentegaiaren hitzetan, “Nafarren konfiantza berreskuratu dugu, berreskuratu dugu Nafarroako sozialistak izatearen harrotasuna”.

Euskararen Aldeko Plataforma eratu dute Tuterako AEK-k, Argia Ikastolak, Beterri Peñak, Arrigarai Euskaltegiak, A ereduan irakasle lanetan ari direnek eta Tuteran Jai Gazte Mugimenduak. Plataformako kideek adierazitakoaren arabera, Nafarroan euskararen kontra etengabe egiten diren erasoen aurrean, aukera berriak proposatu nahi dituzte, hizkuntzak bere esparrua izan dezan: “Euskarari aitortza egin behar zaio, euskarak ofiziala izan behar du Nafarroa osoan”.

Espainiako Gobernuan Mariano Rajoy presidente zelarik Carmen Alba izan da ordezkaria. Orain, Arasti izendatuko dute Pedro Sanchezen gobernuaren ordezkari Nafarroan.

Nafarroako Parlamentuak eskatzen duen barometroaren arabera 25 eserlekutara berdinketa izanen litzateke hauteskundeak orain eginen balira, alegia: 25 eserleku izanen lukete UPN-PSN-PPN eta Ciudadanosek eta 25 eserleku EH Bildu, Geroa Bai, Podemos-Ahal Duguk eta Izquierda-Ezkerrak.

Hezkuntzako Lan Eskaintza Publikoan bi azterketa –bat, euskaraz eta bestea, gaztelaniaz– egoteko lege proposamenak aurrera egin du Nafarroako Parlamentuan; euskaldunek bitan probatu beharko dute beren jakintza, bi etsaminatan.