PSNren gerra


2024ko uztailaren 08an - 09:18
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Nafarroako Udal eta Kontzejuen Federazioa "beren interes partekatuak eta tokiko autonomia babestu eta sustatzeko" sortu zen. Laster komunikazio-arduradun bat hautatuko dute, gaztelania eta euskara menperatu beharko dituena.

Bada, PSN-PSOEk baztertu egiten du (ustekabea Sadarren!) lanposturako euskararen ezagutza eskatzea; "baztertzailea" dela diote, eta Nafarroako "borondatezkotasunetik eta errealitate soziolinguistikotik" euskararen aldeko apustua egiten dutela, baina ez dutela bat egiten “derrigorrean hori inposatzearekin", eta euskara-itzultzaile batekin nahikoa eta soberan badutela...

PSNk ez ditu aintzat hartzen "eremu euskalduneko" 64 udalerriak (eta "eremu mistoko" 98ak), NUKFrekin euskara normaltasun osoz erabiltzeko aukera izan beharko luketenak. Horretarako, komunikazio arduradunak, lehendakariak eta NUKFko gainerako taldeak euskara menperatu beharko lukete, gaztelania bezala.

PSNk aspaldi deklaratu zien gerra nafar herritar euskaldunei. Baita erakundeei ere. Badirudi, banderatxoa, Espainiako selekzioa, euskarafobia eta beste ezer gutxi geratzen zaizkiola baliabide ideologiko gisa

Baztertzailea da, udalerri euskaldunek, parte hartzen duten erakunde bateko organo kudeatzaileekin harremanak euskaraz normaltasunez gauzatu ezin izatea.

"Derrigorrezko inposaketa" da, udal horiek Nafarroako beste erakunde batzuekin gaztelania erabiltzera behartzea, are gehiago NUKFren kasuan.

“Borondatezkotasuna errespetatzea”, euskaraz hitz egiteko eskubidea ere errespetatzean eta bermatzean datza, gaztelaniarekin gertatzen den bezala. Are gehiago, erakunde publikoen kasuan.

Errealitate soziolinguistikoa dinamikoa eta aldakorra da. Hain da horrela, ezen euskara, Nafarroako jatorrizko hizkuntza, XVIII. mendean ere nagusi zena, gutxiengoarena baita gaur egun, gobernu espainiarren (eta Nafarroako zenbaiten, egungoa bezala) setioaren eraginez.

PSNk aspaldi deklaratu zien gerra nafar herritar euskaldunei. Baita erakundeei ere. Badirudi, banderatxoa, Espainiako selekzioa, euskarafobia eta beste ezer gutxi geratzen zaizkiola baliabide ideologiko gisa.

PSN, eman arreta gertatu zaizuenari. Uda horretarako aukera aproposa izan daiteke.

Ernesto Leiza Urrestarazu

Bakaiku (Erreserba “euskaldunean”)

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Irakurleen gutunak
Meaka-Irimo bizirik!

Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]


Bilbao BBK Live-k ‘life’-a xurgatzen dit!

Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]


Eguzkiak etxebizitza erre du

Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.


2024-06-27 | Jauzi Ekosoziala
Zenbat dira gehiegi eta nahikoa?

Zeintzuk dira gure benetako beharrizanak ondo bizitzeko? Zer da ondo bizitzea? Galdera hauei erantzutea funtsezkoa da gehiegikeriaren gizartean, are gehiago larrialdi klimatiko, ekologiko eta zibilizazio krisiaren garaiotan.


Eguneraketa berriak daude